引用:

原帖由 saltiwet 於 2008-4-11 22:49 發表
今日同朋友出去釣魚, 去到一個小鎮的 mcdonalds, 見一女坐在卡位上和一個鬼佬親熱, 我和朋友都覺得個女人面善. 坐下來食 big mac 時想起佢就係邊個個老婆. 我地就雞咁腳走人. 一邊開車一邊講: 佢老婆走成百幾公里 ...

唔會講... 始終係人地既家事... 就算其他人講我都唔會加把咀... 除非佢地已經鬧到離婚喇...
有時人有相似... 唔係100%確認係果個人 / 果個人自己承認... 你又點知你朋友個老婆唔會有巒生姊妹, or 親姊妹 & 堂姊妹係長相相似既呢???  我同我表妹都似樣 (我試過以為我表妹張相入面果個係我, 睇真dd衣著&留心睇清楚先知原來張相入面果個係我表妹黎既)... 遠望 & chung chung 一望就聯想太多 & 去引起人家不必要既誤會同猜疑... 係唔係唔係咁好呢???

我都有試過... 有次係街見到一個長相勁似我好友既老公既人攬住一個女仔係尖咀行街... 仲要迎面同我擦身而過... (當時我好友係加拿大, 而佢老公應該仲有幾個星期就會移埋民去加拿大陪我好友)... 第一刻我係好想自己認錯人... 但又真係好似... 好難想像佢老公咁錫我老友都會咁...

我都有諗應唔應該同我好友講.. 但我唔想佢唔開心, 如果係真既... 佢知道之後一定會唔開心... 就算係認錯人, 但始終都會令我好友留有心理陰影...

後黎佢老公都過埋去加拿大, 好幾年都無返過香港... 佢又非常鍚我好友... 咁我當然更加唔會亂講喇... 因為我confirm唔到究竟係我好友老公既演技好(好到被熟人撞見攬住另一個女人, 都可以表現到咁陣定, 毫無心虛既神情, 仲要好似唔識我咁行過我身邊)... 定係我真係認錯人....  

雖然到而家都證實唔到呢件事... 但我既好友都覺得自己好幸福, 老公好錫佢 & 見到佢地一家三口好開心咁過.. 我又覺得自己唔講唔係一件壞事囉...

anyway... it's just my 2 cents..

引用:

原帖由 saltiwet 於 2008-4-16 20:02 發表
今日同一個開餐館的朋友講開個女人, 他說我少見多怪. 好多30~40歲 c9 出黎媾d留學生, 各有所需. 一個有性需要, 一個有住和食的需要.

去得留學既, 唔會要攪到做鴨呀??? 而家D內地人好有米架喎...