引用:

原帖由 suewong 於 2010-7-26 22:33 發表


係呀。佢係政府總部 "NOW" 手下，關埋門。都成條走廊聽到。

所以話佢忽然民生，其實係 有 point. 不過曾德成太唔識包裝啦。

有人說「香港良心」，
有人話「昂山素姬」，
我聽到都毛骨悚然。

引用:

原帖由 suewong 於 2010-7-30 17:32 發表


對日本的看法 ---
聽過 e-媽說 先母 8 兄弟姊妹，於抗戰時，貧病交迫，死淨 2 姊妹!!!

但客觀而論，人家比我們先進 / 文明。現在住的地方，華洋雜處。眼見的亞洲女性，日本女性真是最有教養。:very ...

但不要忘記日本也掠奪了中，韓幾十年。

p.s. 其實都唔關日本女人事。

[ 本帖最後由 理魯竇 於 2010-8-2 23:21 編輯 ]

引用:

原帖由 suewong 於 2010-8-23 00:50 發表


而家D 蜆唔食得o家啦

我記得細個，維港海水係藍色的。住貝沙灣 d 朋友話，佢見到既海，灰色。

圖中金銀貿易場泳棚旁邊，即白色建築物(前為置地宿舍，現為置地豪宅遨翔灣畔) 前有一小石灘，乃
我小時候摸蜆之地，都可以當餐餸，但而家就算摸到都唔敢食。

其實維港水質比前好左，起碼無咁多屎屎尿尿，海水顏色好受天色影響。無乜藍天，海水點會靚？

據悉有一兵種叫做「水雷炮兵」，
不知道是出自何經何典？

[ 本帖最後由 理魯竇 於 2010-9-4 15:24 編輯 ]

引用:

原帖由 老何 於 2010-10-10 18:57 發表
忠忠直直......................

老何兄、點解會忠忠直直................
講 d 典故俾大家聽下..........

大風少少，但無乜雨，
有些山雨欲來風滿樓的感覺。

但我們這班經歷過瑪麗、溫黛的老鬼，
都應該唔會怕打風吧？

點解呢間建築物講講下無左下文？

引用:

原帖由 老何 於 2010-11-7 21:42 發表
Albert叔掛住d鯇魚腩, 老何就掛住d鯪魚腩. 巡街市, 乜都加..........婆仔買條魚尾, 拿起放下, 又拿起又放下！

e+d淡水魚檔, 揾條鯉魚睇下都冇, 問魚佬, 答：阿伯, 係你地先買, 冇人吼好耐了。
之所以問, 遲d北風 ... 小欖, 中山縣；小欖公此店風味, 南番順根苗。何善衡先生, 番禺人。

講開亞「善伯」豪爽作風，有一段江湖傳聞。

話說當年他的錢莊週年紀念，善伯照例上台發言，
講到興高彩烈，突然間話出多一個月糧，個個拍爛手掌，
可能佢老人家唔記得間錢莊已經唔係佢話晒事，
如果鬼佬唔肯，都唔知點算，
點知老人家話佢地唔肯俾我私人俾，
後來鬼佬都順佢意，照出多一個月，伙計們笑逐顏開。

高家仍然擁有一家銀行，
叫做大有銀行，
真係無乜人識了。

引用:

原帖由 mtpen 於 2010-11-20 22:09 發表


小弟跟老可兄一樣，乃杞人憂天一族。

名城變廢墟，並非冇可能。

災難之為災難，皆因人們事先不肯，又或不能走避而成。

性格决定命運，我跟老妻批死自己，發達一定冇我份，不過乞食 ...

歷史告訴我們，睇衰香港的人，多數會輸，67 如是，97如是，03 如是..............

