腦海中就有，記得80年中，小學六年級春節去將軍澳獅子會青年營宿營，由宿舍望落去，由現在寶林邨一直出去都係海灣，有好多船廠.....
89年搬入去將軍澳，係附近望返落去，多左寶林邨，不過寶林後面都見到水，不過船廠當年沒有了.....
幾年後連水都唔見，只見樓。
93、94年左右有機會再去青年營，至發覺已經同佢做左幾年鄰居.......

呢幅圖係獅子會青年營或靈實醫院附近影過去？

哈哈~~ 我相信唔會。我就係住係康盛既~~ 康盛對面有個亭，當年可以望到寶林同個海~~ 不過唔係呢個方向喎~~ (而家畀兩幢高樓擋住，更加無view了....)
康盛應該在比較左邊，我第一個反應係估青年營，不過青年營同個亭既距離都唔係太遠，所以出post時加埋個遠少少既靈實醫院，仲要加埋「附近」兩個字。哈哈~~

引用:

原帖由 faifaisir 於 2008-4-27 02:54 發表
該圖是摘自「西貢歷史與風物」一書的，你可以向西貢區議會查詢有關該圖片的詳情。

今日剛好回去探我媽，泊好車同個仔行左去個亭度....點解同印象中個方向差咁遠？
而家睇返有可能真係康盛出面個亭度拍過去
但係滄海桑田，本來想拍返D相返黎，不過去到睇下，以前既「水」海變左樓海，拍左都對唔返張相....

引用:

原帖由 choihung 於 2008-4-28 00:35 發表
個人意見，將軍澳的樓未免建得太密、太高，一進去就覺得好有壓迫感，是不是政府的發展過度，忽略了空間感的重要性。

同意，我在將軍澳住了差不多十年，結婚後才搬離。有一次回去，坐在巴士裡，經過茵怡花園新都城附近，發覺前面同左右都係石牆，覺得有好大壓迫感，心裡面即刻出了一個念頭：以後要搬也不會考慮將軍澳

hk3dman，舊街坊喎，唔知有無見過呢？我住2座既~~

我而家住東涌，個感覺真係天淵之別呀~~

我試過好多次坐車入去將軍澳，架巴士過左隧道之後係填海區轉呀轉呀轉呀轉，我完全搵唔清方向，亦完全認唔到有咩地標(標鬼標馬！度度都差不多樣！)

上次開車去左將軍澳中心附近，諗住經調景嶺出返觀塘，結果又係轉呀轉呀轉呀轉，要經返康盛出秀茂坪....... 但係中間我其實行過咩地方呢？我到而家都唔清楚.....

引用:

原帖由 hk3dman 於 2008-4-29 00:41 發表
m2a2 ，我也是第 2 座的！太巧了！原來舊街坊來的！希望不是仇家吧.... ( 講笑 )！

faifaisir ，呢個對比圖實在太正了！
我個人相信........規劃這片土地的專材們......絕對不願住在其中.......

呵呵~~ 舊街坊~~ 我在康盛沒仇家的，最多行過互啤~~ (講笑~~我咁好人又點會同人互啤？)
規劃既專材當時都上晒岸啦~ 點會住將軍澳新填地？

引用:

原帖由 ada1128 於 2008-4-29 23:35 發表
東涌太遠了

OK啦~~話遠咋，基本上去邊都一個鐘左右(唔轉車計)
但係又確實去邊度都有車架喎~~
我而家返中環，坐地鐵比以前住馬鞍山坐巴士出來更快更便宜~

faifaisir勁呀~~ 你還是住在康盛吧？
星期日我帶住個仔都係企係呢個地方，我一見到呢個景象真係無心機影相.....
「經歷廿年蹂躪的將軍澳」，講得真係對~~~