50-60年代有 Levi's 代理商 Jones Wong 設在亞皆老街火車橋旁, 而Blue Bell 代理則是設在現今佐敦道港鐵出口(商務印書館)位置.老搜當年有朋友在機場軍部做清潔, 很多時拾到啲鬼佬size嘅牛仔褲益我, 那我就會拿到這兩代理店作修改. 而改腰及改短費, 當年費用要5元.
同期, 廟街晚市有地檔亞余,其後有亞康, 當時工料6元, 可為君造出自定任何款式嘅牛仔褲及西褲, 老搜第一條校服西褲, 都是幫襯亞余的, 對那西褲, 當年真是喜愛到不得了.

[quote]原帖由 老何 於 2009-9-14 10:28 發表


         哼哼！我老頭子就在照片中大榕樹前被日本兵在背後插左一刀。

講起Jones Wong, 帶出了老何的喜怒哀樂.
老搜抱歉鈎起了兄台不開心的回憶.   既巳如此, 可否公開吓遣責日本仔的罪行 ?
大榕樹處於70年代曾作酒吧兼係小型保齡球場.

引用:

原帖由 老何 於 2009-9-14 16:27 發表
打倒日本帝國主義 ！

打倒日本軍國主義 ！

中日人民友誼萬歲 ！

  !

引用:

原帖由 老何 於 2009-9-14 10:28 發表


！呀余是否華都前面�儺气h？

呀余晚檔約擺在當年公衆四方街之廟街段, 而店鋪則在深水埗大南街.
如果路過華都, 試吓佢嘅焗豬扒飯無妨.  

引用:

原帖由 大隻西 於 2009-9-15 21:20 發表

文明里還有一間[好好洋服]幾十年如一日 一點都不文明

如有機会, 都去參觀吓 !
昔日彌敦道/登打士街有財記, 飛鴻等時興之洋服店, 那時甚麽馬衭, 水手裝, 活骨, 喇叭腳, 吊腳, 飛機袋, 倒冚, 無摺,  而恤衫要開呔針領, 鷄咀膊, 死背摺, 通通都難不到店鋪老闆 !

引用:

原帖由 老何 於 2009-9-16 11:12 發表


老搜,你一定開3.5吋大領勒, 質料系粉紅牛津紡！

哈 !  咁都比你估到, 仲要係工字摺.  老何真係老何.

引用:

原帖由 老何 於 2009-9-17 09:28 發表


好似你著住對Clarks,企系街bin度身,晤知有冇睇錯,之後仲行去蛇檔隔離飲豬肺湯！

事隔約半個世紀, 果個係我都有機會, 畢竟當年廟街夜市簡直是個平民夜總會, 養陰豬肺湯個老闆其實都唔係好有中氣, 都要用錄音机經大聲公叫市, 老搜最喜歡駐足於那些軍用品夜冷檔, 因為可以認識一些外國科技產品.
當時1966年老搜始開始穿著第一條簇新紅旗牌牛仔衭, 是屬岳華所有.
在60年初, 很多場合都唔適宜穿著牛衭, 比如花都夜總會入口列明 "穿著牛仔衭者不得入內", 又比如乘坐飛机, 乘客在當年大都唔喜歡穿著牛仔衭上機.
話說回來, 當時牛仔衭開始時興, 一般藝人都會擁有一條褪色的牛仔衭(但唔要霉爛穿窿果隻).
適逢當年舍弟與姜,狄二人同期為邵氏龍虎武師, 他們日常都穿著牛仔衭回廠, 於是帶起了一時的廠內穿著愛好, 而很多藝人因此都會買來一條簇新的牛仔衭交給他們代穿著, 致褪色後才交回.
當年這個褪色工程最後落在老搜身上. 而最快的褪色造法, 首先是將新牛仔衭用稀釋漂白水均勻浸過夜, 然後再3 號水砂濕水後輕力打磨, 此等步驟分日重覆四五次, 那麽約兩個星期便可交貨了.
其後因家宅隔鄰一间山寨眼鏡框廠搬離, 留下了一台手搖滚筒式鏡框打磨機, 拾獲後遂用舊風扇摩打改裝為電動形式後, 將各粗幼平滑砂石粒, 連同牛仔衭一併擺進滚筒內不停滚動打磨, 約一小時後, 一條褪色的牛仔衭便出炉了, 但缺點是褪色太過均勻, 部份線步磨斷. 但亦不失為後期石磨藍嘅始祖
記得第一條褪色牛仔衭是幫岳華造的, 第二條是幫金漢和凌波造的, 其餘的, 忘記了, 但肯定是無償的!

