碧基乜唔係巴塞青訓產品黎咩?
如此都算係落葉歸根丫...雖然佢啱啱先21歲...

引用:

原帖由 OrangeFai 於 2008-5-28 16:17 發表

哈哈...不過總算有另外一d好消息

根據你所講, 似乎碧基的言論係佢被低價賣走的重要原因.

費爵爺唔同你講笑架. 邊個口噏噏話想離隊嘅, 佢大腳伸你走, see you later!

碧咸同雲尼斯特萊係前車之鑑.

引用:

原帖由 周五一次郎 於 2008-5-28 19:04 發表
唔知如果C朗宜家口噏噏話想離隊回唔会一样呢?

會. 碧咸離隊時正在最高狀態, 人氣, 號召力亦比C朗有多無少.

一個唔想合群, 自以為是的隊員, 無論球技幾好, 人氣幾勁, 都不宜久留. 費爵爺有呢種膽量, 作出呢種決定, 係佢多年來趷立不倒嘅重要因素.

引用:

原帖由 OrangeFai 於 2008-5-28 19:42 發表

果個....係預備組.... 拎出黎都無乜價錢好賣....不如借去衛星球會用下仲好..

而且留番響度, 點都有些少推廣價值的

唔係我對國足悲觀, 但係我每次聽到英超球隊買國產球員, 我第一樣諗嘅就係「推廣價值」.

引用:

原帖由 OrangeFai 於 2008-5-28 19:49 發表
根據轉貼文字所講, 應該係碧基comfirm過左去巴塞之後先公開發表不滿, 情況似乎同碧咸、雲尼斯特萊有d唔同

但係如果佢心裡面一直都係咁諗, 喺佢訓練嘅時候亦都會睇得出.
一個真係想離開球會嘅人, 好難可以咁耐唔露心水架...

引用:

原帖由 OrangeFai 於 2008-5-28 19:49 發表
呢樣野....我覺得就唔可以一概而論.

我唔係話每次費爵爺炒人都係因為軍紀問題.
我話嘅係每次有軍紀問題, 費爵爺炒人絕不手軟.
C朗同朗尼兩個都係麻煩友, 將來如果佢地因軍紀問題被炒, 我一D都唔會覺得奇怪.

引用:

原帖由 OrangeFai 於 2008-5-29 01:07 發表

孫繼海都叫做合格的

不過其他.....完全同意

孫繼海絕對合格. 但係佢九十年代中/尾已經喺水晶宮服務. 果陣英超球隊都未仔細考慮向亞洲擴展市場, 所以曼城簽佢似乎唔係純粹做 promo 嘅

引用:

原帖由 claudeyue 於 2008-5-30 03:54 發表

我覺得真係唔錯架 (雖然都間唔中會有蝦碌), 踢中小型班絕對合格~ 我覺得鄭智都係

仲有李鐵, 喺愛華頓第一年打得好堅.
果陣係人都話愛華頓簽佢只係想同個贊助商科健搞關係 (其實係真嘅, 簽李鐵係科健贊助合約中一部分). 結果佢打出成績, 為自己同華人爭氣!
同佢一齊去嘅李緯鋒就冇咁好彩, 打左一場就消失左

引用:

原帖由 claudeyue 於 2008-5-30 03:54 發表

不過國足同韓國足比真係差好遠... 衰一大格...

韓國國腳的確係有表現. 曼聯阿朴生, 熱刺阿李生, 似樣丫.

不過反觀日本幾個來英發展嘅球員都打唔出乜野名堂.
稲本潤一喺2002世盃打出超水準, 結果咪兩年之內淪落西布朗?
中田英壽黎到保頓果陣都夠鐘退休囉!

