引用:

原帖由 dynmv 於 2009-6-18 23:17 發表


祗知道東廬大廈夜晚天台好熱鬧...  

東廬大廈在60年代中期, 地下鋪位/地牢開設有多間修車房, 老搜有同學在這裡車房任職, 其後因為傳出閙X, 言之鑿鑿而辭職.
dynmv兄似乎有所講述吓 ?

引用:

原帖由 36D 於 2009-6-24 19:14 發表
東盧大廈在哪？有冇照片，唔該！

東盧大厦在大埔道/石硤尾街, 聖芳濟各天主堂側, 相信樓齢約有48-49年.

引用:

原帖由 goru2 於 2009-6-18 22:59 發表
有無CHING 知道石硤尾東廬大廈入面夜晚仲有無一檔面檔﹐最近一次去係日頭﹐見到仲有D抬摺埋放係到﹐唔知夜晚有無開?

兄台所講間麵檔係樹記小食店, ��間麵檔現時生意淡薄, 故係三不做;  每天備料賣罄便落閘; 每天下午及晚上不做生意; 假期整天休息. 而上述資料是由該大厦之管理員提供.
數十年來, 間有機會走經這幢東廬大厦, 但都沒有加以留意, 但自從網友有所提及, 故今天特地往這處逛逛.
原來東盧大厦有前後座, 故地下有一條 L型長走廊, 兩旁林立了半息業之殘舊店鋪, 鋪前坐有很多閒人. 該大厦地庫有一很陰森之停車場, 在大埔道之出口竟被一菜攤就地擺賣,長期封閉着, 而車場另一出口在石硤尾街.大厦內裡有一中央飯店, 不甚顯眼, 而店內也十 分寬敞, 冷氣勁足, 小菜不錯, 恪局有如彩虹村之金碧酒樓. 值得嚐試吓.

[ 本帖最後由 老搜 於 2009-6-26 22:16 編輯 ]

引用:

原帖由 老何 於 2009-6-26 13:03 發表


老搜兄, 乜咁SOFT週圍去呀？
NE間中央,不知是否以前以禾花雀聞名的那間。當年西江水魚船埋深水�鶖�,有行內人 ...

老何兄, 廣州歸來, 未及問好, 罪過 !  得知姑媽健康好轉無恙, 聞者息懷, 內子話, 兄台多保重 !
唔聽唔知, 中央飯店以前原來出名黃花雀, 現時嘅梅菜扣肉飯又咁好味, 難怪老搜尋日突發幽古之情, 一支公在那處嘆番一盅两件. 哈哈!

[ 本帖最後由 老搜 於 2009-6-26 22:18 編輯 ]

引用:

原帖由 him4466 於 2009-7-10 17:17 發表
聽講係 sham shui po 第一座有電梯既大廈
霍英東起既, 而當時既廖創興銀行老闆--廖寶珊同霍英東係好朋友
故東盧大廈都有分行, 直至現今
以前間涼茶鋪, 記得老闆幾個女都幾靚下, 有杏仁豆腐花食
中央 d 野幾好食, ...

原來這樣 !
記得東盧大厦落成時之四部電梯是採用迅達升降機, 有機會幫襯中央飯店時會反映吓廁所嘅情况.

引用:

原帖由 dynmv 於 2009-7-11 20:57 發表


當年售樓唔會標榜歐洲名厰電梯;意大利磚地板;...
祗係地方一味講夠大,夠平.

1066856

當年一萬零六佰元已可上車, 真難以想像.  現時之售樓廣告除有專車接送睇樓外, 又會在現場安排啲明星售樓騷, 標榜着樓盤之會所設施, 室內用料, 另會送裝修,車位, 收樓零 Defect 等等, 亦標榜着管理公司之形品項目. 近日看到一則管理公司示意可幫住户 "代為報警" 都列入管理服務內之形品一項. 真是售樓生意競争劇烈, 難怪中美大戰, 時有發生.

[ 本帖最後由 老搜 於 2009-7-12 16:41 編輯 ]

另有則有關東�臚j厦於一九六三年十月卅日之新聞.

引用:

原帖由 goru2 於 2009-7-12 19:25 發表



我諗唔係CHING講果間勒﹐我講果間係車仔檔﹐賣面既﹐係喺�礞f果便﹐我紀得D豬手面同毫油撈面好正﹐每次去完茘園﹐爸爸就會同我去食。(問咗耀東街長發面鋪老闆﹐區話阿陳十幾年前以經無做0羅 ...

goru2 兄, 下次回港, 記得舊地重遊.  

