引用:

原帖由 飛毛腿 於 2010-1-24 14:57 發表
唔係今日先有架啦
高琨個名近幾個月威猛啦
港傳霉成日提, tvb 派人去佢美國屋企專訪
又去瑞典拍攝佢領取諾貝爾獎
中大班人就鬆毛鬆翼, 認親認戚話係中大之光
卻提都唔提當日高琨做校長時
班學生指住佢破口大罵 ...

狠批的係一班學生,托的又係另一班學生~~
又唔洗當咗前一批學生係代表中大發言∼∼
所謂曹操都有知心友，關二哥都有對頭人∼∼

引用:

原帖由 Peter+PANG 於 2010-1-23 23:36 發表
http://www.youtube.com/watch?v=vmhOYmRsqb0&feature=player_embedded

早兩日在公司同班同事(大多數都係三十歲以上，在社會工作多年�鴷握u仔)講開係網上睇到呢段片�儱P受，大家都異口同聲講：「唉....！呢班廢物 ...

新一代大學生係咪真係一蟹不如一蟹，我真係睇唔出∼∼好多人話新一代後生仔，比上一代差，好不知所謂云云∼∼我又係睇唔出∼∼我管好多後生仔十幾廿歲出頭，好多好有拼勁好有上進心，中五讀唔成，仍好努力找其他進修，而且非常多呢啲人∼∼

之但係咁∼∼縱使新一代真係差過上一代∼∼要反思的不單是新一代，反之係上一代點樣經營呢個社會，會教出差過自己的新一代，失敗的不是新一代，反而係老一代的中老年人∼∼君不見中老年企業家如何教導新一輩嗎？看看八卦周刊如何在內文登色情廣告，相片以揭人陰司走光為己任，企業如何叫人洗錢，如何透支，先洗未來錢∼∼企業掩蓋良心去賺黑心錢（甚或根本沒有良心）∼∼教鞭之士又如何教下一代呢∼∼英文基準試，一試就知龍與鳳，不斷話新一代學子英文水準下降，但個問題根本係教果個都無料到，又去影細路仔春宮照∼∼雇員和雇主的關係亦沒有了老一輩企業的情義，雇員和雇主之間關係已經是單純一買一賣，好境時企業對雇員呼之則來，經濟差就揮之則去，好境也不會負社會責任，一樣炒人裁員，企業也不會花時間去教後輩，入職一兩日教都未教，就話要炒，但係另一面企業家又話新一代後生仔沒有上一代雇員的忠心，企業要求雇員對自己忠心，但又唔會對雇員負上雇主應有的操守∼∼我呸！根本係老一輩人的問題∼∼妖獸教出妖戰，好正常吖∼∼妖戰教出君子真係千古奇聞囉∼∼
再追查落去，點解今時今日的中老年企業家政治家變得妖獸化了，古仔還有好長，自行分析啦∼∼總之一句，後生仔並非問題根源∼∼

最好係果班八十年代前出嚟打滾，即係依家係五十歲左右果批，四十幾歲果批都好正∼∼食正香港起飛果班，依家九七開始出嚟打滾果批後生，真係唔知乜叫夜夜生歌，經濟好景係點樣∼∼但係點都好，依家班後生仔點都好過四十年代至六十年代出嚟打滾果批，當年真係好日子難頂∼∼神童輝咪係坐正香港起飛年代出嚟果批囉∼∼但係靠炒炒賣賣發達果批咪仆哂街囉∼∼