引用:

原帖由 1149 於 2012-6-9 16:34 發表
看起來乖乖的22歲女大學生來看診,
主訴下體有顆粒癢癢的,檢查一看,
小陰唇長了菜花,Condylomata accuminata,
99%是性接觸病毒感染,要電燒治療,
打了局部痳醉,開始電燒,只見她眼淚直流,
我問,痛嗎?她答,不是,,
...

如果電燒時撞正地震就弊傢伙了。

btw，1149兄沒有被今早的地震嚇親吧？

看來祖高域可以後來居上。

祖高域的心理質素和持久力應佔優
但1.22(HK Time)法網決賽仍因雨暫停，
這樣對拿度會有利，
因為他可以回氣。

引用:

原帖由 1149 於 2012-6-12 17:33 發表
Creutzfeldt-Jakob disease CJD
Creutzfeldt先生在1920年發表一個16歲女孩,
出現各種神經症狀,失智,發病12個月死亡,
次年Jakob先生也發表4 個病例,其中一例有病理切片,
發現腦部空洞化spongiform.
1950年代,在巴 ...

1149 兄，咁即係點？
我地食唔食牛肉好呀？
抑或淨係唔食英國牛肉便可以？

我地呢度班英國常客咪震過貓王。

引用:

原帖由 1149 於 2012-6-13 16:33 發表
CJD潛伏期10-30年,發病(出現神經症狀)到死亡數月至2年
平均6月,無藥可治.
Prion存在於神經中,肉品只是怕污染到,乳製品是安全的.
台灣要不要開放美牛入關,現在鬧翻天,

圖4236那間雜貨店舖仔,有幫襯過,旁邊有小石 ...

1149兄，我個外孫今年6歲，讀了幼稚園後，比較多病，
可能是香港的幼稚園地方淺窄，容易互相傳染吧。

先一排中了猩紅熱，痊癒後仍要定期覆診和驗尿。這幾天
又中了手足口病及肚痛，還好精神不錯，食得玩得。

49兄有乜野心得可以指點一下？

引用:

原帖由 1149 於 2012-6-15 20:33 發表
鱘龍魚有億年歷史,真的是活化石.中華鱘還是
受保護,與熊貓齊名.不能碰,

芋兄吃盡天下,不怕肥嗎??

世界雖大,還是香港最好,羨慕PEN兄能在香港安享退休生活.

鱘龍魚已有養殖，深圳酒家賣幾十蚊一斤，唔貴。
最好用蒜子生炆，加些火腩重和味。

引用:

原帖由 1149 於 2012-6-16 17:01 發表
今天是小兒小學畢業典禮,他一再叮嚀媽媽不要去,
可是媽媽還是去了,他有上台領獎,全級第4名.有點失望.
典禮後同學打水戰,互相潑水,媽媽有準備衣服,可是被
拒絕,回來全身濕透,媽媽氣死了,

1149 兄，你真的是仔細老婆嫩啊。
小弟應該大你三年，但我的小兒今年都33了。

我個仔都經常出差，幾乎全世界都去云，前天剛從台灣回來，他說台灣豪雨成災，高鐵又停，捷運又停，亂作一團糟，馬英九竟然說世事難料，究竟是不是咁水皮。

剛剛睇見亞茂利刁了十次都保唔到個發球局，
看來都唔夠瑞士佬打了，
大英子民可能繼足球後又再失望多一次。

小弟早前是用手寫版，但發覺打筆劃多的字好麻煩，後來用網上提供的廣東拼音，都麻麻地。

現在用的是九方的廣東話拼音輸入法，快好多。

引用:

原帖由 mtpen 於 2012-7-11 21:44 發表


咁請教理兄是否要買software, 又或有邊度可download此九方呢?  

筆兄可登入www.cantoneseinput.com ，不須下載，即刻可以用。

但如果想再快些，可去電腦商場買九方的輸入法，$200左右，我就覺得物有所值。
Shop 264, Southern Centre, 130 Hennessy Road, Wanchi , HK
(灣仔電腦城)

引用:

原帖由 mtpen 於 2012-7-12 09:14 發表


再多口問句,九方是否牌子名?

若然不是,那隻牌子正呢?

九方是香港公司，應該比較適合香港人吧。
可登入它網址詳細看一看。

www.q9tech.com

1997 年左右吧，有一個女同事俾些她結婚擺酒的照片我看，她特別將一張她和她舊公司的同事合照給我看，她說這一圍同事有半圍都去咗見上帝了。

我問點解，她說舊公司係一香港著名金行，在嘉利大廈有寫字樓，她覺得工作悶後來轉左來銀行工作，如果唔係她都變埋燒豬，真係一額汗。

筆兄，你真係英明神武，捨無敵大海景，頭也不回。

今晚睇電視新聞，見到藍灣半島慘遭蹂躪，好多單位玻璃窗裂晒，而家封晒木板，我都唔知當晚破窗後，那些住戶點樣渡過狂風暴雨的一夜。

市民有家歸不得，有點燥火係可以理解的，
但最衰就係有些塘邊鶴事後孔明抽水怪魔過氣議員，
攪攪陣無幫襯，
成事不足，敗事有餘。

單車公路賽我都有睇，最好笑就係個後生仔被個老人家走甩咗
都唔知，真係薑是越老越辣。

網球的賽制真係要改一改，太冗長了。

非常期待林丹對李宗偉的世紀夢幻決戰。

[ 本帖最後由 理魯竇 於 2012-8-4 01:47 編輯 ]

北京时间8月5号下午四点男单铜牌，晚上八点男单金牌赛

引用:

原帖由 flowingwater 於 2012-8-4 02:25 發表
ＢＴＷ，理兄點睇場冠軍戰？

水哥，愚見認為林丹天份高一點，李宗偉則較專注，
正常發揮下，林丹點都高一線.

