好, 用埋人權牌, 不卑不亢, 重新建立作為國家應有既尊嚴同埋身份.

如果可以用杯葛奧運攞翻國民支持, 抵到爛!! 以對等身份由基協會玩三通.  好棋.

下一步埋牙睇真工夫, 就要睇小馬哥點搞經濟.

政治家就好以係咁精彩, 等睇好戲.

要到外國去 "報告" 香港既人權, 自由, 民主,...狀況?  

呀咩咩大狀, 咩咩議員, 就算要同當權鬥爭, 唔該, 唔好穿洋過海搖尾乞憐.  尊嚴最基本係骨氣.

台灣其實無咩特別重要資源, 不過如果台灣可以分離, 咁新疆, 內蒙古, 西藏, 又點?  重點應該係”國土完整”.

中共由鄧老時代開始, 對於處理台灣係唔可以急. 最重要係局勢受控. 九二, 一個中國, 各自表達, 大家精彩, 有得商量.

可況依家大陸本身要處理既經濟, 民生, 國際, 或者內部鬥爭問題, 已經好頭痕. 應該只要唔台獨, 就可以大家鬥長命.

香港當年回歸, 比D傳媒同政棍吹到天崩地塌. 依家D朋友一放假就北上. 就算連D阿水民主議員都搵阿姐幫手攞回鄉証

時問同溝通真係可以改變好多野, 如果三通搞得好, 八年話長唔長, 話短唔短.

小馬哥呢4招, 都應該OK

引用:

原帖由 kenny01 於 2008-3-28 12:05 發表



中國人既諗法係唔同d既

唔會諗人民點諗,唔會理人地感受

只會諗住,老祖宗打落既江山,要失都唔可以響自己手入面失....

1. 中國人既諗法係唔同d既
呢個世界所有人既諗法都係有d唔同架喇

2. 唔會諗人民點諗,唔會理人地感受
應該都會諗同埋會理既, 所以先會操縱國內新聞同傳媒.

3. 只會諗住,老祖宗打落既江山,要失都唔可以響自己手入面失....
一定會有諗, 不過肯定唔係 ”只會諗”, 應該都會有諗國際軍事狀況, 蘇印越日邊境關係, 台海美航空母艦, 世界競爭力, 國內種族問題, 經濟調控, 民生發展….,

短短幾十年, 由老蔣既殘局到今日重返世界列強舞台, 中國人係有中國人既問題, 當中係有好多無辜犧牲, 出左唔少混蛋狗賊, 但係唔好忘記亦都出左唔少為國為民既英雄好漢. 過去就係咁样既一回事.