好珍貴的圖片，照片中的港島東感覺好荒涼，只見一堆堆漁船及木屋．
太古船塢後面山上那清晰山路，相信是柏架山道．

我老豆又係同培伯好熟,佢成日去佢舖頭傾計,佢傾計時,我就會係斜路玩.
瞭望台上小小位置係咪有檔賣公仔書既呢?
好似有小小印象,係70年代初期啦,你記唔記得呢?

引用:

原帖由 瞭望台 於 2008-9-4 21:33 發表
賣公仔書，是否瞭望台上小小，培伯隔離的平海人開的鋪，是各樣東西都有的士多。
你爸爸又係同培伯好熟,佢成日去佢舖頭傾計，我可能認識他也未定！
斜路的人，有那些名字你還記得？

應該係呢間鋪,那時候年紀太小了,已經冇乜印象,後期係咪將間鋪改建成木屋,賣左比人住呢?
斜路的人我唔識啊,只記得70年代油叔,蘭姐,三個米佬,瞭望台既朱伯,
到左80年代,斜路已經開始改變左好多,油叔間鋪頂讓左比其他人做,
蘭姐,生果檔,好多都結業,繁盛既日子開始過去了.

係啊,瞭望台兄,80年代開始,好多街坊知道耍拆村,好多都賣屋搬走,
印象中唔係人人都可以上樓,有d居住年期唔係太耐既街坊,要搬去安置區,
而政府係分階段安置村民,但選擇搬遷既地區唔多,只有三次機會,所以當時好多街坊都搬入沙田,因為係新樓,而且租金比較平.
眼見街坊一個一個搬走,條村就愈來愈冷清,感覺有點淒涼,而再後期d,感覺直情係恐怖....所以某些本來要求多多的街坊,後期都會降低要求自動遷出,政府收村很成功,無需要強行封屋拉人.

我就係去左柴灣果批，呢度有時都會見到ｄ舊街坊，
我未算係最後，但好多朋友都搬先過我，見住一個個咁走，條村一日冷清過一日，當時心情都幾沉重．

你說姓蔡的是否賣涼粉那一家?我好像未見過,或者他們居住地方不是和我不同,而姓楊的偶然也會見到.
"大頭蔡"這個名字聽過啊,但好像有好多個都叫"大頭蔡",你所指的是那一個呢?
可否形容一下?

哦,原來你講呢位,知道啊,佢住我隔離屋,當然認識啦.
佢個大仔,係我老死黎添

你都識佢大仔,啊~~即係你都係好百厭啦
佢地係比較早搬出一批,係搬去北角村,
依家就唔方便透露了,因為呢位老死同我仲有聯絡,
呢度始終係公眾地方,費事話我暴露佢行蹤,
比佢發現屈我食飯咪益左佢

兩位師兄所講的青天白日旗國民黨的油畫,相信香港再無機會目睹了
鸞鳳之後的冠男有冇在大日子掛大圖畫作為表示呢?

淺水碼頭村中醫個故事,都係來呢邊講貼題d
太約79年某天,小弟同幾個朋友仔到聖馬可公園玩,在一個大約5尺高既地方跳下地面時,左腳落地時落得唔正,聽到啪一聲,之後傳來一陣劇痛,行唔到,要由兩個朋友挾住送返屋企.
老豆帶我到梁x睇鐵打,經診斷後話我扭傷腳踝,敷幾次藥就冇事了....敷左幾日藥後,發覺情況冇改善,痛的位置在腳脛,老豆帶我到村口的鐵打醫生再診治,醫生建議去照x光,之後先知原來上五寸下五寸骨裂左.......

在村口那個鐵打醫生診治期間,只係天天替我捽鐵打酒,過程係好痛好痛,佢話要捽散d瘀血,(在骨裂的位置狂捽,痛苦程度可想而知 )
之後再包d唔知乜藥,大約兩星期過後,情況冇改善,而且整過腳脛位置發黑,病情仲惡化了.....
有位相熟街坊見到我呢個情況,就帶我到村上面一個醫師診治,
記得呢位醫師居住的地方,屋外面只不過係平凡不過的石屋,但屋內面,入面的藥材,比其他鐵打佬要多,而且很多很名貴同稀有.
當呢位醫師弟一眼見到我隻腳,已經驚嘆地講:你隻腳已經開始壞死,如果再過兩日就冇得醫,要切除了......

