格式注意︰
1.係由老公寫畀老婆大人
2.一定要用繁體字(因為係香港人)
3.打橫寫(我試過用台式直寫,即被公安同志小)
4.記得要親手寫,唔准電腦打字

首先係上款,稱呼老婆全名都得
然後第二行就好似公函咁,置中位,寫題目"邀請信"
然後內文就寫你們幾時認識,幾時及邊度結婚,婚後依家分隔兩地,要家庭團聚,需要寫本函邀論老婆去公安局申請赴港定居,希望老婆大人盡快去申請
最後下款
日期


之後信封面記得都係用繁體字寫你老婆大人的地址､郵編
並寫上你屋企個回郵地址,你個名

至於寄信,請各位男同志去香港任何各區郵政局,要求寄掛號,可以用空郵寄掛號,唔准用快遞,更唔應該用平郵,因為一定會失.唔駛10元,之後可以去香港郵政查幾時收件.
上述係老公畀老婆"邀請信"既要求

至於老婆大人方面,都要整一封,不過對象係公安局,唔係老公
注意兩位預先要對好供詞,因為老婆畀公安局的"申請信"裡面,老婆都要交代幾時認識,幾時及邊度結婚
老婆要用簡體字寫
其他都沒有什麼問題,視乎各位文采.

[ 本帖最後由 港奸剋星 於 2008-4-8 15:31 編輯 ]

佢地都算細仔睇,而且都有一定思維,老公老婆的內容一定要對,同埋老公果封要繁體字,仲要寄掛號....其實都係為左證實唔係假結婚.
樓上果封邀請信,太過複雜,我及內子經驗係唔駛寫出生日期,亦唔駛結婚證書號.但一定要交代幾時識,幾時邊度結婚.亦唔駛交代有冇仔女,亦千祈唔好寫有冇仔女,因為可能會被個別地區計生辦捉去………
公安局收哂資料,見過兩位,都會問幾句,表面上係關心,其實都係證實內容係咪真,婚姻關係係咪真.
其他資料,另一題目都交代過.
也許內地太多假人假事,而且架構多多,過到面前位公安同志,上面就未知點,再上面更加未識佢.
所以在香港同胞眼中,似乎多餘,認為一家團聚天經地義,駛咩攪咁多事.但內地畢竟人可以與家人劃清界線,甚至打老爸老媽,一家團聚,自然唔係必然.幸福,確實唔係必然.