引用:

原帖由 claudeyue 於 2008-5-8 11:57 發表


人生當然係一個問號, 但係如果你有料既, 又或者係過程中不斷增值既, 你個問號仲大好多tim, 要慢慢揀究竟係邊度發展最好丫嘛, 係你揀人多過人揀你囉, 但係幾時都你多野比你揀好過無得揀架啦!

如果公司係重才 ...

好同意閣下的見解.
工作絕對唔係淨係講人工 - 點都要有D意義先得.
唔好忘記我地閒閒地一個禮拜做45-50個鐘頭,唔係小部分架!

引用:

原帖由 claudeyue 於 2008-5-19 12:17 發表


我諗全職既工45-50都真係好「閒閒地」喇 :s

外國好多時會限咗某d行業一個星期最多做38-45 個鐘 (比如澳洲既地盤工人只會做38個鐘, 仲要係flexible hours, 變相好多人會星期一至四每日做8個鐘, 星期五 ...

所以好多人話澳洲人懶咪就係咁解囉.
同時亦不要忘記,澳洲夜晚冇香港咁繁華,七點一到全人類番晒屋企!
但係呢種趨勢已經開始改變.雪梨,墨爾本等地知道若要同世界同步跑,做多D係無可避免架啦.
我盡量做7:30-5:00,早少少番屋企.「食過晚飯，要休息返一陣!」

引用:

原帖由 claudeyue 於 2008-5-20 01:24 發表

懶同搏命一向都係兩個極端, 你話懶唔好, 搏命又真係好咩?
人會開心d? 做出黎既野真係好d? 量多咗唔出奇, 咁質又真係keep到好好?

澳洲無錯係好多人好早係屋企, 休養生息, 享受天倫之樂唔好咩?
研究顯 ...

Claude 兄,我唔係反對你嘅理論.我亦都明白香港嘅高壓生活環境亦令到life quality好差.
我只係話有D人覺得澳洲人懶,而呢個可能係一種解釋姐
我亦完全同意生活質素對於工作水準係有直接關係嘅.
學你話齋,真係做到嘔電,乜野人生樂趣都付諸流水啦

最慘係好多時明明5點鐘放得工,但係為左搏表現,冇野做都坐到8-9點先走.無他,為的都係唔好比老闆睇到你係第一個走姐.

但係有好多僱員多嘅公司,老闆/主管都唔記得邊個人做邊份野.
老闆見到你埋頭, 咪當你係苦幹囉.

而且呢D壓力唔係一定係個公司製造出黎嘅 - 坦白講, 我有時都覺得準時收工係代表表現唔夠.
我都知呢種諗法好戇居, 但係至少我明白點解有D人會咁諗...

引用:

原帖由 claudeyue 於 2008-5-20 18:37 發表


可能因為我老闆唔係香港office係第二度既關係啦, 而我直屬上司又做過晒我要做既野, 所以好清楚我既工作表現掛~

但係我見我呢度其他department既同事真係好準時走下...

不過「老闆見到你埋頭, 咪當你係 ...

我從來未試過做一份一日可以做完嘅工作!

不過我今日竟然冇野做 - D客戶唔合作, 唔比D文件你, 想做都冇得做啦
咁就即係聽日D野會一次過霖晒黎, 實行做到嘔電啦
最憎就係咁 - 唔係自己嘅 time management 做得唔好, 係比D闊佬懶理嘅人拖慢晒.
好彩老闆明白呢點姐

兩位,
當然啦. 尤其而家D辦公室心術咁複雜, 老闆喺外面好似耶穌咁仁慈, 番到去就雨夜屠夫咁塊面.
真係唔試都唔知呀.

引用:

原帖由 claudeyue 於 2008-5-22 20:08 發表


可能係(partially)因為咁, 所以香港現代人既轉工率咁高呢

唔止淨係香港, 呢種多面人, 世界各地都有.
不過待遇好呢D野, 怎係可遇不可求.
所以如果一定要揀, 我情願人工少DD (當然唔係少20k啦) 都跟個知理嘅老闆.

郭兄, 多謝 :
我雖現居澳洲, 但亞洲盃我仍然是國足擁躉!
我半工讀, 喺大學讀緊postgrad marketing, 另外做market research.

引用:

原帖由 郭政鴻 於 2008-6-1 12:31 發表

我關心中國, 四川大地震好傷心

但講足球,唔支持中國,亞洲盃,世外支持澳洲

你都好叻, 可以澳洲搵office 工

我中學同大學都係喺澳洲讀, 所以我對呢度嘅制度比香港熟悉仲多添.

所以同叻無關

四川...稍有人性嘅炎黃子孫都不會不為所動.

我捧國足可能係一種國外華僑嘅情意結

引用:

原帖由 yamatatata 於 2008-6-1 21:02 發表
我今年冇得加人工！公司話驚美國次按問題擴大喎！要未雨綢繆.......都唔知有冇搞錯！

呢點好殘酷, 但係係世界大勢所趨, 呢一年內有人工加, 難也!

引用:

原帖由 claudeyue 於 2008-6-3 12:16 發表

香港通脹咁勁無人工加好慘架...
我出黎做野無耐, 都係跟通脹加得5%... 少之又少...

唉, 呢度通脹都有3-4%. 加人工有幾可追到呢個數字丫

美國次按風暴未平, 銀行利率繼續高企, 油價日日爆錶, 睇落有一排都唔使旨意有人工加囉

引用:

原帖由 郭政鴻 於 2008-6-3 22:39 發表
但聽我朋友講, 果邊文職工作多數請返白人

你緊係講英文沒有香港口音, 係咪?

我英文都算OK, 些少口音改唔到架勒, 但係至少寫到文書, report, 公函...

普通文職係好少見到有華人做. 但係唔好忘記華人學生大多數都喺大學攻讀比較專業嘅課程, 亦都比呢度D人對高等學歷嘅追求比較高. 呢度好多鬼仔鬼妹一讀完書就走出去是但搵野做, 所以普通文書工作都係由呢班人負擔.

受過高等教育嘅華人, 出黎搵工當然比較吃香啦. 但係就有人話點解D好工比晒D中國人做? 咁就有無知之輩穿鑿附會, 發出下種族言論勒