其實我覺得真係越來越多問題。

點解市面上仍然有「色情」雜誌的同時，發放某幾個特定人物的可能不雅照片才會有警察執法？

點解報紙的風月版可以存在？圖文並茂話俾人知邊間夜總會好玩？扺玩？報紙售賣對像又不限十八歲以上？

點解警察唔封咗全港的成人貼圖區？成人電影BT區？

點解唔拉晒以上貼圖區及BT區的上載者？

點解咁都仲可以話自己唔係選擇性執法？

咁如果有人將今次風波的所有照片打格，唔露出性器官，咁又係咪可以合法地上載？

[ 本帖最後由 burgundybabies 於 2008-2-12 16:19 編輯 ]

引用:

原帖由 億萬豪情 於 2008-2-12 16:44 發表


對唔住，拉淫相等所謂不雅物品，係淫審處的工作，並非警方的工作範圍。

警方理應負責對付的是網上罪案如詐騙、黑客等等。

如果係咁，咁今次警察係過咗界？因為除咗第一手發圖者之外，其他人都不過係轉載，又何來「詐騙、黑客等等」。

引用:

疑似藝人裸照風案，警方前日再拘捕一名涉嫌複製百多張照片上網的青年，控以發布淫褻物品罪名，今在觀塘裁判法院    提堂，被告暫時毋須答辯，獲准以1萬元保釋候查，

最新被捕者係被控發布淫褻物品罪名。咁似乎坊間市面的「色情」雜誌，網上貼圖，成人電影下載都應該入埋數喎。