筆兄真的是杞人憂天，為何會選擇回流於危牆之下，真令人費解。

如果吾兄於回流當時置業，肯定肥過豬仔。

[quote]原帖由 mtpen 於 2011-1-4 14:40 發表


縱使其晚年的一些政見妳未必認同，若然佢能勇敢做出當年尤伯連納死前之壯舉，乃可將功贖罪矣！

以佢今時今日之聲望及影响力，擁躉無數，正好跟禁烟辦合作，拍一輯短..............


千祈唔好叫華叔拍戒煙廣告呀，分分鐘有反效果，
尤伯連納得65 歲命，可以嚇下人，
華叔日日包幾二包煙，都可以成80歲命，
唔食個個至傻。

[ 本帖最後由 理魯竇 於 2011-1-5 21:25 編輯 ]

筆兄，小弟個老豆都係煙剷，以前朝朝起身咳到地都震，
六十多歲時入過一次醫院，先至識驚，立定決心戒煙，如
今搵聲咳都無，今年九十二。

有時我覺得嫁著個煙剷老公的女人很可憐，咀對咀？點忍呀？

引用:

原帖由 suewong 於 2011-1-9 15:40 發表


先父都係煙剷，最後死於肺氣腫/哮喘.

但我對吸煙, 沒有惡感. 亞爸勤奮工作, 沒任何嗜好, 食下煙, let go la...

不作無益之事, 可以遣有涯之生 ?

飯票喜歡飲紅酒, 起初唔敢比我知. 點知我鼓勵佢飲少 ...

我對吸煙，如沒有影響他人(幾難)，亦沒有惡感。

Sue 姐應該吸左好多年二手煙，有無去照過肺？

引用:

原帖由 mtpen 於 2011-1-13 08:15 發表


就算佢真係食得好自律(I doubt very much) 冇影響其它人，但對子女就唔公平矣！

個老豆係個自甘墮落，打跛嚟醫嘅慢性自殺者，第日係個長期病患者，你又有何感想？

你會贊成 ...

中國大陸每年直接或間接死於吸煙超過 100 萬人，
係每一年，而且有增無減，如此看來，
什麼汶川大地震，舟曲泥石流.....都係濕濕碎。

引用:

原帖由 suewong 於 2011-5-1 19:15 發表


居所有 i-banker (美林) 同我講 , d 錢有血肉, 無尊嚴...

女 i-banker  要陪大陸 d 暴發戶...

問題係出在女 i-banker，

知唔知有句說話叫"不為五斗米折腰"。

今年以來，最好天係這幾日。
機會難逢，拿拿聲上天台影返幾張相，心情都靚 d 。

[ 本帖最後由 理魯竇 於 2011-5-10 21:09 編輯 ]

一天之內就係咁意二單新聞，花旗究竟發生乜野事？

芝加哥一晚逾十槍擊案3死 (08:28)

美國芝加哥1日晚至2日凌晨發生十多宗槍擊事件，造成3名男子死亡，11人受傷。
據芝加哥傳媒報道，三名死者分別死於三宗沒有關連的槍擊事件，另外11人在另9宗槍擊事件中受傷。
報道說，目前警方尚未追捕到任何相關嫌疑人，地區偵探也在調查具體細節。

美11歲男童涉槍殺6歲弟 (12:31)

美國印第安納州一名11歲男童，被控槍殺6歲弟弟，成為該州90年來面臨謀殺指控的最年輕被告。
據馬丁斯維爾摩根縣治安部門指出，事發於上周四下午，6歲的安德魯在家中被人用.22口徑手槍擊中頭部身亡。
槍擊案發生時，只有安德魯的11歲哥哥在家中。他在下午6時15分致電報警。男童被控謀殺和刑事魯莽的罪名。
暫時未知事發時男童的母親及其男友在甚麼地方，兩人抵達醫院後，6歲弟弟死亡。當局可能會控告兩人疏忽照顧。
11歲男童是90年來在印弟安納州面臨謀殺指控的最年輕被告，在1920年代，一名11歲童被控謀殺一名成年人並接受審訊，但最終沒有被定罪。