[ 本帖最後由 mynameishoi 於 2008-5-30 09:16 編輯 ]

引用:

原帖由 OrangeFai 於 2008-5-30 14:37 發表

李鐵....個人就覺得係三個人入面比較遜色的一個喎........但都總算係唔失禮....踢得下....
不過佢呢一隻剩係識「搞破壞」、做攔截的中場, 愛華頓實在係太多喇, 佢點會有機會出場?
李偉峰...... 簡單一句, 根本唔夠班

你話係邊三個? 李鐵, 孫繼海同鄭智?
如果係的話, 我都同意. 我只係覺得李鐵喺愛華頓第一年嘅表現係合格嘅.
第二年, 傷患連連, 首次出場就食紅牌. 後尾賣左去錫菲聯就消失左.

引用:

原帖由 OrangeFai 於 2008-5-30 14:37 發表

中村俊輔都唔錯, 完全係指揮官型, 俾直線、由後半場吊長波入危險地帶都有一手, 個人認為亞洲入面佢最勁添! 另外佢free kick都好勁, 級數上肯定高過林柏特、謝拉特果隻勁射....唔知點解好地地....反而走左去踢些路迪?!

我都有諗到中村俊輔, 但係諗清楚D, 打蘇超算唔算?!

引用:

原帖由 OrangeFai 於 2008-5-30 16:45 發表
好心d中國球員就好似南韓球員咁喇, 一開始就試英超、西甲咁, 人地鬼俾你出場咩. 不如踢下法甲、荷甲, 出左名氣先再去英超喇.

唉, 貪字變貧也.
但係英超喺東南亞嘅知名度真係比其它聯賽多好多, 尤其係四大 - 喺其中一隊打預備隊分分鐘出名過喺荷蘭打足一年 - 睇下曼聯果位董生?

引用:

原帖由 OrangeFai 於 2008-5-30 16:45 發表
所以我都無話日本球員岩踢英超呀.
我不過話佢地技術層面比較突出, 中村去到英超可能打唔出水準都未定添  

可能係如你所講, D日本球員喺第二D地方成名立萬, 機緣未到姐
中村一日唔黎打英超, 一日都唔會知道佢喺英超掂唔掂.

引用:

原帖由 rodders 於 2008-5-31 03:22 發表
至於Pique
我覺得佢真係唔掂!你睇季尾唔輸得果幾場，維箨傷鰦搵Brown打中堅移後Hargreaves打右都冇consider 到 Pique，費sir係心中有數。我覺得Barcelona 4 百萬都買貴鰦。

可能費爵爺唔揀Pique係因為佢嘅態度問題都未定呢?
抑或係佢已心裡有數, 「呢條友仔都係無心替我地服務」, 所以連出場費都慳番!

引用:

原帖由 claudeyue 於 2008-5-31 02:18 發表

其實中國最衰既就同英格蘭一樣, 傳媒過份吹捧... 國產奧雲, 黃金左腳個d, 真係一兩腳得就捧到上天,

絕對同意.

其實此乃足球小國的通病. 澳洲亦然. 冇錯, 維度卡, 基維爾, 卡希爾等係高級球員; 但係外圍賽打贏烏拉圭後, 居然有人荒謬到認為澳洲大可捧盃, 贏波D功臣全部有英超大隊吼...

亦有人話因為意大利最尾捧盃, 而澳洲係輸在意大利一個混帳12碼之上, 所以如果冇左果個12碼, 我地應該係世界冠軍...

亞洲盃果時仲猖狂, 講到亞洲球隊係蝦兵蟹將, Lucas Neill 賽前仲夠膽死話可以以不敗姿勢捧盃. 好勒. 比日本踢出局勒, 就有人話點解要入亞洲足協呢? 好簡單姐, 係澳洲過往20年不停「唉」FIFA 比佢地加入之嘛!

莫忘澳洲自命係體育大國, 欖球, 板球, 游泳威盡, 但係足球呢個最重要的世界級運動仍然停留在第三世界程度.

引用:

原帖由 OrangeFai 於 2008-5-31 06:11 發表
其實諗深一層, 中國當年真係極度有運.
由外圍賽開始, 果陣Australia仲未入亞洲, 較強的日、韓因為係主辦國, 自動入圍, 而個人認為亞洲內較強的沙特同伊朗, 唔知點解居然會分落同一組....中國係另外一組, 出線真係無乜難度  

中國最好機會就係將全部主場賽事放晒喺昆明, 學某些南美球隊, 靠高地/低氣壓取勝.

