右手邊係副校長梁滿寛，你認唔出呢？
下面呢張就係全照

哦,係喎,難怪你唔知道啦
以前好想讀上午校,因為成日覺得下午可以有時間同d朋友仔去玩,
但屋企人唔比,原因係下午屋企冇大人睇住我地,驚我地會作反
所以,趁住星期六長短週呢個機會,就可以搞"自由活動"了

引用:

原帖由 瞭望台 於 2008-8-12 23:43 發表
相信你上課前也間中光顧"周強記"吧!戰績如何?

你一定有份去呢間"大檔"啦
我當年有聽老師講,唔好玩佢d"潛"紙仔,所以冇乜損失,
但佢有部彈波波機,我就玩過好多次,真係呃人架呢
以前返學零用錢得2蚊,通常都用係小食部,或者用左去幫趁姓蔡果位街坊賣既"涼粉橙"

記得姓蔡果位街坊賣涼粉既位置有好多美味街頭美食．
炸豬大腸，好大塊，呢家買既冇咁巨型
魚蛋佬，佢ｄ魚蛋超正，果種味道呢家搵唔返
牛什佬，以前只係食佢ｄ羅白
威利民餅家好似就係呢個位置
永華印象中去過幾次，但睇咩戲已經冇印象了，但有一套好印象深刻，
就係李修賢做既”中國超人”，你有冇睇過呢？

歡喜酒樓呢個名有ｄ印象，是否在西灣河呢？

引用:

原帖由 瞭望台 於 2008-8-17 10:18 發表
對。
那你記得萬邦酒樓嗎?在金星戲院的舊址!

記得,萬邦就係依家工聯會位置,當年酒樓門口有個魚池,好多小朋友喜歡去睇魚,
但佢有一排好尖既圍欄,好多大人細路都比佢刺傷流血,當然我都唔例外中過招啦.
金星戲院就真係唔知啊,會否在萬邦酒樓附近?記得佢隔離有間叫"金星藥房"啊.

英昌電器仲係度啊，依家仲有好多老街坊支持佢，
而且服務好，收費公度，所以今日都仲企得住．
金星戲院可能好早拆左，所以冇晒印象，
金明戲院我就知呢

引用:

原帖由 瞭望台 於 2008-8-19 22:54 發表
CCOOWW你有印象永華戲院對面未愛秩序灣未大火前是什麼?

只記得好少，只記得馬路邊係有幾檔檔口仔賣貼紙，而向西灣河方向就係一例棚屋，
去到公廁附近已經係海邊，有好多船同有人賣魚，
而向金華街方向好似有個巴士總站，好似係２號車．
對嗎？

哦...原來14號車當年唔係在西灣河總站的,真係唔知道呢.
20號車亦都遺忘了,係行走那裡呢?
照瞭望台兄所講,永華戲院對面當年都算幾熱鬧喎,我未入過後面d棚屋,其實有咩既呢?
肥婆同瘦婆未聽過,係賣貼紙的?

記得當年每逢夏天，都係生頭蝨季節．
同學仔當中好多都係漁民，所以都中過幾次招，
清除頭蝨要用樟腦油焗頭，你地有冇試過呢？

借左某師兄張圖分享
呢個巴士站記得嗎？

透過你既講解同呢張圖，腦海即刻記返起一些模糊景象，
對啊，記得巴士一轉右位置有一檔賣金魚．
我有四出偷相既習慣，偷到好野一定益街坊

呵呵~~原來你都有養魚,我都有啊.
我記得幫佢買過曼龍,豬仔魚,紅劍等...
最好玩既,當然係"打彩"啦

引用:

原帖由 choihung 於 2008-8-26 01:16 發表
我也有養魚，不過我還是“初哥”。有空請多指教養魚技巧！

我地講既所謂養魚,其實都係廿幾三十年前既事囉
以前我地養魚係只係用大隻西兄講既果種魚缸,一個氣泵,
所以d魚通常都唔長命,過到冬天都算係奇蹟.

引用:

原帖由 瞭望台 於 2008-8-26 22:48 發表
ccooww 提到鸞鳳，我有一張貼圖，相信你會喜歡!看看電話號碼!!
783291

正喎,咁你都搵到真係利害啊!
電話號碼係7字頭,又冇分港九新界,咩年代呢?

引用:

原帖由 大隻西 於 2008-8-27 00:35 發表
我都幫襯過呢檔 八蚊買過一個八寸魚缸 鐵框酥上一噠噠綠色油 玻璃用油灰吻著 粗制濫造。又買過紅劍 黑魔利 萬龍 孔雀 買過一條好靚的彩雀[泰國打魚] 紅身綠鰭 1.4元買 養咁耐魚到依家都搵唔番！

我都係用呢款魚缸,不過就大個d,外觀個真係幾醜陋,
玩到都咁上下就漏水,用油灰吻完又漏,漏完又吻,好似個魚缸同d魚鬥長命咁...
上星期行過旺角金魚街,發現依家都有打魚賣喎,不過d品種差左,
見唔到粗身短尾既"將軍彩"囉.

