我新來的，雖然好努力睇返以前的post，但係都只係睇左四成左右。

我前個星期六去玩過(咪就係我個id堆數字)，囡囡無用套同我吹，做時有帶袋。

之後個星期五，夜晚響屋企打飛機時，覺得JJ有少許痛。第二日仲大鑊，開始流膿，痛楚增加了少許。我即時意識到中招，上網睇資料，估自己中左淋病。想搵醫生，但第二日係禮拜日，好多醫生唔開工，我只係搵到一間黃埔德民街姓譚的醫生星期日都開工，我咪第朝即刻仆去睇佢囉。

入到去，話俾佢聽症狀，佢睇睇我JJ，就話，係淋病啦，打支針，開十日藥俾我，之後返去覆診。佢臨尾加句，中得淋病，都可以中其他，叫我三個月後去驗血。

打左針，食左兩日藥，已經無再流膿。

我仲係單身，無女友，同屋企人住。知道中左招，睇完醫生後即刻去屈臣氏買左幾條底褲。去做運動時換，運動完後，用件俾汗沾濕哂o既運動衫包住條乾淨底褲拎返屋企，當條未著過o既底褲係條污糟著過的底褲，如是者過左兩日。

似乎因為發覺得早，淋病的情況受到控制，希望食完藥去覆診可以清左呢瓣先。但係而家就好驚仲有其他，最驚就係愛滋。

呢兩日自己走去上網search愛滋早期的病徵，有發燒、咳嗽、持續肚瀉、夜汗、疲倦、喉嚨痛等，咁我上星期六發淋病時真係有少許燒，至於疲倦，又真係有，但係平時都係咁上下；我本身大汗，今朝起身有汗出，我又驚一餐(不過可能平時都有，但唔覺)。肚亦經常有點微痛，好彩去玩之前一直有喉嚨痛，但係玩完之後兩三日反而好返而家無事。而家成日疑神疑鬼，但係離開三個月空窗期仲有成80日，都唔知點捱。

可能各位師兄會話我無知，但我真係咩都無咁驚，最驚愛滋。我甚至做好最壞的心理準備，就算中左愛滋，好好調理都仲有十年八年命...希望咁樣諗，可以容易o的幫我撐過呢80日。

而家當然唔敢去玩，而且亦都覺得將來都唔敢去玩。但係睇返以前o既post，見好多師兄初時中招都會好似我咁諗，但係之後都係會忍唔住。希望我真係可以忍得住啦。

以前都好多時無帶套吹，因為未中過招，所以反而未驚過。而家中左一樣，就識得驚。

[ 本帖最後由 080517regret 於 2008-5-27 19:14 編輯 ]

多謝兩位師兄回覆。

呢兩日好努力睇舊post，由尾睇返轉頭差唔多睇左一半，但發覺咁樣睇好辛苦，加上又已經搵到Dr. HO的資料，所以今日就由頭睇落黎。

曾經有位Remyt師兄講佢的情況同我好相似，後來好似無乜點再見到佢，可能係好返喇掛。希望我都可以好似佢咁好彩啦。

呢幾日，心情波動好大。有時可以好積極咁面對，但係往往只能維持唔夠一個鐘，其他時間都係擔心多。睇左咁多post，令我心情好返o的。

見咁多位師兄講Dr. HO咁好，我都想去搵佢睇睇。不過就時間上想問下各位師兄意見。

我上星期日去左黃埔德民街搵位譚醫生(因為上網找，星期日一早就開門的，只搵到佢)。佢俾左十日藥我，應該係6月4日朝早先會食完最後一服藥。咁樣我應該幾時去搵Dr. HO呢？

(A)而家
(B)等食完哂藥o個晚收工就去搵佢
(C)食完哂藥去返之前o個位譚醫生度覆左診，睇佢講乜先再決定

最後希望各位都快o的好返。

引用:

原帖由 nowhereman 於 2008-5-28 12:31 發表



梗係要食哂D藥先, 抗生素一定點都要食哂成個療程, 如果唔係D菌多樣抗藥性就麻煩
一般黎講淋病斷倒尾, 唔駛太擔心

多謝師兄提醒。我講得唔係太清楚，sorry。藥我一定會食哂的，其實唔只呢o的病，以前感冒睇醫生問清楚佢俾o既藥有無抗生素...