或者搏做主辦國囉

不過如果京奧成功, FIFA 應會對中國主辦大型體育活動的能力刮目相看. 冇錯, 中國係冇11個夠班嘅球員, 但係有potentially 11億人會仆到咁去睇喺自己國家主辦嘅世界盃!

引用:

原帖由 rodders 於 2008-6-1 02:15 發表
其實澳洲真係天真。 你幾時見過意大利贏波贏一條街 !!?? (除鰦82年outstanding咁痩賽贏德國3:1果場)
尤其係睇住鈬食果鱓，例如對澳洲就係果隻!

又難怪佢地嘅, 澳洲上次入世界盃係1974年, 而97, 01年兩次都在附加賽被擊敗. 有得入咯, 咪發下噏風, 開心下囉

引用:

原帖由 rodders 於 2008-6-1 02:45 發表

堂堂大國 (我覺得中國在任何一方面都係大國) , 攪樣足球攪咁耐連一鱓style都冇!

問題係佢地冇一個整體的架構. 聯賽純粹係一個公關活動, 「睇! 我地有自己嘅聯賽架!」
聯賽要有似樣的架構, 先至可以有系統地生產國家級的球員.
架構呢D野唔係一個教練球可以變出黎架...但似乎國足內有如此諗嘅人

引用:

原帖由 claudeyue 於 2008-6-2 04:04 發表
地方球隊又好難同國足直接比較既...

但係地方聯賽都算係國家隊嘅搖籃. 我相信一隊國家隊嘅興衰係同佢國內聯賽的水準有直接嘅關係

尤其係好似中國, 出口球星唔多, 自己聯賽變得更加重要.

引用:

原帖由 OrangeFai 於 2008-6-2 04:22 發表
果場我都有睇呀....我好認同你的講法...
雖然rodders的講法都無錯, 意大利的確係極少會嬴對手好多球.
但對澳洲果場, 無記錯的話應該係italy中後段已經要打少一個, 根本就無壓住人黎打的實力.
只係果場令全世界 ...

冇錯, 澳洲果日佔球率係有壓倒性嘅優勢, 但係被浪費嘅機會仲多 - Cannavaro 同 Buffon 係盡顯威力, 但係Kewell 同 Viduka 嘅進攻完全不知所謂. 要知維度卡在2007年前國際賽入球率係39場入6球.

講返國足青訓, 會唔會係因為有領導階層認為中國贏世界盃嘅機會實在太縹緲, 但係喺奧運贏體操金牌就十拿九穩, 所以將D資源擺晒喺後者呢?

引用:

原帖由 claudeyue 於 2008-6-3 00:16 發表

你睇下英超 又或者係舊少少既西班牙

近年既葡萄牙, 或者曇花一現既希臘都算係另一個極端架喇

我唔係話只要聯賽好, 個國家就必然會強盛.
但係如果國家隊想要在世界足壇揚名, 必定要有質素佳, 管理好嘅聯賽.
我相信日本同南韓嘅亞洲一哥嘅地位同佢地有似樣嘅聯賽架構不無關係.
中國如果要成名立萬, 內部架構一定要似樣. 唔係要佢地搞個英超或西甲, 但係至少有一個國家尖子會肯留低效命嘅環境.

到到頂級, 呢個關係可能冇咁可靠. 淨係睇下巴西同阿根廷D聯賽立立亂就知啦

引用:

原帖由 mclpooh 於 2008-6-15 15:50 發表
中國d球員心理質素太差，無球品，你入旺角場睇下就知

anyway，碧基返西甲都好既，我覺得西甲比英超更可以培訓到新人

其實足壇爛仔, 世界各地皆有.
但係又爛又不思上進者, 就謂之「自作孽不可活」也.