黄金到今年底走勢會如何呢？有無專家發表下意見？

QQQQQ

超高級用戶組

Rank: 5 Rank: 5

帖子: 1536
積分: 2616
金錢: 268
性別: 男
註冊時間: 2003-1-7

1^# 大中小發表於 2006-8-23 14:53 顯示全部帖子

[隱藏廣告]

節錄 : 曹仁超 - 投資者日記

[July 20]

Lipper Mutual Fund Performance Index上半年業績已公布，五十四隻投資黃金有關基金六個月平均升幅25％；如果考慮全部一萬二千六百七十五隻股票基金，上半年平均只升4％！上半年金價跑贏大部分股票基金，下半年又點？當金價見七百三十美元後，相信短期高位已出現，未來喺五百三十至七百三十美元之間上上落落，短期更有下調壓力。

[July 21]

金價喺5月12日見七百三十六美元後，大跌至五百三十美元，依家回升不止前跌幅61.8％（高出六百五十七美元），例如7月14日一度見六百六十八美元，代表呢次金價上升唔止反彈咁簡單，可能係另一上升周期開始。依家搞唔清係全球商品牛市抑或今年5月結束？上一個商品熊市由1980年開始，2001年結束，共二十一年，理論上呢次牛市冇理由咁短嘅；但銅價、鋅價過去五年升幅已達三、四倍，亦幾嚇人。後市展望，我老曹傾向相信美國經濟進入高通脹、低經濟增長期。金價應該睇好定睇淡？真係十五十六！

[AUG 05]

分析家認為，依家資源股及鋼鐵生產股嘅市價已偏高7.5％左右。我老曹相信，上述股份高峰期早喺Ｄ今年5月或以前出現。金價5月12日見七百三十二美元後，急跌至6月14日五百四十美元，並非無因；銅價由5月11日四百零四美元跌至6月14日二百九十七美元，亦有一定啟示。雖然未能肯定原材料價格可能見頂，但警告訊號已出現。

[Aug 17]

世界黃金協會宣布，第二季黃金需求減16％，至八百零一點六噸，係連續第三季下滑。其中珠寶商需求下滑24％，至五百六十二點五噸；最大黃金消費國印度需求更下滑38％。不過，投資需求升19％，令第一季金價上升，平均每盎斯六百三十一點一九美元。

1971年8月15日起美元唔再兌換黃金，令金價由每盎斯四十五美元升至1980年1月八百五十美元，再回落到1999年嘅二百五十二美元，至今年5月曾見七百三十五美元，較三十五年前升十五點三倍。

1971年8月15日道指係920點，一度升至1973年1月1053點，回落至1982年8月850點，再升至2000年1月11750點，家吓仲喺呢個水平上落；三十五年上升十一點七倍，長遠而言跑輸黃金。我地可利用金價同股市嘅高高低低從中獲利；七十年代投資黃金，八十年代至九十年代投資股票，2000年起又再投資黃金，真係咁嘅話可以話贏晒。過去三十五年美元失去91％購買力，如以購買力計，1971年8月15日揸金或美國股票，只能保存金錢購買力。恒生指數1971年8月15日係340點，至今係17451點，上升四十九倍，既跑贏黃金（上升十五點三倍）亦跑贏美股（上升十一點七倍），理由係美國經濟嘅黃金三十年由1932年開始至66年結束（指數上升二十三倍）；香港經濟嘅黃金三十年由1967年開始到97年結束（恒生指數上升二百五十倍）。由1997年起至今，香港一如美國，投資股市最多只能保存金錢購買力。另一方面，中國經濟嘅黃金三十年係咪1978年開始？

黃金由1999年嘅二百五十二美元升至今年5月七百三十美元，升幅289％，之後點樣便木宰羊。

金價响1999年8月見二百五十二美元，喺2001年3月見二百五十七美元，形成雙底後所拉出嘅上升軌至今未破。5月份見七百三十美元，因過分拋離上升軌而調整，一度跌至五百三十美元才反彈，但唔代表乜嘢。

[Aug 19]

近日油價回落及金價自今年5月高位回落，由2001年起原材料價格上升呢個大方向係咪出現改變（或進入整固期）？金價上阻力六百八十美元，下支持六百一十美元，如上破六百八十美元可睇好，反之則睇淡！未破六百八十或六百一十美元之前，對金價後市保持中立。金價呢個大型敏感三角型，升穿或跌破後都威力無窮，其他都係大風裏嘅砂石，無關重要。金價5月至今形成敏感三角形，美滙指數5月至今卻出現上升軌，後市金價如升穿六百八十美元嘅話，擔心美元將同時跌穿上升軌；反之如金價跌穿六百一十美元，美元將轉弱為強。後市到底係金弱美元強抑或金強美元弱？

[Aug 23]

金價600美元受政治因素左右

金價由2001年二百五十四美元升至今年6月七百二十美元後，黃金投資價值如何？現代金融市場已唔用黃金做交易媒介，1971年8月起黃金已失去貨幣地位。歷史上金價大升日子只有三次：一、1976至80年金價由一百零三美元升至八百五十美元，主因係石油危機及美國拯救伊朗境內領使館人質失敗，引發美元信心危機；二、1987年12月美國股災之後；三、2001至06年呢次。喺事件平息後，金價都跌回三百美元水平，說明金價喺和平時期價值只係三百美元一盎斯。依家金價除咗反映美國喺阿富汗作戰、攻打伊拉克、伊朗核事件及以色列入侵黎巴嫩外，再加上油價高企、北韓發射火箭等因素。今年金價已超過1987年12月嘅五百一十美元，雖然仍未超過1980年嘅八百五十美元，未來上升空間有幾大？六百美元以上金價主要受政治因素影響，後市大家自己諗啦。

相關搜索目錄: 投資

TOP

‹‹ 上一主題 | 下一主題 ››