引用:

原帖由 Rainybreeze 於 2009-2-3 02:11 發表
有無留意過"保八"呢個詞既來源?

係當年朱總理提出的國家經濟方案. 基於每年大約二千萬勞工進入勞動市場, 國家需有8%的經濟增長方可吸納這二千萬人.

共產黨又點, 其實人民真正需要既為民為國做野既好官.

不幸 ...

94, 95年果時國企改革, 大批大批食慣大鑊飯嘅國企工人下崗
要生要死, 日日有工人上街嘈
唔摺埋嘅國企就銀根短缺, 咩三角債, 連環債一大堆
果時西方咪一大堆中國崩潰論, 李登龜有套中國分崩做七塊論之類
好喇, 到 2000年入 WTO 時
又有人話大陸國企死期到矣
開放外資貨物內銷, 國產貨就冇競爭力, 好快被外資殲滅...
睇吓今日邊個俾邊個殲滅 ?

農民工比以前國企工人有更大迴旋餘地
話哂老家有田
只不過後生一輩唔鍾意種田, 喜歡出外打工, 過吓城市生活
你睇吓中央近年對農村扶持政策
唔係齋吹水架

珠三角果種靠壓榨廉價勞動力, 靠國家補貼能源, 靠污染環境去賤價出口
根本就唔係可持續性
早應該行人止步

幾十年來外間一路睇低中共嘅能力
正如巴菲特話齋 : 潮水退後, 就睇到邊個冇著泳褲

引用:

原帖由 Rainybreeze 於 2009-2-3 20:35 發表

當前的討論重點是事情的嚴峻. 外間之所謂低估中共的處事能力係因為佢地唔知道中央做左幾多功夫. 做幾多野.

近既可以睇到, 但係好低調, 東莞成立了商管巡邏隊, 日日匯報, 任何一間工廠出問題, 市政府馬上知道, ...

有咩嚴峻得過一夜之間, 成間屋變一堆石頭, 父母突然雙亡, 或者自己冇咗隻手冇對腳 ?
幾個月前汶川地震就係咁, 災民 - 係一無所有嘅災民, 數以百萬計
家吓 d 部份農民工只係冇咗份工, 唔係家破人亡, 又唔係走入絕路
唔通因為入城搵唔到工做就要攞鋤頭去起義 ? 去搏命 ?
中國人傳統吃得苦果種韌力仲未消失 - 汶川班人證明咗俾我地睇

好多廠佬覺得橫掂生意難做, 拖落供應商大筆數, 工人糧唔出, 拍吓籮柚就走
呢種情形香港茶樓餐廳就最多咁情況
問題係班工人筆工資要由地方政府孭起
唔係就釀成社會事件
俾著你係東莞政府你都要防班廠佬爛尾啦
莫講班廠佬, 華爾街班 banker 佬咁富貴
咪又係左手收政府救市資金, 右手就出花紅, 豪裝自己辦公室, 出入私人飛機
爛數就由阿公諗掂佢, 天下烏鴉一般黑

大陸出口貨佔大部份都係生活用品,  walmart 果種大眾化零售商品為主
家吓全世界喊窮
最受打擊係高中檔消費品 - 紅酒, 鵝肝醬, 賓士, 寶馬, 高端手機, 高端電子產品, 化妝品....
日常用品衣褲鞋襪, 牙擦, 毛巾, 學生用嘅文具.... 最多慳住用, 冇可能唔用
越窮就越要用平價貨
美國佬/ 歐洲 d 平民唔通仲去用歐洲嘅衣褲鞋襪等貴價日用品 ?

薯仔要用 7000億美元救華爾街 (用咗一半)
奧黑就話要 8000億, 轉吓頭又話要 9000億
過幾個月肯定又話要幾多萬億先夠
中國有咩本事去救美國 ?
睇怕要上帝先可以救美國
美國壇嘢太複雜, 變數又多, 一言難盡