Lydia123師姐所講的當年往事,
令我諗返起70s筲箕灣好似有個賣馬騮戲的人,隻馬騮著住衫耍刀槍同翻筋斗的呢?
有印象嗎?
還是我記錯呢?

多謝laupei2006提供
哈哈,原來真有其事,唔係夢境.
師兄,可否形容一下當時既情景呢?

感謝兩位師姐為我們拍攝這些充滿回憶的相片
每次看見這榕樹,就會想起當年住村的日子,這是每天必經之路.
榕樹今日已經長大至3,4層樓高,再過一些日子,它可列入"古樹名目冊"了
圖片所見,斜路多了一列鐵扶手,政府又黎好做唔做搞破壞!

瞭望台兄這圖片真有意思，
我的全家福照片，就係呢度影的
圖片中那手字筆跡，70年代好好流行，我見過好多人都係寫成咁樣(包括我老竇)，
唔知係咪因為以前ｄ前輩話自己讀得書少，還是寫毛筆字多呢？

好野喎瞭望台兄
呢個絕版膠袋相信都有二十年歷史,
細看膠袋上的文字同圖案,其實都幾精美,好有中國色彩.
廿年冇見過,估唔到會再見返,重組返腦裡面模糊既影像.
真的好懷念當日赤腳去華都搞玩具的日子

瞭望台兄所講既銀翹當時好流行,仲有一款叫牛黃解毒片,有乜頭暈身興靠晒佢.

Lydia123師組講既橙型的軟糖最有印象,中間有個白色既圓筒形紙轆,
轆吓轆吓就已經係一件玩具.

網上搵到幾張華都當時售賣既零食,有印象嗎?

我最近去國貨公司搵過，圖中三樣食品只有山渣餅依然存在，
其餘兩款，同瞭望台兄所講既白雲汽水已經搵唔到
Lydia123師姐所形容既結連，就係咁既感覺了，而且係勁甜
白雲汽水有兩款味道，一隻黑一隻白，名稱唔記得了，白色好飲ｄ
連結/結連呢個名，我到依家都未識分，我記得黎明記賣三毫子，
朱古力威化兩毫子

華都隔離幾個舖位,過左書局就是嘉頓餐廳,
記得好細過時食過炸雞比,當時黎講覺得係極品,好難得先有一次入去幫趁.

對啊,對面就是投注站,隔離就係興發茶樓.

記唔記得70s肯德基家鄉雞曾經出現過在筲箕灣?

引用:

原帖由 財記士多 於 2008-11-14 15:49 發表
華都  隔離 是華天 書局 ...   和 一間快餐店  ..出名(炸 雞脾)......再過些就是嘉頓....

係喎.....呢間快餐店已經遺忘左,好彩財記兄提一提
好似仲有熱狗出名喎

54B兄,我們一班街坊都期待著你d相片啊~
54B這是你居住的門牌嗎?

５４Ｂ兄
在"回覆"位置打字後
按"預覽帖子"
之後會出現一個"上傳附件"
你可以用呢個方法上載
你試試得唔得

牛佬呢個名咁熟既？有Ｄ印象，但個樣係點已經忘記了，係咪好惡架？

嘩!正呀!
多謝54B分享,
一望見張相入面個環境,就即時好似入左時光隧道,
相入面既地方,令我勾起好多回憶.
你對面那戶人家,好像是姓廖的,是嗎?
直望有個窗那個位置,行上小小就是財記啦
牛佬身後那圓圓屋,有個呀婆每朝打開呢幾個窗刷牙,D水就向大坑位置狂力噴出

54B兄,仲有冇相呀?好鬼正呢

[ 本帖最後由 ccooww 於 2008-11-20 22:38 編輯 ]

財記兄講得岩,我同54B兄只係相隔一條大坑,
計落你仲近,因為你間屋橫誇大坑.
但諗返起其實都幾危險

引用:

原帖由 54B 於 2008-11-21 18:40 發表
淺水碼頭村-人頭山水渠路(嗰兩個係我細佬)
856684

哈哈~~勁正,睇見呢張相就開心,
原來你地都有上水渠路玩,真感動,証明你都係百厭一族啦
54B兄,想問問你照片拍攝既年份?
因為照片中既水渠路咁荒涼,我識上山玩係80年代,環境有d唔同,
相同既地方,我地都係腳踏"白鴒牌"硬膠拖

正!
感謝54b兄,呢張圖片,令我諗返起好多回憶.
圖片拍攝位置,好近瞭望台兄屋企.
相中夏園仲未拆,黎明記上面個水喉仲有街坊攞水,
黎明記下面李幾間屋我好似未見過,
呢張相都好耐歷史,好珍貴啊!

我係60年代尾出世,54b兄你唔你大我好多咋
我只可以稱呼你做大哥哥,叔叔仲差好遠呢
我估開設呢個話題既瞭望台兄年紀會同54b兄你接近d

引用:

原帖由 瞭望台 於 2008-11-21 21:23 發表
相同既地方,我都係腳踏"白鴒牌"硬膠拖!!

原來瞭望台兄都係"白鴿牌 "fans,
呢款拖鞋優點係襟著耐用,
而缺點係踩狗屎善後工作十分困難,
輕微既可以去水喉沖水,
情況嚴重要用香雞去挑

我都試過呢個情況，亦都係用呢個方法解決問題，都係比黎婆鬧
呢個服務村民既街喉，應該都為唔少街坊解決呢個難題

金華街其實唔止白鴿牌，仲有日常同返學衣著，一日三餐都係靠佢，
今日呢條街仲保存住真係好安慰，有時行下懷舊一番都幾好架．

引用:

原帖由 54B 於 2008-11-23 00:30 發表
在人頭山捉金虎
857417

好圖,童年時候的水渠路,真的令我們這群小孩子樂而忘返.
看見圖中那幾位小孩子,就像看見自己當年,
大概山村上小朋友身上所穿的及娛樂,都是大同小異.

54b兄所貼的圖,每張都咁精彩
圖中那段樓梯格離的斜坡,細個時候最鍾意當sir滑梯玩,
上面那列木屋,有一個豬腸粉製造工場,
一蚊雞可以買一大包,好抵食架

引用:

原帖由 瞭望台 於 2008-11-23 11:18 發表
我番學的紅鳥皮鞋也是在金華街買的。有一次，我的買鞋錢在周強記輸晒，結果......

小小年紀已經賭咁大,今日應該成就非凡啦

啊!54b兄呢張照片真係極品,
你真係唔話得,連自己張相都放上來,令人感動
呢張相著得咁靚仔係咪新年影既呢?
背景就係論壇早前所講既大中同康元,有你呢張相,可令大家模糊記憶又清晰起來了,
真的萬分感謝
你爸爸個生果檔位置好明顯,一望就知,
但你所站立的位置我未見過,應該是愛民街,
但又怎麼會是爛地一塊?
可否講講拍攝日期呢?

54b兄
想問問你係咪好早已經搬離淺水碼頭村呢?

印象中你呀爸檔生果檔好似80年代初就冇做,係嗎?
呢張相勁正!呢個位置就係我細個游水水池果個位,
估唔到幾十年前同今日分別不大,只係右手邊多左好多樹木,橋兩邊多左欄杆.
我呢張係早幾個月影既,對比下就知環境有咩分別

[ 本帖最後由 ccooww 於 2008-11-27 22:11 編輯 ]