小布殊生安白造咩大殺傷力武器罪名直取伊拉克
斬瓜切菜般攻入伊拉克﹐生擒薩達姆﹐送佢上絞刑架
呢件事證明地球上根本冇公理﹐人哋拳頭大就可以為所欲為﹐完全弱肉強食
對付伊拉克方法可以照辦煮碗對付利比亞﹐人哋隨時大喝一聲 : 卡達菲秘密發展核武﹐打！
諗到呢度﹐卡達菲嚇到腳都軟
佢有個仔晌英國受高等教育﹐得到倫敦政治經濟學院博士
呢條友叫賽義夫﹐近幾個月新聞裡成日聽到呢個名
佢獻計俾老豆
: 早 d 向世界老大投誠﹐免得老大打完伊拉克後得周閒冇嘢做
諗吓諗吓順便打埋利比亞﹐我哋打又唔夠佢打﹐到時就陷包散
其他人講﹐卡達菲未必信﹐但賽義夫係自己個仔﹐冇理由靠害老豆 – 咁做佢冇好處
而且佢學歷高見識廣﹐聽落又有道理﹐鬼佬咪有句格言
: if you can’t beat them , join them.
於是乎卡達菲宣佈放棄核計畫﹐放棄擁有大傷力武器
交出所有機密武器圖紙﹐邀請西方到利比亞核查所有軍事設施、軍事基地
為向美國遞投名狀﹐取消同俄羅斯所有軍事合作計畫﹐取消武器購買合同
轉而跟法國合作﹐原有晌蘇聯時代購買嘅防衛系統全部作廢
法國佬以幫助利比亞建立新防衛系統為名﹐摸清所有軍事設施同防衛體系
收咗錢又遲遲唔交貨﹐交就交一部份﹐關鍵部件就欠奉﹐根本就唔能夠操作
結果係利比亞成個防空系統就真空
為加強向西方投誠態度
國家外匯就存放歐美銀行
結果係歐美一反面就將利比亞所有財產一網打盡
重溫一段舊聞就可以明白卡達菲當時點樣狂舔美國佬屁股
: 引用:
2005年01月26日 13:50
中新網1月26日電 據韓國聯合通訊社報道，正在利比亞訪問的韓國外長潘基文25日透露，利比亞領導人卡扎菲呼籲朝鮮和伊朗借鑒利比亞的經驗，放弃發展核武器以及大規模殺傷性武器的决定，尋求更大和平。
卡扎菲此前也曾發出類似呼籲，但是朝鮮方面作出了消極的回應。而伊朗近來則表現出更多合作的意願，承諾將接受聯合國核查人員對其核設施的調查。
潘基文26日抵達了利比亞，與卡扎菲進行了40分鐘的會晤。潘基文援引卡扎菲的話說：“朝鮮核問題是一個嚴重而危險的問題……朝鮮和伊朗應該效仿利比亞的做法，放弃核武與大規模殺傷性武器項目。”
卡扎菲還表示，如果朝鮮願意放弃其核武計劃，國際社會將幫助朝鮮更好地利用原子能。
