引用:

原帖由 無神論狂徒 於 2011-2-8 10:38 發表
個遊客肯定身有屎啦~
走去打交∼當香港乜嘢地方∼你唔打都可能冇事∼

唔係下話﹐連你都會講呢 d 咁昂九說話 ?   
出錢旅遊﹐俾帶街困晌珠寶店兩粒鐘
唔買嘢就單單打打冷言冷語 - 我已經算佢冇破口大罵
咁叫身有屎  ?

個大陸佬起碼高過條帶街婆一個頭
有心丙佢絕對可以打到佢腦殘兼變豬頭
家陣只係郁手郁腳最多罰佢兩個人一兩千兼守行為
後果肯定俾大陸電視台、所有傳霉噴到全國都知
人地大陸旅客滯留埃及﹐大陸都派八架專機去撤僑
嚟香港旅遊竟然惹出官非 - 唔係偷唔係搶﹐因為唔購物俾人鬧 ！
我睇特區政府點交代 ?
間旅行社肯定俾旅遊業議會狂壓佢含含聲賠 d 錢俾幾個大陸遊客去大事化小

你自己行埋一邊玩周周啦
去啦   

好多港燦都有跟團去泰國玩嘅經驗
帶街佬帶班團去到間紅寶石 "工廠"
起碼整色整水帶你地參觀吓工場加工
然後就去櫃檯再參觀選購製成品
冇興趣嘅人就行出門口煲煙
邊有話規定你要踎晌裡面兩粒鐘先可以出嚟
又帶你去蛇園
係咪都先整條大蛇同隻貂鼠大戰一場俾團友過過癮先
再去賣蛇膽丸、蛇皮手袋銀包櫃檯聽售貨員吹
冇興趣嘅又係行出門口煲煙等

有幾何聽到港燦團去外地會被迫購物 ?
更唔會話唔買嘢都要踎晌裡面兩粒鐘
如果同樣情形發生晌香港旅行團身上
睇吓班口水佬口水婆唔吠到政府福佳就奇
今時今日﹐港團去嘅地方有邊度冇大陸團去 ?
埃及撤橋都要八架專機﹐其中只得幾十條港燦
去法國狂掃 LV 係大陸團唔係港燦團
未聽過其他地方有迫大陸團購物嘅
幾時聽到歐美加澳要大陸團購物﹐唔購物就喊打喊殺燒數簿 ?
係香港咁衰到貼地
真係唔死都冇能用

我一向都話香港傳霉係弱智白癡集中營
班傳霉佬傳霉婆係受過高等教育中最低智商嘅一群智障者
持住自己掌控住宣傳機器就表演自己嘅低智商
好似果日單帶街婆事件
採訪個鹹蝦燦帶街佬 - 佢係接手帶街婆帶果個團嘅
-  其實佢同件事毫無關連﹐都唔知訪問佢聽佢鳩噏做乜七
佢話 : 大陸人嚟旅遊﹐起碼要買嘢對香港做出貢獻....
我一聽就小佢頂帽﹐就冇搞卵錯 ? 呢D 白癡言論都當新聞播出嚟 ?
明擺著係火上加油﹐挑撥大陸人更仇視香港
條鳩公帶街佬冇文化又冇乜腦﹐講呢 D 歧視性論調毫無代表性﹐係只係個人白癡思維而已
但將佢嘅鳩噏黐埋落單 CASE 度就引導成某 D 香港人 "民意" 係咁諗
你大陸人落嚟旅遊係有義務要貢獻 - 你話係咪杏加橙專登火上加油 ?
電視新聞嘅效果就係洗腦式將呢種 "訊息" 塞入你個腦 - 你根本嚟唔切思考﹐畫面已經轉去第二個訊息
香港班福街杏加橙電子傳霉由朝到晚就係玩呢種資訊洗腦

[ 本帖最後由 飛毛腿 於 2011-2-8 23:15 編輯 ]