唔駛講邊個
今日住豪宅嘅湯家驊
童年時靠老豆一份微薄薪水養起一家五口
住晌一間幾十平方呎板間房  -  今日竟然叫 "劏房"  

引用:

原帖由 KMY89 於 2011-8-30 22:34 發表


當時有個電話就好巴閉啦 ..
我細個果陣 日間係太子道條馬路中間打羽毛球，半日都無部車
火車軌係可以隨便行上去既
而家變肉醬都似   

以前住太子道嘅係非富則貴   
就算今日都算係中產人家
以前羽毛球拍唔係普通人家買得起或者捨得買   

引用:

原帖由 fighterplane 於 2011-8-30 18:52 發表
以前個年代， 周圍都係窮人，
都無話伸手要政府要個樣呢樣，
如果申請到間公屋都開心到不得了。
我以前都係一家六口住一個閣仔，
我同細佬都係打地舖。
有二餐飯食，有書讀，
天氣熱就去市政局圖書館打躉，己經 ...

睇番吳楚帆白燕果 d 粵語殘片
教書先生挨到肺病吐血
包祖婆催交租要趕佢哋出去瞓街....
就算去到許冠傑嘅七十年代
仲係唱  " 我哋呢班打工仔..... "
圖書館？ 有書讀？
仲話課外活動添......  

今日嘅標準
細路課餘冇得學芭蕾舞、冇得學鋼琴、小提琴、繪畫....
暑假冇得去遊學﹐未去過迪士尼公園....
就係人間悲劇
問題係﹐今日 d 小童真係比以前窮日子 d 小童快樂？
港燦也好﹐港產不學無術專家也好
都一口咬定社會進步嘅標進就係以物質生活嚟衡量
以前 d 細路就冇咁快樂幸福 :

引用:

原帖由 無神論狂徒 於 2011-8-31 13:45 發表
以前係窮~生活壓力大~但多數都叫準時放工~
生活節奏慢過今日好多~
以前同人傾生意合約,礙於科技問題,一單生意有排傾,出封信,要過幾日先到手,再等幾日先有回音~

以前生活壓力比家陣壓力大？
以前 d 人會個個非要做業主不可？有人日夜喊生喊死買唔起樓？
以前 d 人有家陣 d 人咁暴燥？有郁 d 就當眾發爛炸？
以前家長有去撲名牌幼稚園？
以前有份穩定工作已經心滿意足﹐學得一技之長已經唔怕餓死
唔係咩高科技之長喎
可能係整點心、修理水喉電器、熟手車衣....

引用:

原帖由 KMY89 於 2011-8-31 14:07 發表


我打波遮 ... 冇話住係度 ...
羽毛球拍唔貴，去中僑有得買   

我連乒乓波板都買唔起
每次走入去國貨公司都望住 d 名牌波板幻想一番
羽毛球對我哋嚟講簡直係貴族玩意