草菅人命, 見錢眼開的香港船東

被俄國邊防軍開火攻擊嘅新星號係香港船公司吉瑞祥（香港）有限公司所擁有
據公開資料, 新星號因涉及走私劣質大米入俄羅斯而被俄方扣押不准離境
由於事件涉及非法活動, 而船隻又非中國官方財產
所以船東一直冇向中國領事館通報或尋求協助
上星期扣押事件仍未解決, 香港船東突然下令新星號 印尼籍 船長不理俄方扣押令潛逃
俄方邊防軍發現後追截
船東再次明令船長強行闖關 ( 通訊被俄佬截聽到 )
香港船東藐視俄佬當地法律, 下令船長冒邊防軍開火危險下意圖衝出公海
白痴船長又妄顧船上船員生命安全去闖關
據昨日鳳凰衛視記者報導, 記者欲採訪香港船東
卻發現船公司香港註冊地址根本冇呢間公司
- 疑中留情, 可能已搬遷而公司註冊署未更新資料
但公司聲稱上海地址, 根本唔存在呢個地址 !

大陸國安局應該插手調查呢間香港船公司究竟係咩背景  
夠竟係為咗逃避俄佬罰款而下令新星號船長潛逃 ?
定係有意搵船員做砲灰去挑起兩國糾紛 ?

引用:

原帖由 一枝公 於 2009-2-21 20:30 發表
新 星 號 船 主 吉 瑞 祥 昨 天 發 表 聲 明 ， 指 新 星 號 是 他 們 2006 年 從 浙 江 通 宇 公 司 租 賃 經 營 ， 為 了 經 營 方 便 ， 將 原 船 名 由 「 鑫 通 宇 108 」 改 為 新 星 號 ， 並 懸 掛 非 洲 國 ...

盲毛黑乜都唔識學人講國際法 ?   

香港有海事署, 你可以去查吓
船隻入人地港口後, 停喺邊係由當地海事部門指定
由當地合資格領航員帶路, 香港以前叫呢 d 人做帶水
泊位之後想移開隻船就算幾十呎, 都要向海事署預先申請
莫講話要離開港口, 你估話走拍吓籮柚就走呀 ?
何況隻新星號仲有扣押令唔俾佢走
有經濟糾紛就向法庭申訴
船東可以向法庭申請交付擔保金俾隻船先走
如果係刑事罪行, 全船人唔可以離境等法庭判決
船隻未經港務海事部門許可就擅自離港, 已經係嚴重罪行
更何況喺人地領海內, 人地執法部門或軍方有權要求任何船隻停航接收調查
情形就似香港警察有權喺香港境內截停任可疑人接受調查, 理得你係外國人定本地人
一國邊防軍連呢個基本權利都冇, 點去保衛領海安全 ?

上次嚟香港示威班韓農俾警察周入去拘留所
如果韓國領事好似你咁法盲, 衝入警署強行帶班韓農走
再衝去碼頭上韓國貨輪, 啋你班香港警察都傻, 唔理海事署批唔批准就要開船走, 睇吓點 ?

仲有呀, 隻船掛塞拉利昂國旗, 唔係掛五星旗
人地老共家下係嘈緊中國船員問題, 隻船關老共叉事
船東係香港唔知乜叉公司
船長, 部份船員係印尼人, 部份係中國船員
老共走私軍事枝術或航天科技用個印尼人做船長 ?
不如搵個美國人做船長仲嚇得吓俄佬啦
用吓個腦先啦
最好叫煲呔去查吓間香港公司
難怪美國佬成日都話香港係人蛇, 毒品轉運中心

引用:

原帖由 一枝公 於 2009-2-21 20:30 發表
況且貿易糾紛應該由俄匪海關處理、為何要勞動俄匪邊防軍？ ...

呢句經典
要 highlight 低　
費事有人側側膊刪除去遮醜