我有個老友，同我一樣都係在70年代結婚，佢話當時結婚都無乜錢，計好晒如果
找清酒席數仲有少少錢去旅行，點知有些親戚只送禮物而不做人情，失晒預算，
全副身家得200元，有二個星期婚假，點過？又唔想問人借錢，唯有日日行公園。

老友經過多年奮斗，總算塭到些錢，最近佢個大仔結婚，佢俾左70萬個仔搞婚禮
(未計同個仔買樓及裝修)，足足係佢個仔4年的人工。

現時d婚禮越玩越浮誇，老野們要負大部份責任。

引用:

原帖由 suewong 於 2010-12-16 15:23 發表


埋單差唔多 $150 萬, 其實我地班 60 前真是幾有米.

冇父蔭既年輕人, 同朋輩相比, 憤憤不平, 其實幾人之常情...

埋單係500萬有多無少，物業係一個700多呎的單位，唔使問銀行借錢，自己落手落
腳豪裝，買料都用左60萬，如果計埋放洋留學，條數真係唔識計。

個仔塭萬零蚊個月，咁快就生活無憂，試問亞仔點會同你奮斗，但老豆就點都要認
叻，老友有一次同我講，佢個仔幾叻，結左婚未夠一年，已經儲蓄了百幾萬，我
就太率直，同佢講好似娶老婆的錢都未還俾你喎，佢的錢係唔係全部你俾架？老
友聽罷非常無癮。

[ 本帖最後由 理魯竇 於 2010-12-17 23:21 編輯 ]

引用:

原帖由 mtpen 於 2010-12-18 10:19 發表


你老友咁充法，家陣咁風光，不知會否前半生使埋後半生嘅錢呢？

我哋識為將來打算，冇佢咁豪，因我哋會level一生財富及享受，以致用今日嚟睇，會俾佢呢亭人比下來，顯得 ...

我老友有實力，應該綽綽有餘，但總覺得婚禮規模最好和新人的經濟狀況相稱，方令人信服。

小弟76年結婚，所用一分一毫，都是多年咬緊牙關儲下來，老豆斗零都唔使出。好在那時的酒席都唔太貴，
370蚊一圍，當然係食鯇魚啦。

引用:

原帖由 suewong 於 2010-12-18 23:37 發表


當時真是興食鯇魚o家?

最平就係食鯇魚啦，唔食佢都唔得。

再上一級就食油浸筍殼，貴好多。再高多一級就係清蒸雙喜班，貴好多好多。