引用:

原帖由 LPLLPLLPL 於 2009-2-12 23:24 發表
那時家貧,曾就讀高街的笏臣小學特別班,上課時間是下午二時至四時,理師兄,你對這間學校有印象嗎?讀了一年便搬家,如是者,到申請廉租屋(當時不叫公屋,是叫廉租屋的),在深水埗才正式開始讀書的生活.聽說KC的郭全本 ...

我住過高街 37 號，笏臣小學就在斜對面，因不合規格，每有教育處來巡 D 學生就要走鬼，
走落街過馬路，然後去第二度躲起來，睇見都唔知可憐定可笑。

我都有讀過笏臣夜學，專補英文，平心而論係有幫助，但教學方法則不敢恭維，體罰係佢地
的強項，那年代好多家長好 BUY 呢種方法，好多時候有家長聯同黎澤寬校長加埋佢細佬
週街拖住件頑皮學生一路拉扯一路猛打，有時真係打到籐條都斷。

據聞笏臣結業後，黎校長生意癮持續，在西邊街海皮開了一間快餐店，最後都執埋。

作晚剛看完英皇同學會網頁，得悉郭老師已仙遊，其子則為大學者，可謂虎父無犬子矣。

[ 本帖最後由 理魯竇 於 2009-2-13 00:52 編輯 ]

陳毓祥應該比我高兩屆，
但讀書時不認識，
他住在沙田，我當時亦在沙田工作，
反而他經常過來和我傾計，
出發去保釣時亦交談過，
任知一去無回頭。

請登入以下網址看一看.....

http://www.gcctd.org.hk/06_china/china.html#ty_school

呢幅圖好似係第三街東莞義學....
有勞 LPLLP 兄幫幫眼，
我60-70年代住嚮對面，
每日都睇到 D 學生上課情況，
反而個門口唔記得好清楚，
但應該係........

[ 本帖最後由 理魯竇 於 2009-2-14 00:25 編輯 ]

引用:

原帖由 LPLLPLLPL 於 2009-2-14 21:42 發表



我記應該是這所學校,位置在兩儀坊口右轉大約三至四個舖位.

我今天專程返第三街考證一下，無奈該校早已夷為平地，無半點痕跡，
突然我看到左方有一道石牆很面善，連忙用手機拍下來，返家跟那張
舊照片對照一下，果然是同一事物，該牆已屹立超逾半世紀，可作歷
史見証。

btw，小弟即往外遊一星期，日後定當再詳談舊事。

小弟諗左好耐都唔知點解會提及「林略文具行」，
請 c-hing 指點一下。

OIC

多謝提點，
現在「林略文具行」是不是在上環干諾道西？

唔知亞大王手下兄有無留意，
景福珠寶個英文名全部都係細草，
king fook jewellery........
是不是有特別原因？

引用:

原帖由 宇宙大王個手下 於 2009-3-4 18:50 發表
理魯竇 兄，這個倒是剛剛才留意到。

但小弟有一兒時好友，巳在景福服務接近三十年，有機會小弟定會借頭借路打聽一番。

這個疑問在我心中已近四十年，
我都好想知道。

順帶一問，
最近你貼出一貌似布達拉宮之建築物，
其所在地有沒有頭緒？

還是舊的意境好些，
我也來一幅新舊對照，
大家認為如何？

[ 本帖最後由 理魯竇 於 2009-3-5 14:23 編輯 ]

大王手下兄:

這張照片我都研究左好耐，初時認為係東邊街，但最近拍了張近照對比一下，
越看越覺得唔似，吾兄一向眼利，唔該幫幫手。

[ 本帖最後由 理魯竇 於 2009-3-5 19:32 編輯 ]

呢條煙囪狀的物體應該係地下公廁的通風管，
石板街地下有一地下男廁。

我記得以前在西區第一二街之公廁地面亦有一條。

[ 本帖最後由 理魯竇 於 2009-3-6 22:32 編輯 ]

真佩服陳六三兄的驚人記憶力，
如果佢唔講出來真係無可能搵到，
條些利街已經全部變為石級，
只有「合記士多」和樓上住宅窗戶依稀可辨。

[ 本帖最後由 理魯竇 於 2009-3-7 18:07 編輯 ]

據悉吾兄在東邊街住了40多年，
現在是否仍住東邊街呢？
你應該知道呢間屋係邊，
可否講少少典故來聽下，
此屋現時好次被政府列為二級保護文物。

六三兄見笑矣，學無先後，達者為師，枉我住在西營盤50 多年，竟然
不能肯定該街道不是東邊街。

我亦曾請教我另一位朋有友，他應該一出世就住在該東邊街舊樓，迄今
已有50多年，他亦一口否定是東邊街，因為80 年代之前那條斜路還是佈
滿大排檔，重問我記唔記得其中一檔賣玩具有三個女兒(都好靚)幫手賣野，
另外巷內的「李湛記織補」已有近 70 年歷史云。

至於厚生酒行，我亦曾在 08 年中拍攝過，莫非英雄所見略同？

該建築物設計頗為前衛，廳房皆有環保露台，現時之新樓近幾年先至有咋。

[ 本帖最後由 理魯竇 於 2009-3-9 16:05 編輯 ]

六三兄所講那條帖叫「是不是東邊街？」，
去年六月底由網友 hk3dman 提出，
小第因曾在中環做事，認得間燒臘舖，
雖首先提出該條街係閣麟街，
但只是齋up，未能引起共鳴，
但「宇宙大王個手下兄」卻能列舉証據，圖文並茂，抽絲剝繭，獨到精闢，
豈能不令人拍案叫絕，五體投地，
有此網友，幸甚、幸甚。

[ 本帖最後由 理魯竇 於 2009-3-10 01:31 編輯 ]