引用:

原帖由 ntoreg 於 2008-7-6 23:44 發表
其實呢，雲加都盡晒力架喇，
唔係雲加既問題，
而係一來英超長期有紅魔壟斷(英超冠軍幾乎年年都由曼聯贏得)，
二來阿仙奴錢又唔夠人地多(起一個新球場就唔夠錢買球員)，
限米煮飯底下，超越唔到紅魔，成績就唔易 ...

英超自進入02年起已經無壟斷呢個情況!
最壓倒性的已經算係車仔皇朝時期.
而阿仙奴亦唔係無拎過冠軍.

不過你講的限米煮飯我就完全同意

引用:

原帖由 ntoreg 於 2008-7-9 02:01 發表
我想講既係，形勢對一隊波都好緊要，
阿仙奴自身錢唔夠，加埋紅魔既慣性壟斷，
先至係阿仙奴響英超舉步維艱的主因。

紅魔咁都叫慣性壟斷?
基本上今年同舊年兩次的聯賽冠軍都係嬴得好險, 根本就唔係壟斷.

壟斷我個人認為, 係指一個人/一隊波係一個比賽入面有壓倒性的優勢, 好似摩佬係車仔的第二年, 同埋00及01果兩屆的曼聯.

講的所謂形勢, 其實車仔最風光果時, 曼聯一樣係形勢極差, 有聲音更指曼聯可能會好似利物浦80s'一樣輝煌不再.

阿仙奴的財政係及唔上big4另外的三隊, 但係咪真係手緊得咁嚴重乜野都買唔到, 我自己就唔多認同.
正如claudeyue所講, 阿仙奴近年係歐聯上成績算係十分唔錯, 而英超亦保持在前4, 車仔未嬴第一次英超之前佢地亦響英超威過一輪, 果度賺的錢、聲譽都唔少. 而換新球場方面, 雖然起一個新的場會用好多錢, 但舊果個唔通唔會拎去賣左佢套現? 加上雲加一直平買貴賣, 果度d錢又去晒邊?

至於阿仙奴留唔到人呢個問題, 我覺得一方面係佢地的陣容唔可以買一線球星之外, 好多時亦係一手造成. 係邊個訂立一個不成文規定, 令老將不能生存在兵工廠? 係邊個搞到隊波凝聚唔到好似紅軍/紅魔的歸屬感?

引用:

原帖由 claudeyue 於 2008-7-10 23:39 發表

講起阿仙奴既歸屬感, 真係... 百感交集...
每個球星走既時候都話點樣點樣唔捨得阿仙奴, 但係每個球星都係照走...
個個都係咁... 真係有點令人吃不消...

逃「兵」撤「廠」分裂阿仙奴


(綜合報道)



(星島日報    報道)正所謂「大難臨頭各自飛」，阿仙奴    有法米尼和列文離隊後，亦正跟AC米蘭    商討出售射手艾迪巴約    的可能性，陣中人心惶惶，中場希比及基拔圖施華立即齊齊「跳船」，分別轉投巴塞隆拿    和彭拿典奈高斯    。兵工廠四分五裂，財政又捉襟見肘，隨時搖身一變成人手短缺的「山寨廠」。

　　今個夏天，兵工廠內部「地震」愈趨劇烈，希比已前往巴塞進行體測，如無意外將以約一千五百萬鎊（約二億三千萬港元）投奔該支西甲班霸，而三十一歲的基拔圖施華亦將以二百萬鎊轉投希臘    勁旅彭拿典奈高斯，加上法米尼及列文已分別加盟AC米蘭和史特加，艾迪巴約又大跳「草裙舞」，球隊當下可謂四分五裂。

　　剛過去一季，阿仙奴正是因為接連受到傷兵打擊，後備兵源不足導致在大好形勢下於英超自毀長城，被曼聯    及車路士    後來居上。然而，阿仙奴季前已鬧兵荒，後�嬤F格拿不留情面「批死」球隊下年三月已無力爭霸：「下季三月時，己隊可能已不在爭逐錦標之列，大家都對去季感到遺憾，球會必須從錯誤中吸取教訓。」

　　阿仙奴領隊雲加的處境也顯得十分無奈，因為阿聯酋    航空球場落成後，球會未來十七年每年要償還二千四百萬鎊的按揭債務，據悉在資金緊絀下，「教授」新一季班費只有九千萬鎊，這還包括了球員薪酬等支出，故雲加手頭上的轉會資金並不充裕。兵工廠四�足狾陴y員流失，且只能靠法比加斯    、路斯基和尹佩斯數名球星壓陣，以及依賴雲加塑造新星的能力，該隊要保住英超四大班霸的地位，已出現危機。