唔係驚報咩仇
唔通中國強大後就對八國聯軍逐個去報仇咩 ?
就算美國咁超強軍力都冇能力同時與八個國家為敵啦
威脅論係炒作出嚟去圍堵中國發展
西方國家將自己嘅行為冠以合理名堂
而事實上西方人心底確有對中國崛起嘅恐懼感
而呢 D 恐懼感來自幾方面
遲 D 再講 .....  

西方世界對中國產生恐懼大致有四個方面 :

文化

中國自秦始皇建立統一帝國後
主要係固守邊彊保護國土, 再無向外拓展意向
中華帝國與周邊小國最多係維持朝貢關係
並唔會有殖民地統治呢種構想
其時西方一堆日耳曼野蠻部落猶在北歐半島互相廝殺
其後向歐洲其他地區蔓延掠奪
歐洲文化係強盜文化, 絕大部份領地資源財富均來自掠奪搶劫
佢地崇尚弱肉強食森林定律
呢種文化一直延續至今
所以西方人恐懼中國一旦國力強大
就會進行西方傳統嘅掠奪搶劫行徑
- 當然成吉思汗建立嘅帝國亦深留佢地腦海
- 佢地以為呢種遊牧文化亦係中華民化
佢地認為有朝一日中國強大到佢地唔能夠抵擋時
佢地會淪為中華殖民地

軍事

世上所有話事權建立在軍事實力上
上世紀二戰後形成兩個超強軍事集團對立
內戰後以中國國力要對抗是但一個超級強國本來係螳臂擋車
但偏偏老毛就膽大包天先單挑美國為首十六國聯軍,於韓戰大打出手
其後撐北越同美國再硬撼
美國於此兩仗都撼到灰頭土臉
老毛先同蘇聯反面, 再借珍寶島事件硬打一仗
冷戰期內世上冇任何一個國家夠膽獨力單挑兩個擁有數以萬計核彈頭嘅超級強國
老毛就做到, 用軍事行動話俾兩強同全世界知 :
中國唔怕你超強, 亦唔怕同你打 !

所以戴卓爾夫人挾福克蘭群島勝利餘威去北京傾香港問題
老鄧輕描淡寫話 : 我地中國窮就係窮 d, 但唔怕同人打仗
言下之意 : 美蘇兩國我地都敢打, 你英國有幾多斤兩, 自己秤秤啦
嚇到戴太仆落人民大會堂梯級
中國發展到今日, 以經濟實力支撐嘅軍事實力跟韓戰越戰時比較如何
美俄自己心中有數
試想當年連飯都食唔飽時嘅中國都打唔低
今日身強力壯時點打 ?

戰略

世上捱得起核戰而能倖存落嚟嘅國家起碼要符合三個條件 :
有核反擊能力, 國土要大,有足夠戰略縱深, 人口夠多 –
就算死一半人口都剩餘足夠數量重新建設國家
於是世上只有美, 中, 俄三國符合條件
歐洲以整國歐洲計國土夠大, 但冇核打擊能力, 只有捱核彈嘅份
人口加埋都未夠中國一國多
俄佬得一億多 d 人口, 連中國零頭都未夠, 又短命, 人口負增長
你話佢地驚唔驚 ?

西方價值西洋鏡

上世紀基本上兩種社會制度之爭 – 共產主義同資本主義
蘇聯解體後本來勝負已分
世方世界屈指算計認為中國進入崩潰倒數計時
所以甚麼中國崩潰論, 岩里正男嘅中國七塊論滿天飛
美國一超獨大語無倫次, 加油添醋泡製咩自由民主普世價值   
腦殘含洋民主植物人如癡如醉有如啪丸咁 high
high 還 high, 現實歸現實
首先港台兩地腦殘民主植物人發覺自己好似滾水淥豬腸咁
一邊 high, 一邊發覺自己產業空洞化, 地位邊緣化, 競爭力有如細路仔玩周周咁
而美國死吹爛吹咩自由經濟, 金融創新…..
終於 2008年泡沫爆破, 金融帝國轟然倒下…
最攞命係底牌揭出, 原來所謂繁榮先進講到尾即係靠賒靠借靠呃靠搶
香港幾十年前老掉牙一套詐騙無知低下層市民嘅種金騙術
竟然出現於華爾街 – 麥道夫, Sir Allen Stanford….
以後再吹咩自由經濟, 公平公正乜乜七七仲有邊個信 ?
一路以來西方最怕自己靠吹嘅價值觀被拆穿
今日終於變成現實

引用:

原帖由 無神論狂徒 於 2009-3-13 16:06 發表
你呢幾篇回覆我會儲起佢，因為唔錯∼∼
其實中國古代有少數帝王都有向外拓展版圖，例如商紂，但的確為數極少，古代帝王多數都係你不犯我，我不犯你，你搶我，我就打到你落荒∼∼曾幾何時漢武帝把匈奴打到落花流水逃 ...

