其實呢個地方因為將軍石已經漸漸成為出名行山徑,
你所講既成安街上山,向柴灣方向應該都去到,
因為我試過由大風坳出發,都可以去到呢個地方.
最快捷方法係由柴灣道同石澳道交界呢個入口行上去,
穿過一段樹林會見到好多大水管,就向筲箕灣方向行,
沿途係引水道,見到呢條樓梯就行上去,
再向前行就係目的地了

[ 本帖最後由 ccooww 於 2008-11-28 18:33 編輯 ]

54b兄即係83年開始無再在村口開檔,亦在同年遷出淺水碼頭村?
印象中你居住的54b好像轉手賣了給一對夫婦居住,是嗎?

即係54B係一間大屋,再分拆出幾個單位出租?
我記得好細過時候係入過去54B,係老豆帶我入去,
因乜事就唔記得了.
你所指的關係大不如前,係指你同謝X還是他的兒子?

引用:

原帖由 54B 於 2008-11-29 18:55 發表


最初有三伙人,有一伙是姓潘的,他們搬走後,就剩下我家和姓謝的.
佢哋幾兄弟,其中一些........人大了會變!

54B兄所拍的變,是友情改變,還是當人長大了,對事物價值的改變?
我印象中,70年代財記附近有一班年青人聚集,
有時會吹水傾計到通宵達旦,當中有你嗎?

54B兄,我係70至80年代在村中成長,真正認識淺水碼頭村只係十多年,
你可否描述下50至60年代村中情況係點樣呢?
例如夏圖,或者那地方是耕地呢?
有一段時期治安很差,很多賊匪出沒,村民自組打更對,你有經歷過嗎?

望台後面之上是否就是望台兄所講既"爛地"?
那地方有一間士多叫"旭記",54B兄是否就是居住在那裡的一列石屋?
54b兄講得對,淺水碼頭村既街坊好多都唔駛關門,鄰里關係好好,有事會互相幫助,
父母行開左小孩子可叫隔離鄰舍照顧,冇飯食俾埋佢食都得.呢一樣野自徒住左上樓就冇左.我都係覺得住村時候開心過住樓.
54b兄為何要搬離34號呢?住呢度其實方便你開檔喎?