其實呢，雲加都盡晒力架喇，
唔係雲加既問題，
而係一來英超長期有紅魔壟斷(英超冠軍幾乎年年都由曼聯贏得)，
二來阿仙奴錢又唔夠人地多(起一個新球場就唔夠錢買球員)，
限米煮飯底下，超越唔到紅魔，成績就唔易好，
成績唔好，球員就好易心灰，
心灰底下，就年年有球員喊離隊囉。

依我睇，除非曼聯衰落，
以依家形勢，阿仙奴聯賽排頭位，贏到歐聯席位，
仲夫復何求！

[ 本帖最後由 ntoreg 於 2008-7-6 23:51 編輯 ]

引用:

英超自進入02年起已經無壟斷呢個情況!
最壓倒性的已經算係車仔皇朝時期.
而阿仙奴亦唔係無拎過冠軍.

阿仙奴每次贏親聯賽，都係靠曼聯陷入低潮果陣先贏到。
好似上屆頭半季阿仙奴都仲係威係勢，但紅魔一發威，阿仙奴就開始唔掂。

至於車大炮，不過係英超暴發戶，
由古到今暴發戶既特點係，起得快時跌得快。

引用:

要留意佢地呢幾年既歐聯紀錄己經改善咗好多 (之前小組都甚少出到線), 甚至踢到決賽架喎, 呢方面既財政收入莫非己經係計算之內?

果筆收入好大部分要用來還債，而筆債係起球場時所積既。
即使起左球場提升左門票收入，都係一樣情形──冚債。

[ 本帖最後由 ntoreg 於 2008-7-8 02:38 編輯 ]

我想講既係，形勢對一隊波都好緊要，
阿仙奴自身錢唔夠，加埋紅魔既慣性壟斷，
先至係阿仙奴響英超舉步維艱的主因。

呢d咪就係阿仙奴既處境囉！
未來十七年，要償還每年二千四百萬鎊債務，
新一季班費又只得九千萬鎊，還包括埋球員人工等支出，
如果買一個二千萬鎊既球星，
阿仙奴可能搞到要拖其他球員糧先至得！