繼續食~~~
第二朝起身, 如常佢返工, 我就打算遲少少又去shopping啦, 未夠鐘出門口, 就又係上網啦, 係呢度, 我詳細d講下點識佢架啦, 我是在大陸聊天室識呢個新疆佬既, 而在同一聊天室裡, 也有認識其他人的, 我重同佢地都好friend架, 只係吾知點解搭上左個新疆佬先, 入面有個南京佬, 都同我好friend架, 只不過就真係無咩緣, 可能佢同我都是同一種人啦, 吾中意上身, 南京佬都有好多女fans日日跟住佢架, 好難埋佢身. 點解要提個南京仔呢, 因為跟住落去, 有佢份…哈哈哈
當我在新疆上網, 我是重新註冊另一個新名入房的, 所以無人(網友)會知道我去左新疆, 而我就係吾想太洋, 費事佢地以為我地係一對, 甘就死得, 這天早上因為我想搵D野,用左我原本用既網名上左線, 不到2秒, 個南京仔就發左個PM比我,只係一個驚訝既表情,(因為佢裝左可以check到人地網友身在何地既野, 我一上線, 佢一按我就會馬上看見我身在什麼地方, 平時我係顯示香港特別行政區架, 而呢次當然係顯示新疆啦) 哇..我馬上Offline啦, 又不到1分鐘, 我既大陸電話響啦, 我估到係佢打黎, 一睇真係, 咪接囉, 以下係我同佢既對話內容 :
南京仔 : 喂
我 : 喂
南京仔 : 哈哈哈哈
我 : 打來干什麼呀..你打來就是笑嗎?
南京仔 : 我們是朋友呀, 打個電話給你不行嗎?
我 : 行呀, 只是奇怪你會打來.
南京仔 : 你現在那裡?
我 : 在家
南京仔 : 哈哈哈哈..冷嗎?
我 : 不冷了, 好暖和(成屋曖氣~~哈哈哈)
南京仔 : 那你就好好休息吧
我 : 嗯, 知道了, 我會的啦.
就係甘, 收左線啦,…
好啦, 甘我又介紹下個南京仔係邊個啦, 佢同新疆仔識左好多年架啦, 而且亦見過好多次面tim(個南京他去新疆搵佢) 而我識佢地兩位, 亦是差不多是同時識的, 也是在同一個聊天室識架, 南京仔性格好豪爽, 不過就情緒[化左D, 佢有好多女人中意佢架, 雖然佢可算你好靚仔, 不過就好玩, 同埋整體外表都是官仔骨骨甘, 識左南京仔先, 第2日在同一聊天室就識左新疆仔啦, ..新疆仔開頭比我的印象是幾成熟, 風趣幽默, 講野把聲又好聽, 低調 .....而且文學水平都好高, 有好多國語我吾識就去問佢, 開頭我係吾知佢係老師~~後來先知架.....甘就由請教普通話發音開始~~不知不覺就網戀左啦...個感覺都好SWEET架,
日頭新疆仔要返學, 所以日頭我有空, 也都是去同一個聊天室去玩, 而南京仔就日日都係度好似吾使做甘, 反正日日見, 我就成日撩南京仔啦, 聊天室個個人都認定左我中意左南京仔, 無一個人發現我同新疆他的關係, 就甘我就由得佢地猜測啦, 後來都慣左一入去就撩南京仔, (不過我都有同南京仔私下暗示過我係玩架, 佢就叫我繼續, 甘樣佢就少左好多女人去煩佢, 我又無所謂, 咪繼續比人地覺得我同南京仔好曖昧囉, 不過我FEEL到南京仔係有少少中意我的...嘻嘻)
所以南京仔一見我ONLINE, 佢好勁架, 即刻可以CHECK到我個IP係邊度架, 佢肯定係見到我個IP是在新彊, 佢咪好驚訝囉, 可能連佢都以為我真係好中意佢啦, 突然我走左去新疆, 吾意外就假啦......
跟住我就出左去shopping啦, 食lunch都係約左佢, 在吃lunch時, 我講左比佢知南京仔發現左我去搵佢, 我叫佢千奇吾好講, 佢都好識做叫我放心, 不過之後佢有無講, 我就吾知啦, 事關回來之後, 係人都知我去左新疆喔~~哈哈哈...佢吾講, 南京仔都講左啦.....
相關搜索目錄: 普通話 幽默