引用:

原帖由 him4466 於 2009-7-15 12:36 發表
廖創興都變成創興了

今晚會去中央食飯

老搜噚晚幫襯咗中央飯店, 仲叫咗個蠔仔餅同海鮮雜菜煲, 味道不錯, 夠晒份量. 飯後與老闆談起該飯店之厠所殘舊事. 而老闆講及該男厠与電掣房設在一起, 有風水因素, 如郁動或装修廁所, 會令飯店會不景.巳有前科.  跟住同我講起天圖佈局, 加以我事前巳灌了兩支大啤, 個頭真係昏昏極, 現在懷疑飯後不知有沒有結帳?.
但記得飯前諗起 dynmv 兄講起東廬大厦天台駭人聽聞之故事, 所以噚晚趁黃昏日落前混上了該大厦之天台看個究竟,
但當老搜踏進了天台之第一步, 竟發覺四週牆身,门窗装置等均漆上黑油, 地上擺有香燭生果祭品, 倍覺環境陰深鬼秘, 尤其是升降機房门口處. 按常理天台會是油上淺色或銀油以助反光隔熱. 突然間一股寒氣經外間高温直透內心, 双手起了鷄皮, 轉身急步從天台拾級走落到地下去.

[ 本帖最後由 老搜 於 2009-7-15 22:28 編輯 ]

引用:

原帖由 老何 於 2009-7-16 22:01 發表
同期另有���V人稱鬼屋的, 一間約在現時佐敦道港鐵入口處, 另一間在亞皆老街/窩打老道交界處, 當年在舊珠�e書院側, 現已改建成怡安閣

老搜兄, 順便講埋��

多謝老何關照.   
其實一些古老大屋在五六十年代之繁華閙市中仍然存在, 比對下確会令人對其產生神袐及陰森感覺. 甚致會被人稱為鬼屋.
當年在界限街/火車橋側, 聖羅撒女書院對面之一所舊樓, 亦被坊間稱為鬼屋, 繪聲繪影, 一度成為茶餘飯後話題, 老搜當年曾夜探該間鬼屋, 但最後發覺那只是有一班的士司師盤據在該處作聚腳點, 而鬼屋之名,  則只是個老作.
在六十年代, 另一在市區被稱為鬼屋的, 其中一间位在亞皆老街/窩打老道, 中華电力公司辦事處對面之一所古老大屋,  那時睇落又幾陰森. 該大屋花園建有一座酷似牡丹亭之凉亭, 亭旁種滿柳樹, 而圍牆內邊另種有一棵西榴樹, 每當榴樹結果時, 榴子与枝葉被墜下, 我們如行經亞皆老街該圍牆下, 都会跳高把柚子偷摘.
直至六十年代初期, 老搜在該大屋隔鄰之珠海書院修讀, 發覺原來站在書院內合作社, 可清楚睇到該大屋花園內之一舉一動情况. 而每日下午五時左右, 該花園內會出現有四五個媽姐使用木盤及洗衫板在地上洗濯衣服,  而廚方則發出用木柴煮飯之黑烟,  在花園近出口處, 長期停擺着兩部卡幫式大型汽車而用帆布遮蓋着, 不過從未見過主人家出現在花園內.
至於佐敦道/彌敦道嘉賓大厦前身之古老大厦, 只知當年在其右側, 有間兩層高之泰林無綫電,  店前有一條很特式之鐵梯供顧客上落.
希有各路前輩老香港能對所述鬼屋作講述吓 ! h:" />h:" />h:" />

[ 本帖最後由 老搜 於 2009-7-18 13:17 編輯 ]

引用:

原帖由 老何 於 2009-7-18 12:03 發表
老搜兄, 其實老何想從兄口中資料以破老何藏於心中已55年之謎。
怡安閣前身舊大屋, 老何於其牆外經過不下數百次,屋內如何則一眼都未見過,
此刻方從老兄口中知道原來如此,多謝.
...

老何好料, 原來該物業屬勞子開所有, 資料述來, 娓娓動聽, 如搔到癢處.

引用:

原帖由 tiutiu111 於 2009-7-18 11:44 發表


敢問老搜大哥中央飯店有乜好食      !

111兄,
中央飯店近期我只光顧過二次, 一次午膳, 一次是晚膳, 相信有很多該處菜式都未曾嚐過.
而個人覺得其東江鷄, 蒸魚等不錯, 海鮮雜菜煲用料比其他酒樓為足.
講講吓, 肚子餓了.
順祝身体健康 !

[ 本帖最後由 老搜 於 2009-7-19 17:06 編輯 ]

引用:

原帖由 him4466 於 2009-7-20 14:50 發表
雞, 香蘇鴨, 珍肝 都幾好
一定要食 ~~ 紅燒元蹄, 唔好叫錯 梅菜元蹄
生魚片連湯好多地方都無得食
不過上次食就好大泥味

哈哈! 睇到4466提供之菜式, 真是有點餓了.
上星期六打風晚, 同內子光顧中央飯店, 兩口子點完了菜後, 才發覺鄰座上了枱的, 正如閣下講及之香蘇鴨. 錯失機會, 下回嚐試.

引用:

原帖由 him4466 於 2009-7-21 12:56 發表
其實我每一兩個月都會到中央一次
有時留意下牆上所貼的推介, 都會有意外收獲
冬天就可以打邊爐

亦是一樂也 !

引用:

原帖由 tiutiu111 於 2009-7-23 21:54 發表



36D 兄, 講食好過講鬼啦 。有無好介紹 ?

聽我家人講, 該飯店嘅八寶鴨同威靈頓街蓮香樓嘅八寶鴨一樣咁正, 不過需要預定, 而蓮香樓閒日每天只出品20隻. 故難怪有蓮香居的出現 !