[ 本帖最後由 老搜 於 2009-9-22 00:33 編輯 ]

引用:

原帖由 老何 於 2009-9-21 18:43 發表
萬國軍用夜冷NE檔,有乜古仔,講Ｄ聽��, 60,61年我比個事頭婆賺左我好多,好底死,成日唔減價。

記得萬國軍用夜冷當年係响上海街, 最鍾意幫襯購買果度嘅軍用蚊怕水, 水壼等.
曾試過從那裡之韓戰剩餘物資中揀選軍褸作露營用途, 有朋友提點, 千祈要留意如褸身有穿窿的, 那便是從死屍除下來的.
記得在1963年,與多個同學集資$80在萬國軍用夜冷買了一個白色巨型降落傘, 拿到大清水鎖匙頭半山空地去露營, 並將那降落傘架起當作營幕, 看來真是搶眼, 威盡整個第二灘之露營團体. 誰不知翌晨在各人尚未睡醒之際, 有架軍用直昇机, 經由兩個鬼佬駕駛, 在上空盤旋了一會, 突然降落在我們的降落傘旁边, 暸解為何有個降落傘於此.  在寒暄一番及暸解情况後,  他們竟讓我們這班學生哥在直昇机上參觀瀏覽.

[ 本帖最後由 老搜 於 2009-9-22 08:45 編輯 ]

引用:

原帖由 dynmv 於 2009-9-21 23:24 發表


褪色太過均勻咪無咁有型囖,
我嘅方法係d石級麻石扶手當滑梯不斷滑下,
扒上扒落...2,3日後條牛仔衭就會變得鬼死咁型.
但缺點係好快穿洞.
不過重有解決方法,將條爛牛仔衭剪短,用褲腳
剪一塊修 ...

60年代唔興爛牛仔衭, 70年初興魷魚鬚衭腿, 再打後, 愈爛愈有型.  

引用:

原帖由 老何 於 2009-9-21 18:43 發表
唉, 點解當年我唔醒起先浸漂白水,都系老搜醒D！
萬國軍用夜冷NE檔,有乜古仔,講Ｄ聽��, 60,61年我比個事頭婆賺左我好多,好底死,成日唔減價。

哈哈 !   
梗係,   老何你成日咁 昅實老闆娘, 唔加價都算偷笑呢 !

引用:

原帖由 tiutiu111 於 2009-9-22 09:39 發表





我曾用英軍防毒面罩(?) 深綠色帆布袋做書包

何解要用到英軍防毒面罩? 可否分享吓.
深綠色帆布袋做書包夠晒耐用, 而當時亦有八爪魚帆布背囊, 很合適露營用途. 另間中亦有圓型有蓋之充氣尼龍救生艇出售, 蓋頂裝置有電池灯, 可容納七至八人, 如果當時唔係價格貴昂及重量太重關係, 真是很有衝動買艘回來作海上露營之用.

[ 本帖最後由 老搜 於 2009-9-23 21:09 編輯 ]

引用:

原帖由 tiutiu111 於 2009-9-23 18:07 發表




搜兄提起「八爪魚」, 又帶回小弟的記憶, 是配有很多繩帶長方型的背囊, 做書包太大了, 是的, 露營最好。小弟用來做書包的小得多, 底部稍微圓, 常把書本弄皺, 相信本來是載防毒面罩的 (我弄錯了也說不定) , 背 ...

是呀 ! 相信八爪魚背囊是用於行軍上, 當年老搜亦有用來作書包, 而底部嘅八爪魚鬚在雨天時可索住把縮骨遮作備用, 而每逢暑假, 原有之兩個八爪魚背囊, 都被朋友長期徵用了,