唔明你怕乜膠？唔通老兄係地產商？
就算將八萬五起個孖變十七萬
到時假豪宅大平賣都唔關你事﹐你分分鐘可以好似沙士時50皮執個德福花園單位過過業主癮
上次八萬五搞到神童輝要燒炭﹐十七萬最多搞到咩四叔五叔身家縮水
如果老兄揸住十幾個單位收租就放減 d 減低風險囉
你怕佢哋會取消綜援？怕佢哋會將公務員人數壓縮到 10萬？
定係怕佢哋限制炒牛熊證、窩輪？或者禁止大陸人來港自由行？

除此之外﹐我諗唔到你怕乜？
講出嚟大家度度佢   

引用:

原帖由 polonixm 於 2012-3-23 11:06 發表
唐豬有今時今日,邊個比佢....係佢伯爺.官仔骨冇有怕.至多吳撈.梁狼  "        "      ,     "         ......係北方阿爺,打仔壞命一條,吴信佢会為HK.

咁就要洗耳恭聽
點樣先為之 "為 HK" ？
講幾個政策見識吓

引用:

原帖由 polonixm 於 2012-3-23 11:06 發表
唐豬有今時今日,邊個比佢....係佢伯爺.官仔骨冇有怕.至多吳撈.梁狼  "        "      ,     "         ......係北方阿爺,打仔壞命一條,吴信佢会為HK.

仲有﹐煲呔老豆一早就賣鴨蛋
家勢跟顯赫權貴冇半條毛關係
佢自己仲係大英爵爺﹐同大陸佬冇咩交情
邊個照佢上位呢吓 ？

引用:

原帖由 Rainybreeze 於 2012-3-23 18:51 發表


道聽途說, 重慶作國家軍火庫, 30%的國家軍火都存於重慶.

薄熙來用了 7,000億債務, 使重慶人民生活突然富庶, 生活無憂. 大唱紅歌, 中央電視台, 不可買廣告, 只可作官方喉舌. 真係幾有紅衛兵色彩.

有無留意, ...

重慶唔係軍火庫亦唔係軍事重地
勃起來舉債只係約 2700億人仔左右
唔賣商業廣告係重慶衛視﹐中央台唔受地方政府管轄
但勃起來嘅做法係不可持續﹐正如香港冇可能年年派 6000蚊俾每個市民
佢咁做只係博取個人威望以進入政治局
當然對老百姓而言唔理你做騷定乜﹐總之利民舉動就受歡迎

雲集北京嘅港台外國記者多如狗毛
有乜依郁早就嘈到全世界都知
更何況以百計外國使館所在﹐你點禁止到外國使館人員跟外國聯絡發佈消息？

你所聽返嚟嘅講法估計大部份係源自如喪孝妣嘅大陸左憤
佢哋以為大陸會向左轉﹐甚至好似文革咁清算班財主佬
到時佢哋就衝入有錢佬屋企抄家﹐放火燒法拉利燒勞斯萊斯....
拉班官同有錢佬去遊街跪玻璃
所以老溫就話有班文革餘孽點點點
家下文革夢碎﹐於是就滿腔怨氣﹐加上憤青特點係腦殘﹐一犬吠影就百犬吠聲
有心人就扮作憤青造謠煽風點火﹐希望潑起一班國產班加西出嚟做反對派
一有反對派﹐歐美就有機會大造文章 ~ 參考利比亞同敘利亞

至於解放軍點點點
港燦記者先幾年就有機會親自近距離接觸
汶川地震果幾日唔少港記跟住解放軍衝入災區
我記得 TVB 有個女記者仲跟住解放軍徒步行咗 9 公里入映秀鎮定係邊度
後來仲有有線記者之類晌信報寫過文章回憶跟住解放軍入災區
其他就乜都唔駛多講