商紂時代剛脫離部落文化
國家此觀念尚未強化
而到漢朝國家體制已完善
所以漢元帝時奇將陳湯遠伐匈奴
奏疏上出豪言 :  ......臣湯將義兵，行天誅，賴陛下神靈，陰陽並應，陷陣克敵，斬郅支首及名王以下。
宜懸頭槁于蠻夷邸間，以示萬里，明犯強漢者，雖遠必誅！

注意係 " 犯" 強漢者
不犯我者, 我不誅你
呢 d 就係中華傳統文化

另外再補充 :

西方世界幾百年來持住船堅砲利
獨佔地球大部份資源
自己食得肚滿腸肥, 卻唔想有人爭奪
當其他落後國家經濟進步, 買得起資源時
西方世界就視為威脅

舊年初糧食價格飛升
大家應該仲記得食米價狂升
香港班師奶撲去超級市場搶米
德國總理默大媽默克爾就咁評論世界糧食價格飛升 :

“主要原因是‘發展中國家十分不健全的農業政策 ’。

她在薩克森州福萊堡市舉行的（世界/德國）第一座第二代生物燃料精煉廠的落成典禮上如是說。
（她還指出，）另一個原因是對發展中國家飲食習慣的改變 沒有足夠的預測。
“比如，現在有三億印度人一天吃兩頓飯，”莫克爾說，“和以前相比突然間雙倍的食物被消耗掉，
再加上十億中國人開始喝牛奶，這當然會改變我們的牛奶和其他（食品）的消費比例。”
這位基民盟領導人在談到歐洲農業市場的時候說。

默大媽心目中阿差哥們一日只應該食一餐飯
唔知差哥聽到有乜反應
我覺得中國人唔飲牛奶就冇乜所謂
有一日三餐都 ok  

[ 本帖最後由 飛毛腿 於 2009-3-13 18:28 編輯 ]

基辛格講過 : 控制了石油, 你就控制了國家, 控制了糧食, 你就控制了人類..
控制了貨幣，你就控制了整個世界 !
美國佬嘅邪惡滅絕人性用心超乎你想像
咩重視生命, 人權, 普世價值....
係一班腦殘含洋腸奴才當係真理咁含喺口中

你有時間的話, 介紹兩本書你睇
1. 石油戰爭
2. 糧食戰爭
作者係美國經濟學者, 但搬去德國居住
威廉•恩道爾 (F. William Engdahl)

繁體係台灣翻譯出版, 較貴
簡體係大陸翻譯, 較平

你站在美國人立場, 佢地執政者為自己國家謀取最大利益係理直氣壯
佢地向全世界掠奪剝削令自己國民吃香喝辣, 大唱民主自由普世價值讚歌
福街果時當然冇得賴, 係你地自己選出嚟嘅政府喎, 好景果時你地冇份嘆咩 ?
好少話好似台灣班政客(香港都係) 咁腦殘, 終日只為意識形態而自己狗咬狗骨
特別係陳死扁果亭人根本從來唔會考慮國家利益

美國做為世界大哥大, 手握印銀紙權
印銀紙只需要用油墨紙張, 成本使幾多 ? 但成噸成噸美鈔印出嚟
攞去全世界買石油, 買衣褲鞋襪玩具汽車….
賣嘢俾你果個仲要睇你面色, 當你大爺  
你話幾咁過癮
但坐上世界權力頂峰寶座, 即係世界其他國家一係你敵人, 一係你競爭對手
稍有實力嘅國家, 有邊個心甘情願日做夜做幫你打工, 收取微薄薪金 ?
例如歐盟, 俄羅斯就絕對唔甘心喇
中國就唔聲唔聲埋頭苦幹, 博命儲錢壯大自己
但美國佬心中清楚, 個個都盯住佢呢個長年累月白吃白喝嘅世界霸主
有人想取而代之, 有人想同佢平起平坐, 有人想掙脫佢嘅遏制….
舊年 , 2008 就係精彩嘅一年
本來美國佬慣於玩各種挑撥, 離間, 打壓, 點火頭, 威嚇甚至戰爭等手段
但今日自己國力日漸下降之同時, 其他國家國力亦今非昔比 – 特別係中國
中國力量壯大, 對原有世界平衡格局產生巨變
美國唔會甘心放棄世界霸主權力
於是你見到歐亞非中東等甚至南海, 處處出現美國身影
但世界平衡狀態有變後, 美國唔再係咁得心應手
花費巨大力氣同各對手周旋其實係一點一滴咁消耗緊自己國力同精神