以下資料屬轉載，不敢保証準確，但總比斷估亂吹好得多。

據美國媒體報導，2010年中國人移民美國入籍人數有所下降，18歲以上的中國公民去年有33969人加入美國籍，比2009年減少近3200人，比2008年高峰期更減少6000多人。
　　
中國人移民美國入籍人數雖有所減少，但2010年的入籍人數在過去10年中仍排第五。隨著中國興起新的移民美國熱，每年獲得綠卡的人數保持在7萬左右，今後幾年每年入籍人數估計仍將在3萬人以上。
　　
去年全世界共有62萬人入籍美國，入籍人數是5年來最少的。2008年外國人入籍美國曾經創下105萬人的歷史紀錄，這主要是因為2007年因為入籍申請費上調和當局鼓勵外國人歸化美國而導致入籍申請暴增。
　　
歸化美國人數最多的國家是墨西哥，有6.7萬;其次是印度，6.1萬;第三位是菲律賓，3.55萬;中國大陸、越南、哥倫比亞、多明尼加、古巴分別第四到第八位。
　　
2010年外國移民由綠卡到入籍的平均等待時間縮短至6年，是40多年來最短的。其中亞裔平均等待5年，已基本達到由綠卡到入籍的最低年限要求。
　　
按照美國法律，外國公民由綠卡到入籍需要在美國連續住滿5年以上，通過入籍考試和背景審查後方可申請。美國公民的配偶需要等待3年，美國公民與外籍人士所生小孩和參軍的永久居民可免受年頭限制。
　　
除中國人移民美國入籍外，外國人入籍最多的州是加州、紐約、佛羅里達、德州、新澤西。入籍人數最多的大都會是紐約、洛杉磯、邁阿密、芝加哥、華盛頓。

現時香港亦有一奇怪現象，
七一遊行人數民陣話有21.8萬，
警方和兩間大學學者都話只有5到7萬，
你話信邊個？

其實係人都知道有人斷估，
死人燈籠報大數，
向來都係咁做，但這次實在太離譜，
但慘得在重有好多精人及傳媒照樣採用，
莫非是斷估無痛苦，
真不知人間何世。

大陸同胞現在已非吳下阿蒙，非常豪爽，一萬嘅千，真係當作過眼雲煙，只不過是我們港燦大驚小怪而已。

我弟婦有一個朋友到香港一遊，一同遊玩時弟婦無意中提起那天剛是小女生日，朋友即帶她去買禮物，其中一份係ipad，總共用左16000，重話係小小意思，真係頂佢地唔順。

據聞香港的名店售貨員一睇見係香港人就走開，一聽見講普通話就撲埋來，因為多數港燦只睇不買，匪區同胞只買不睇。

[ 本帖最後由 理魯竇 於 2011-7-5 20:59 編輯 ]

李先生自從「天譴」之後，都可以話係咁先。不過我懷疑佢有苦衷都未定，但做文人做都咁，真係唏噓。

講返遊行人數，警方的數字我未必信，但係另外兩位學者的數字都俾人揼埋一邊，你話讀咁多書做咁多研究有乜用，呢個世界最緊要夠大聲，面皮夠厚就得啦，大話講多幾十次就變成真理。

引用:

原帖由 suewong 於 2011-7-5 17:43 發表


2nd thought after reading the following?

http://hk.news.yahoo.com/%E5%85%A7%E5%9C%B0%E9%AB%98%E9%90%B5-223000801.html

(星島日報報道)內地高鐵網絡開通初期，震驚世界，連美國總統奧巴馬都在國情 ...