但我卻希望李宗偉可以臝金牌，因為雪中送炭總好過
錦上添花，馬來西亞和宗偉更渴望這面金牌。

分散獎牌總好過一國獨大，否則分分鐘會取銷這奧運項目。

剛才女子羽毛球銅牌爭奪戰，
中國選手贏了一局後受傷退賽，
印度選手得銅牌，

這樣未嘗不是好事，
如果來一次三面紅旗高高掛，
下次奧運都唔只會改成點，
可能只限一位選手報名都似，
那時候想唔輸出更多海外兵團都唔得。

引用:

原帖由 rfong50/50 於 2012-8-5 01:14 發表


估唔到, 到現時為止, 咁多埸羽毛球決賽, 最好睇應該係剛才果埸 女子雙打決賽.

真係睇到我血脈沸騰，
田卿的心理質素差，
還好另外一位頂得住。

這個金牌其實應該係另一隊中國隊的，
但這一隊在分組賽輸咗只得第二，
攪到于洋個隊要輸波來遷就佢，
結果攪到一鍋粥。

引用:

原帖由 mtpen 於 2012-8-6 19:48 發表


其實呢班所謂官員, 包括梁生在內, 一隻二隻都唔扺爭!

明知自已好恨參政, 晨早就要淨身喇, 雖未至於As white as Snow White, 但起碼都識避忌吓吖!  

若果自己未及洗底, 最好就 ...

筆兄，就算點樣洗底淨身都無用，因為班友一樣可以話你毀屍滅蹟。

所以之前新界亞發叔話官不聊生真係一d 都無錯。

引用:

原帖由 1149 於 2012-8-8 14:57 發表
8/5 行程最後一天,沒有地方去,
在馬鞍山逛商場,
四天三夜,女人的景點就是商場十商場十商場,
景點只有去DISNEY,山頂,
什麼海洋公園,星光大道,黃大仙,360,大佛
通通缺餘.
所以去旅行還是參團較方便.

回港第一 ...

49 兄，孩子和女人們都開開心心，
已經是最大的收穫。

引用:

原帖由 1149 於 2012-8-10 15:17 發表
方兄那招要學起來.
回蕉兄,我每年都回港1-2次,香港是極進步繁榮的都市,
大樓林立,基礎建設很好,交通便利,但也因為競爭激列,
人民顯得有些集體竭斯底里,如最近新聞看到,大陸小朋友
在車廂吃東西.要如此大爭執嗎.有 ...

49兄，你真係睇得通透，香港人就來癡線喇。

有一次，我和老婆在上水站搭火車，有一對年輕香港夫婦和他們五歲兒子坐鄰座，突然間小孩子說很急尿，但剛上車點去廁所，他爸媽叫他忍到沙田，小孩子一急便哭起來，面容也扭曲了，怎樣辦。

幸好我老婆有辦法，大喝一聲: "有auntie在，唔駛驚"，立即在手袋拿出黃加籃變綠膠袋一個，該兩夫婦面有難色，覺得很尷尬。我即刻開解佢說，怕什麼，難道你想小孩子中尿毒。

小孩子解決了後，身心舒暢，非常感激我的肥師奶，大家開開心心上路。

但最近網上瘋傳大件事一則，據聞有一大陸女人在地鐵幫女兒小便，用膠袋裝住那些尿，有好多香港人非常不滿，爭相拍下短片擺上網。

我覺得有點詫異，難道我上次認為做了好事，原來是大錯特錯？

引用:

原帖由 蕉園仔 於 2012-8-12 02:09 發表

筆學長沒講大話，那些年開扒地所播放的全都是英文歌，通常是有朋友生日才會開扒地(Party)，參加的人都會買份生日禮物到場送給壽星仔/女的，而蕉仔也曾借過黑膠雜錦英文碟給朋友開Party。

當年開扒地的條件很低，求其有間屋夠黑就得，我有個老友為咗討女朋友歡心，要我幫佢攪party，佢出地方，地點就係呢間就會霖的舊樓----的地牢。

呢間舊樓在東邊街，已經被列為三級文物，唔會拆，但去參觀就要小心點，分分鐘會被那些溜後的貨車碌瓜。

地牢原本係擺放柴炭，污糟邋遢，好不容易打掃後，落重滑石粉，還可以吧。

音響器材就係用我自己撼的擴音機，強放管係RCA 2N3055，夠晒勁，個個都話好重 bass，真過癮。

引用:

原帖由 1149 於 2012-8-15 15:15 發表
情人節前後,包皮繫帶裂傷就増加.
一天晚上,一對年輕情侶,匆匆忙忙進來,
女的幫忙掛號,男的即衝進來,下體流血,
還以為女生落紅,仔細看,原來陰莖包皮繫帶裂傷,
一直冒血,我一邊幫他縫合,一邊說,做愛不要太猴 ...

後生仔係咁猴禽喇，
為安全計，
不妨建議佢日後都要隨身帶備KY好D。

2008 年去上海前夕，忽然覺得左便心口好痛，漏夜走去睇醫生，醫生話應該唔係心臟病，因為真係心臟病會仲痛，俾些止痛片和藥膏就算。

幾日後返來香港都仲係痛，再睇一好有經驗的醫生，都唔知甚麼原因。再過幾日去政府診所作例行血壓覆診，醫生是一個後生仔，我提及心痛問題，佢一睇就話點解咁耐都無人知係庖疹。

嚇我一跳，連忙問佢有無得醫，佢話醫鬼醫馬咩，都謝晒咯，唔駛醫喇。

所以話有時斷症都講撞手神，可憐我驚咗成個幾禮拜。

[ 本帖最後由 理魯竇 於 2012-8-15 21:18 編輯 ]