但係諗清楚，我都係去返譚醫生度覆多次診先。因為藥可以拎埋藥袋去Dr. HO度，等佢知我食左咩野藥、咩野份量，但係之前打左支針，我就唔知係乜。

確定中左招到而家都係幾日咁大把，我就無咩野可以分享喇。唯一可以分享就係做咩野可以分自己心神唔駛成日諗住個病...

我平時都幾鍾意打機的，琴晚收工特登去買左隻新GAME，諗住返屋企打機等自己有點專注，點知完全唔掂。反而後來求其開隻日劇黎睇，又可以專注到，令我暫時忘記呢o的麻煩野。

初初中招的兄弟，如果想阻止自己成日胡思亂想，可以參考一下，搵o的劇集或者電影黎睇，至少可以舒緩一下緊張的情緒。睇完之後再擔心過，都好過連o個一、兩個鐘頭鬆馳時間都無。

引用:

原帖由 danielma608 於 2008-5-28 14:50 發表


兄弟加油... 我都好鐘意打機既 不過呢兩個星期真係提唔起勁.....隻gta4放埋左一邊好耐.....

講開提唔起勁...我以前o係街見到個靚女著得性感少少，我都會偷偷地望多幾眼，有時仲忍唔住有少少反應，要急急諗其他野...

今朝，去買麵包時，又見到個著熱褲的靚女，但係真係望都無乜興趣望多眼，反而仲提醒左我而家有病未好添。

戒玩真係幾難...

證實中招到而家未夠一個星期，而家連藥都未食完，琴晚發夢就夢見上141搵囡囡

引用:

原帖由 BLACK_SARENA 於 2008-5-30 13:40 發表


師兄...
自己搞掂把啦...
想好返真係不好去玩住啦...

多謝師兄意見。

其實呢幾日，自己搞掂都戒埋呀。始終未好返哂，JJ都應該要休息下，所以唔想佢咁操勞。

將來...我都好希望可以戒絕唔玩。所以報紙風月版、討論區風月版都無再去咯，費事睇見人地o的賽後報告點好點好又心思思啦。

不過意識清醒時可以靠自己去避開誘惑，但係發夢就唔係自己控制得黎。

而家只係希望快o的好返，咁我會獎勵自己買隻好野，返屋企邊睇邊打個愉快的飛機。

我早大半個月前黎過，之後一直都有黎睇下post，都唔係唔想分享，但真係唔知講乜...皆因，暫時我只係乖乖食藥，日日留意情況，同埋等夠期去驗血，都無乜特別野可以分享。Anyway，就講下我而家的狀況啦。

希望我個病真係好似我睇o個位醫生咁講只係淋病啦。

我第一次去睇，俾左10日藥我，第3日已有明顯好轉；食完藥去覆診，醫生開多7日藥俾我，話係要黎殺清o的菌。

第二次的藥都食完成個禮拜喇，都幾慶幸JJ無乜野異樣，不過睪丸好似有少少怪怪地的感覺...唔係幾識形容，好似有好輕微的酸軟感覺(其實用酸軟來形容都唔係好似，但又唔係痛、唔係癢)唔知係唔係食抗生素的後遺症。諗住過多幾日仲係咁，或者都去搵十五樓醫生睇下添。

除此之外，就係要等三個月後去驗血。過埋今日先過左一個月，仲有兩個月要擔驚受怕。

最搞笑係，我係響nc惹返黎的，出左事，我第一時間send左SMS俾大班叫佢通知當日招呼我的囡囡去check下。早幾日收到佢電話，我做緊野唔得閒聽...但係後來越諗越驚，驚佢話我知個囡囡驗到有乜大鑊野通知我，於是我拿拿臨搵機會覆返電話俾大班，點知原來係問我幾時得閒上去捧佢場。真係俾佢吹漲...中左招，搵鬼心情去玩咩；而且我更希望將來好返，都可以把持得住唔再去玩。

希望各位師兄都早日康復啦。

[ 本帖最後由 080517regret 於 2008-6-16 18:47 編輯 ]

引用:

原帖由 CandyChung 於 2008-7-11 22:25 發表
各位師兄師姐~~~

雖然有d離提~~~不過都想講俾大家知~~~
我出年2月結婚喇~~~~hehe~~~

恭喜...我諗離少少題唔緊要掛，反而我覺得有o的開心事沖喜下都好。

順便講講近況啦...太耐無黎，或者ching唔記得我出咩野事。我5月17日去玩過，一個星期後發左淋病出黎，食左大半個月藥，一直都唔覺有翻發。基本上我係o係度等8月17日去驗血。

我就無乜點戒口，好在我本來唔食煙，亦好少飲酒，所以所謂戒酒對我黎講係無乜難度。

出左事，除左黎呢度，只係向一個以前同我成日一齊出黎玩的朋友講過。除此之外，就再無講過俾其他人知喇，標籤係一個問題，第二就係呢o的野，我覺得上黎呢度呻下，互相支持已經好夠。親人朋友知道，就算係出於善意的關心，好多時都會o係唔適當o既時間黎問候，有時自己本來心情唔錯，俾佢地提一提，又即刻down返。

到而家只係差唔多兩個月，好難講我將來心癮會唔會再起。不過到目前為止，中過招後，其實都下意識覺得出黎做的女仔會帶住好多菌，好自然就唔會對「玩」有咩野興趣。真係頂唔順，自己搞掂。

最後倒數，離8月17日還有34天。奧運倒數對我無意思，呢個倒數最緊要。

[ 本帖最後由 080517regret 於 2008-7-14 15:15 編輯 ]

引用:

原帖由 stanleysex 於 2008-8-5 22:52 發表


我之前都係睇佢, 好翻好耐之後都再翻發, 應該係佢用藥水問題, 我諗係冷凍會好好多, 深入d殺菌, 藥水係之後用先好既, 不過佢係睇心情既, 時好時壞, 同dr ho唔同, 15/f係一個好好既醫生, 會細心同你講好耐又唔貴,  ...

我出左事都係睇佢，佢係cool D，感覺上無ching們講15/F醫生咁好，但係又唔算係好差。當日我搵佢，係因為我星期六晚先發覺中招，臨急搵星期日朝早會開門的皮膚科醫生，所以搵左佢。不過琴日去再睇佢時，佢貼左紙話遲o的星期日都唔開咯。

過左三個月，我見去開佢度睇，所以琴日都係去返佢o個度抽血去驗，順便再俾佢睇睇條JJ，會唔會有咩野我留意唔到。而家等星期三先有結果，希望無事啦。一個多月前，我諗我開始鍾意左個女仔，但係只係keep住好普通朋友的關係，都唔敢行出多一步。希望個天俾我個機會，星期三之後可以開始試下行出一步去睇下有無機會發展。

呢三個月，都唔駛點樣去忍，自自然然就無再去玩咯。只要諗到佢地o既搵食架生會有幾多菌，我就連舉都無心咯。

最後，都希望各位ching都快D好返。

我出左驗血報告喇，好彩無事。三個月時間，話長唔長，但係等待的時間永遠係最痛苦的，而家總算捱過左。而家知道無事，好似覺得自己重生一樣。

因為我中招的情況唔係太嚴重，更加無咩野經驗可以分享，所以好多時都搭唔到咀，但係剩係上黎睇下，都令到我心情好返少少。

好多謝呢度咁多位朋友。正如你地所講，中左招，真係好難搵人分擔，如果無呢度，我諗我會多好多晚訓唔著。

最後祝願各位朋友早日康復。

引用:

原帖由 ppatient 於 2008-9-8 12:25 發表
各位Brother,

有甚麼方法可以叫自己以後永遠不去玩，因為很怕再有病。

上網真是找不到好的方法！

我中左招好返之後，只係去過飛機場桑拿，但係有ching話呢D都唔安全，我都想戒埋...

雖然我都未成功，但係要戒呢味野，一定要開拓新的興趣。我自己就愛上左行街，唔係行商場o個種，而係行o的郊區或低密度的市鎮。我過左三個月驗完血知道無事o個個晏晝， 就特登走左入上水(我住同返工都o係香港)行左個晏晝。我發覺，多o的感受同親近大自然，甚至可以令人的心情變得好少少。