對解放軍最瞭解首先當然係當年國民黨﹐不過瓜得都瓜哂
其次就係美國佬
你咪睇美國殺入伊拉克同阿富汗斬瓜切菜咁
你叫美國佬派兵殺入大陸﹐除非打核戰﹐否則打死佢哋都唔肯
有人梗會吊高我吹水唔抹嘴﹐收咗人仔同大陸佬宣傳咁
咁你咪計吓數﹐北約殺入阿富汗要15 萬大軍~ 打足 10年
殺入中國大陸要幾多兵力？塔里班仲係冇飛機冇坦克百冇 - 唔好計核武器先嘞

如果好似你聽講嘅軍佬可以用錢搞掂
美國佬要幾多印幾多﹐一千億夠唔夠？唔啱三千億啦夠未？係美元喎

引用:

原帖由 恭喜 於 2012-3-23 19:31 發表
中聯辦屬胡系團派而港澳辦屬江系太子黨利益集團

究竟边个至係代表中央架

一边叫投 》唐
一边叫投 》梁
投唐又唔得，投梁又唔得，
不如投晒比 》何

中央只係一個傳說   

引用:

原帖由 Rainybreeze 於 2012-3-23 22:38 發表


飛哥, 咁, 二月一日起, 深圳最低工資一千五大人, 連補貼, 五保一金, 差不多二千六.

重慶最低工資--六百. 所以早前去左重慶走左唔少轉. 作為一個內陸市, 重慶開發得相當唔錯.

小不免, 收到D道聽途說.

道 ...

據講成都果邊就有好多軍事重要設施
最新嘅四代隱形戰機 J20就係成飛傑作
甚至傳聞有核設施
不過﹐中國版圖唔算細﹐唔會將雞蛋放晌一個籃

米國佬打入巴格達點解好似逛商場咁輕鬆
據講之前早派特工買通唔少高層將領
班將領度過橫掂都打唔過英美聯軍 - 早晌老布殊海灣戰爭時都領教過
白白要班手下為薩達姆去送命而最後都係一鑊熟
都係順手發財好過

而解放軍呢﹐近廿年都未打過仗
不過1996年抗洪﹐汶川地震救災都唔會比打仗輕鬆
再用舊年日本海嘯後班自慰隊表現比較一下
就會明白好多嘢

引用:

原帖由 polonixm 於 2012-3-24 15:49 發表
老懵董冇牌駕車,害人害己夾累到阿爺R光半個頭,當時火燭鬼,Scout彈彈 當奴係唯一選擇.
技術官僚一名矣,佢伯爺就算今日重健在同佢當年能成凸手與否風馬牛不双及.
今看商人治港抑或X-factor治港....:jump ...

技術官僚治港唔掂﹐商人治港或X-factor治港又唔掂
咁咩人治港好呢？
你始終都冇講到你怕乜？

引用:

原帖由 KMY89 於 2012-3-24 20:00 發表


據聞當年當奴逢周末上深圳向廖暉報告，大班日日開咪插，最後領滙一招幫老董收皮
捧佢上是當時真係無人，粉蟲又被當奴爆料玩完

報紙當大把呢種堅爆內幕雜誌  
煲呔咁有後台撐卻連退休後去深圳租間屋嘆吓晚年都胎死腹中
呢個後台真係......

話時話廖暉有幾大權有幾高級？
勃起來粗粗地都係中央委員
廖暉高唔高得佢？

引用:

原帖由 polonixm 於 2012-3-24 23:19 發表
對3毫子彈琴.今天好日

你不如講嚟聽聽你開個題到底係怕乜？
怕香港地震定係海嘯？抑或係咩？

引用:

原帖由 KMY89 於 2012-3-25 00:33 發表


而家當奴個後台可能無左力，落難鳳凰不如雞

有些位高權不重，有些權重位不高，想當年老霍在南沙都被地頭蟲玩到謝

廖某是政協副主席，屬國家領導。

老董同何厚華都係政協副主席，屬國家領導