攻敵貪勝不知輸 行善何解打對台
27/05/2008
（弊！得Pair 2……）「大你500萬！」
（唉！Pair 5咋……）「跟，大你1,000萬！」
（呵！吸手A，你兩個想偷雞，哼！）「晒你冷！」
對唔住，以上對白係多得王晶賭乜賭物電影提供，如有雷同，多多包涵。
一個極反智現象！四川大地震，滿目瘡痍，可幸人間有情捐款源源不絕，但就有搞事分子醜化善舉。
當某某捐幾多百萬時，佢就唱某某鬥捐幾多千萬、某某又鬥捐幾多億！總之就想惡搞一個你大我我大你，捐錢都鬥一餐不健康局面。
好事變壞事，何苦來由！將善心當兒戲，呢種行徑絕對要不得。
Juno近日部署捐獻「晒你冷」大行動，本來佢一向食住死敵陳冠希，但無啦啦出笨招，真係好做唔做，自損形象。
先講害人精陳冠希，偷香洩密，敗走番邦繼續龜縮。但百足之蟲死而不僵，早排假猩猩又出動猛話捐出自家品牌，本來佢自吹自擂做乜都冇人理，但Juno棋差一着，自亂陣腳，又話要趕製旗下T恤捐助災民，咁既思維真係大錯特錯！
Juno唔襟激 自亂陣腳
做善事都打對台，Juno呢勻中晒計！可以講唔衰攞嚟衰！
講開戰，Juno本來先勝一仗。
床照發生之後，陳冠希醜惡真面目早已公諸於世，全城怒轟過街老鼠，Juno當時挺身而出，義正詞嚴，大罵始作俑者渣滓中渣滓，大快人心。
講罵戰，Juno又勝一仗。
Juno自家品牌自命High Fashion，暗寸陳冠希衫如其人，低檔低格低品味；匿响番邦佢鬼鬼祟祟越洋宣戰，仲好囂咁話有種就放馬過𨪛。Juno沉着應戰，講多無謂，行動最實際；呢場罵戰其實係為第三場埋下伏筆。
講潮流，Juno再勝一仗。
Juno懶理你宣戰，一於做畀你睇。日本Bathing Ape主腦Nigo嚟香港，佢同阿哥接手搞時裝騷，仲接收埋陳冠希一班緋聞女友，眾皆親身捧場，贏面子贏口碑，蒙頭露尾陳冠希即時偃旗息鼓。
本來由頭贏到尾，可惜進退失據，勝利沖昏頭腦。
善心戲耍 真都變假
講真！商場如戰場，擺明對首幹又如何！商業社會，爾虞我詐，各安天命，但做人做事要有底線，玩到過晒火位，於人有損，於己無益。
有乜好玩先！唱對台戲點解要揀行善？今次地震，天地同哭，絕對唔應該將災難當戲耍，任何人捐錢捐物資出心出力，都係無私奉獻，送出一份關愛，萬眾一心，但玩到捐獻作為打擊敵人既籌碼，就萬萬要不得。Juno既做法只會扭曲捐錢真意，醜化捐錢善心。
須知凡事當留餘地。《射鵰》中降龍十八掌最威猛簕亢龍有悔，心法係打出十分力，自身留力二十分，就係亢中有悔咁解；強攻敵人之際，亦要留有後�鞳F貪勝不知輸，慎防一鋪清袋，賠了夫人又折兵。
轉載太陽報