醫師叫我再去照多次x光,發現本來只是骨裂,經過多次勁捽鐵打酒後,現在變成斷骨了,(腳骨都比佢捽斷,你可以諗下係幾恐怖)
醫師話我咁細個,如果切左隻腳好可憐,所以佢用盡所有名貴藥材黎醫我,有d好珍貴而且用晒就冇,最記得係"鴉片",佢話呢種藥佢係醫生先可以擁有,但用晒就買唔返,但都一樣用黎幫我敷藥，而藥費每次只係象徵性收幾十蚊，係我人生中第一次遇見真真正正懸壼濟世，宅心仁厚的再世華佗．
經醫師一天一天的治療，病情好轉了，而每天醫師都能預計我康復的程度，腳部會有什麼感覺，而準備下次所需要使用的藥，呢樣本領我覺得很利害．
直到有一天，他說我的腳骨已經接合了，試試企起身，行出一步．．．
當我踏出傷瘉後第一步，感覺真係難以形容，第一個感覺係：
好感激同多謝醫師你送返隻腳比我，今後我會好好珍惜！

點解我會稱呼這位醫師為神醫，醫師話佢的醫術係因一次緣份機會下，由他的師傅經夢中傳授給他，故此治療方式同其他鐵打醫館唔同，至於詳細我唔敢問了，因為我當年十歲左右，只係行得返後到過醫師屋企別一層樓上香給他師傅，而呢層樓好似神壇，每次去上香我都驚驚地．
呢個經歷對我好深刻，令我相信世上真係有隱世高人，而令我疑惑又不得不信的夢中傳授醫術，事實又真係從我險成傷殘邊緣拯救返來，給予我今日可以行得走得．

係啊,自從遇上呢位神醫後,已經對其他鐵打醫生冇乜信心,
亦都因為呢件事之後,都唔敢再亂跳,
可惜呢位神醫80年代中期搬離淺水碼頭村,再無聯絡了.

各位師兄如果真係唔好彩要睇鐵打醫生,真係要好小心選擇,唔好彩遇著無良醫生,真係可大可小啊!

多謝瞭望台關心
小弟依家年紀大了，而且見過鬼怕黑，學識左錫身同緊慎，多得老天爺保佑，廿幾年都未睇過鐵打了

財記兄
金記都有幫趁過，我只係覺得得個舊字，可能細個冇幫趁過，對佢冇乜感情．
現在佢門口夜晚有幾檔夜市宵夜，有冇幫趁過呢？

有啊,記得佢個子短小,帶眼鏡,
有一年人口統計佢來我屋企做統計,搵我老媽子做問卷.
佢年紀同你都差不多喎,是否你同學呢?

引用:

原帖由 瞭望台 於 2008-9-24 20:58 發表
不是同學，但經常一起玩耍！有沒有他的近況?
我媽媽跟他媽媽很熟的!

他好像80年代初已搬出,我已經沒有他消息了

楊同學已經沒有聯絡好多年了，
而且有十年沒見他，相信他已搬離我居住的地區．
但好偶然會見到他的家人，但真係好耐先見到一次啊．

嘩!絕對係珍貴圖片,謝謝瞭望台兄!
可以放張大size給我收藏嗎?
圖片中所見紅色呢間屋,就係瞭望台啦,下小小那度白色石呢個位置牆,今日依然存在.留意石牆那棵榕樹還未長大,我估呢張相都幾耐歷史囉....
圖中男子望住的那間屋,如果冇記錯就係一個叫"魚雷仔"的人居住,佢養左隻大狼狗啊.

好的，你有時間才ｓｅｎｄ給我啦．
如果冇睇錯，紅色是"啟生大押"那棟大廈，白色的叫"鴻利大廈"．
瞭望台兄，住村時期我又冇想過住這些大廈，當時都係覺得住村好玩ｄ，
如果住樓就冇咁多地方比我走動，住村可以上山玩，公園可以踩單車，斜路玩滑板，水井可以釣魚，屋頂可以睇星星．．．．大多了，數唔晒
住木屋最特別之處係每間屋建造同設計都唔同，去到每個朋友仔屋企都有唔同玩意同唔同禁地，諗返起都開心啊

我的木屋都試過因颱風被大水沖去一部份,成個廚房連廁所冇左,
打風其間住木屋真係好鬼恐怖,我住的位置在水坑邊,
一落大雨就見到洪水暴發......

培儀幼稚園是否現在名望髮型屋樓上？
記得新僑學校對面有間幼稚園，幼稚園入口處要經過一間麵飽店．
麵飽店是否就是金杯麵飽呢？

引用:

原帖由 Lydia123 於 2008-10-14 05:36 發表
我不知那裡是名望髮型屋
培儀幼稚園在筲箕灣道的，
照記得金杯是不太大的麵包店，
應該係在金杯向西少少

名望髮型屋就係誠信向西灣河方向行過少少，馬會對面啊．
Lydia123師姐你是６０ｓ在筲箕灣居住的嗎？

[ 本帖最後由 ccooww 於 2008-10-15 23:54 編輯 ]

年紀大左，老眼老眼昏花，打錯師姐個名，已經更正返，唔好見怪啊
你所住的舊樓是否突左出筲箕灣道，佔用左半條行車線的那座呢？
你所講的舊式茶居有點印象啊，只記得好殘舊，同興發茶樓差不多樣啊．
仲有那士多亦有點印象，最記得有第一代扭蛋機，五毛錢扭一次