紅磡情懷

剛剛注冊，好多相無得睇。無計，要等夠積分先。

七十年代在理工讀過幾年。最初讀時新校還在建築中。還記得舊校，即工專那小圖書館。當搬去新圖書館時，好像「天國與地獄」的比較。

八十年代在紅磡上班。寫字樓在紅磡灣中心附近，當時紅磡灣中心對出就是海邊。每天從灣仔搭船過海返工，由碼頭行返寫字樓，可在途中解決早餐問題。

由於工作部份時間是需要外出的，所以對紅磡還有些認識。目擊黃埔花園開賣的情況。如果當年夠膽死，買番個單位，都升值好多。但當時後生仔，又無錢，又無投資意識。

當時紅磡還有青州英泥，鶴園發電廠及鬼死咁多工廠，空氣唔多好。估唔到二十年間，這些污染物都差不多唔見了。

最記得馬頭圍道有間雞毛廠，好鬼臭，行過都頂唔順。在附近居住的人都唔知點頂。



可有人還有印象

[ 本帖最後由 siulau 於 2008-3-7 14:54 編輯 ]