引用:

原帖由 大隻西 於 2008-8-27 21:45 發表


CCOOWW兄以前用油灰D缸 因為有桐油影響水質 魚容易死 其實金魚街有好多彩雀賣 近太子果邊 賣臭豆腐隔離有兩檔彩雀店 對面都有 早兩年就買過幾條將軍 50蚊條 鬥魚可以放落大缸混其它魚 唔會打重好靚 有兩一齊條就 ...

多謝大隻西兄提供,原來仲未絕種,$50蚊條,貴過以前好多倍喎

引用:

原帖由 瞭望台 於 2008-8-28 23:13 發表
ccooww, 鸞鳳的升降機你感唔感搭

敢呀,以前我仲成日搭架,
因為我有個小學同學住呢度,好多時都上佢屋企玩,
記得佢係全手動,兩度門要拉又要推先得

引用:

原帖由 mingkee 於 2008-8-28 21:13 發表
無聊之間, 想搵下7,80年代筲箕灣舊貌, 比我搵到呢道, 看到大家嘅留言, 勾起不少含糊嘅回憶!!
ccooww師兄 : 梁寬副校緊記得la, 上堂最鍾意吹水ma, 經常離題萬丈又一堂!!仲有, 佢最鍾意送啲過期 ...

mingkee兄都係校友黎喎，你記性好過我好多，你所提及既老師，已經冇晒印象了
粱副校長個人其實幾好既，不過就千萬唔好得罪佢，惡起上黎都唔係人咁品，見過佢用書炳學生架，

有次佢上堂時同我地講，咁多年都未做到校長，其間爆左一句”風雲際會自有期”，我小學生當然唔知咩意思啦，之後佢好努力同用心講解，原來意思係佢叫自己唔好心急，校長呢個位總有一日會接棒，就係咁吹吹吹，就上完一堂了

"江雞"一定記得啦 , 你睇佢個樣已經知道佢係惡，我都比佢炳過呀．
"航空母艦”呢個名好熟，張相有冇？指黎睇下吧．

引用:

原帖由 瞭望台 於 2008-8-29 22:55 發表
有時我也有到附近的興發喝茶的!你有嗎?

有呀,不過好少去呢間茶樓,大污穢同核突了,d呀叔呀伯好鍾意除鞋戙高腳,
個環境唔知點咁,通常都拉老豆去冠男,起碼high d先啦

mingkee兄
你一講”彭雞”又勾起好多回憶，
係呀，佢教過我數學，呢位老師鄉音好重，惡起上黎實力都不下於”江雞”
印象中都俾佢炳過．
講開就覺得，以前呢間學校ｄ老師，女性既大部份都惡過老虎，我地班學生都係活在恐懼同壓力下成長，每當做錯事就要罰抄或者體罰，真係苦不堪言
知道邊個係"航空母艦"了，佢冇教過我，個名又真係好頂癮
你有冇私人珍藏相呢？放ｄ上黎益街坊喎．

太平超市當然有去過啦,呢個地方都算係香港早期既超市,你有冇試過一入去就有個四眼佬當你係賊咁跟蹤呢?我就試得多,因為好多同學仔都鍾意去呢度偷野....
瑤瑤有玩過,瑤瑤大王直情係偶像添啦,有冇玩過金牌瑤瑤?手惑又真係好d喎

引用:

原帖由 瞭望台 於 2008-8-30 23:17 發表
我在77年已畢業
此是76年成績表786680

我已經唔見哂呢間學校d成績表

引用:

原帖由 pceworld 於 2008-8-31 19:23 發表
我既成績表我搬了幾次家後已經不知所縱了.......
筲箕灣既相......我有時間都搵下先......應該仲係到.......

希望快ｄ搵到啦，呢次靠你啦

引用:

原帖由 瞭望台 於 2008-9-1 20:43 發表
那時博命飲可樂+雪碧,都中不到瑤瑤
話時話，那時東華三院一枝維他奶(長頸)多少錢?我是四毛!

瞭望台兄你有錢博命飲真係幸福啊，我當時係周圍去ｄ士多問ｄ老闆攞汽水蓋，
由筲箕灣去到西灣河，好鬼勤力，當然有回報啦
維他奶幾多錢就唔記得了，只記得孖條２亳子一條，兩個同學仔一人一亳子就可以一齊分享了．