武廣、滬寧高鐵我都坐過，覺得又快又穩定，安全與否就真係不得而知，但覺得大陸高鐵比其他快一點也有其理由，因為其所引進無碴路軌較先進，而其路軌較長而直，多屬高架橋。
去年坐武廣最高去到348公里，全程3小時16分跑畢1069公里，其中曾經有人在廁所吸煙引致急剎慢至200，司機後來加速以免誤點，感覺上很快可加到300，但由300至348就感到有點吃力，所以從耗能方面考慮是應該不要跑太快。

武廣每天有40多班，平均15至25分鐘就一班，班次太密了，飛機都未必坐得滿，更何況是火車，但一般來說入座率已算不錯。

另一次坐滬寧去蘇州，都只能買到兩小時後的票，一到蘇州就即刻買回程票返上海，買了五點鐘的票，候車的時候見到二個澳洲女士，原來係識途老馬，她們居然識由上海搭高鐵去蘇州入工廠買蠶絲被，四點幾她們只買到六點七的車票，可見入坐率真的不錯，同她們寒暄幾句，她們竟然叫我地同佢交換車票，真係啋佢都傻，問佢在於那裡住，她們說在蘆浦大橋附近，我話係咪好似悉尼大橋個一條，她面色一沉，煞有介事地說：They Copy us，鬼婆真小氣，但幾風趣。

引用:

原帖由 tillama1 於 2011-7-5 23:00 發表




ne 樣野 大躍進, 大煉鋼, 大革命年代, 有些人就最識用 ... 可憐的人民 .

所以咪係囉，
明知道係唔啱，
就唔好再學啦！

引用:

原帖由 suewong 於 2011-7-5 23:28 發表


我都係哎呀學者, 你都揼我 d 觀察埋一邊, 唔制....

難道是眾人皆醉佢獨醒，看完以下報導，誰是誰非，一目了然。但總是戥學者們不值，徒勞無功，白做。


(綜合報道)(星島日報報道)主辦七•一遊行的民間人權陣線公布，今年有二十一萬八千人參與遊行，與港大民意研究計畫公布的五萬四千人到六萬四千人，以及港大社工及社會行政學系教授葉兆輝統計的約六萬人，相差不只兩倍，差距更是歷年最大。葉兆輝指，以正常步速計算，廿二萬人的遊行起碼要凌晨一時才能完成，他希望民陣能拿出證據，以免令人數有誤導成分。民陣召集人范國威堅稱沒有「報大數」，坦言民陣沒有公式計算遊行人數，又不願透露於三個站點統計到的人流。

葉兆輝的港大社工系派出研究生，於銅鑼灣波斯富街和灣仔軍器廠街點算到，分別有四萬八千人和五萬一千人經過上述兩點，加上一萬名插隊人士，得出六至七萬人的統計結果。港大民意研究計畫的計算方法，則是於軍器廠街行人天橋計算人數，點算共有四萬一千人通過該處，加上估計有三成市民中途加入，最終得出五萬四千至六萬四千人的結果。兩個大學民調的結果與警方公布的五萬四千人相若。

葉兆輝指，四小時的遊行中，平均每分鐘有約二百人經過波斯富街，若以民陣講法推算，每分鐘的人流則高達八百多人，「操兵都無可能」。葉兆輝希望民陣能「說清楚一些」，拿出證據及實質支持，證明自己的數字。

對比兩個大學民調清晰公布自己的點算方法，民陣一方則拒絕透露他們三個點算站計算的人流。范國威指，民陣於銅鑼灣、灣仔和中環設點算站，共八名義工負責於上述三處點算人數。他指有市民中途加入或離開，所以三站點算的人數有落差，但卻不肯透露各站統計到的人流。

他指出，民陣計算時考慮三個因素，包括遊行開始一小時後、維園等候人士仍站滿五個足球場、部分市民中途加入遊行隊伍，以及龍尾入夜後才抵達政府總部，與○五年的廿五萬人反政改大遊行情況相若。他不評論葉兆輝的質疑，並指只是沿用民陣過往的統計方法，市民可自行選擇相信那一方的數字。

[ 本帖最後由 理魯竇 於 2011-7-6 00:52 編輯 ]

最有可能係將三個點算站人流加埋就算數。

今次最清醒係卿姐，她只說好多萬，唔似得其他議員人云亦云。