而家個世界排名根本就無說服力，得啖笑就得。
就單單憑今年個歐洲盃就力壓巴西、阿根廷，未免太過兒戲。
應該睇過去咁多年往績比較，先至公平架嘛。

由過去往績來睇，西班牙實力最多係二線頭，
何況一路以來佢地都唔出猛將，球員身價普遍都唔過一千萬英鎊，
當西班牙佬對住巴西、阿根廷呢d堅料果陣，
就會反映咁既世界排名，好無公信力！

[ 本帖最後由 ntoreg 於 2008-7-6 23:53 編輯 ]

引用:

f.托利斯 身價絕對過千萬英磅 仲有卡斯拿斯 魯爾 佢地黃金時間可以轉會一定會係超高價

我指既係以前果班西班牙佬。

引用:

以上個個個有濃厚星味,商業價值大於本身跟波實力

仲有球員當紅都係近幾年既事，
上一代果班，真係邊個都唔記得，
級數比起碧根鮑華、雲巴士頓、巴治奧、施丹，差唔只十條街，
起碼過百條街！

引用:

我覺得世界5大勁隊係
1) 巴西
2) 阿根廷
3) 意大利
4) 荷蘭
5) 法國

同意咁既排名。呢d先叫實力既反映嘛。
單憑今年個成績就判斷為世界第一，
國際足協究竟響度搞邊科？

[ 本帖最後由 ntoreg 於 2008-7-7 00:05 編輯 ]

引用:

國際排名唔睇近年表現唔通睇history?
咁樣唔q使排喇! 照你地的講法, 巴西永遠都會係第一, 就算佢世界盃八強就out, 就算佢外圍賽踢得點差都無所謂, 係唔係??

引用:

當然, 靠歷年來既成績排亦都唔準確, 問題在於用黎計分既年份係幾多年 (好似球會既比賽係5年? 國家隊既, 好似係... 6年 - 3個大賽?)

歷屆往績可以反映出國家隊既起伏，對厘訂世界排名唔係無幫助既。

講真，唔講以前講依家，將巴西放響世界排名第一位，依然唔會有人點反對，
直到依家，人地出既猛將仍然好多(起碼多過西班牙)。
至於西班牙佬，就睇下今年個轉會市場個反應就知囉。

[ 本帖最後由 ntoreg 於 2008-7-8 02:49 編輯 ]

引用:

而且我最唔明就係, 呢個榜根本就會時不時變動, 今年西班牙打得好, 俾佢坐第一我都唔覺得有咩問題!

睇來閣下好似係西班牙擁躉喎，
如果係既話，我都可以諒解。
但唔係既話，就未免過敏。

其實歷屆往績都係表現既一種，只不過係用長線既眼光睇。
就睇近一兩年既成績去衡量世界排名，始終係草率左d。
如果放長雙眼，睇近五年、近十年既表現，我唔認為有咩問題。

事實上近五年、近十年，巴西表現都唔係太差，
最起碼佢係2002年世界盃冠軍，同埋美洲盃都贏過冠軍(1999、2007)。
但近五年、近十年，西班牙頂多係二線隊表現，
最起碼除左今屆歐洲盃，就一個獎都無。