引用:

原帖由 Sing 於 2009-3-9 23:02 發表
在此期間其生母陳惠瑜突飛往倫敦探望，親口說出馮峰不是她的生父 …..唔係啩！咁傳奇？！

豈不聞「戲如人生，人生如戲」 … 有何異哉怪別耶！

[ 本帖最後由 tangkennis 於 2009-3-10 20:03 編輯 ]

阿寶寶姐 70 年離港赴英讀書前，相信拍了最後一部粵語長片《瘋狂酒吧》。小弟年頭在港買了這隻 DVD 。

相中各位〝小朋友〞臨時演員，想必亦已分散各地了 …

時年二八年華 ，十六歲。

阿寶寶姐後來都參予不少港產片的演出，這套戲大家都記得喇 … 此相中各人其後際遇真的是各有不同，正是人生如戲的最佳寫照呢 …






暫時又吹水到此，晚安！

引用:

原帖由 ali 於 2009-3-11 04:16 發表

八卦一下「據云有人用心不良要作出非常行徑」
是誰用心不良？
衰人要作出什麼的非常行徑？
隱約記得當年阿媽話：全靠鄧shiu堅（唔識打中間個字）出資出力送bobo去海外讀書.....
邊有咁衰父母...，由細到大將個 ...

嘩，咁樣問法點答你好吖！！

好野就話要講個名出哩等大家讚揚吓啫。

嗱，英諺有云: the benefit of the doubt；有疑點的利益要歸予被告吖嘛 … 單憑叔父輩的傳言，又網上的片言隻字，如何入人以「罪」呢？總之「有人」就係有一個人囉 ！！

一個人泯滅良心去做壞事，有很多樣野做嘅，有些人殺人放火、打家劫舍，有人姦淫擄掠、偷呃拐騙，亦有人鑽營賭毒、貴利放數，而更有人販賣人口迫人做火坑蓮 … 言盡於此，各位版友領略得出幾多就得幾多喇！！

[ 本帖最後由 tangkennis 於 2009-3-12 19:56 編輯 ]

後記:

「懷舊綜合候群症」大發 - 越耐以前的事就會越記得 ！！，想起多年前的一件事，寫多幾句以作這段「馮氏演藝一家」的結語 …

查實都唔係好耐，廿零年前倒啫 ！與家母及舍妹去飲宴，好像是師父誕(魯班先師)之類的筵席吧。通常席上都是坐了一班姨媽姨丈的– 姨媽者，是阿媽做女個陣時，打工做工廠妹時所認識的一班金蘭姊妹， 隨後大家結婚生子，我哋呢班小輩一律叫他們姨媽姨丈架。

咁其中有位姨丈愛好杯中物，通常幾杯落肚就會忽發偉論架喇！對答就開始了 …


「你哋知唔知舊陣時阿 XX 佢要賣咗阿馮寶寶落去做 X 吖」。
「你有冇攪錯吖，亂咁噏，飲醉啦你」姨媽答曰。
「乜亂咁噏吖，珍珠都冇咁真呀！」。
「仲唔係亂噏，你話有乜理由會嗰 XX 會賣左自己嗰 X 咁冇良心至得架，呵！」另一位姨媽附和曰。
「乜唔係真吖 … 報紙係咁樣寫架嘛！」
「唏，報紙寫嘅野你都好信嘅」「咁唔係」兩位姨媽齊和議曰。

真是一針見血！！


今時今日在網上看到的故事都係咁樣寫喎，信唔信就見仁見智喇！小弟竊以為事涉至親，其控訴亦有乖倫常，宜慎言也。冇興趣的版友睇完就算喇，有興趣的版友而亦想八卦一下的話，小弟雖行文拙劣，怕者亦想能參透一二吧 ！！再在網上搜索一下是不會困難的…

[ 本帖最後由 tangkennis 於 2009-3-14 07:56 編輯 ]

講完馮氏一家，又要回到前帖 ，講下其餘兩人了。這套戲叫《洪拳與詠春》，1974年制作，張徹導演。梁家仁和王龍威在片中都係初登銀幕之作，感覺非常幼嫩！




[ 本帖最後由 tangkennis 於 2009-3-12 19:55 編輯 ]

「我係契丹人？我唔係契丹人! 我唔係契丹人吖吖吖吖吖吖吖!」嘅家仁哥 …


嘩，好型仔吖 ！！




暫時吹水到此，晚安！

[ 本帖最後由 tangkennis 於 2009-3-12 19:52 編輯 ]

引用:

原帖由 comm 於 2009-3-12 22:42 發表
今次中央台播邵氏戲,猜估這套戲,邊個是男女主角?

圖右下邊的四個字顯出《三闖少林》，小弟沒有看過。又要等高手！

續講家仁哥。

佢有兩套戲小弟好有印像。第一套叫《顛螳螂》，當年上映時報紙登全版廣告吹谷，勁呵 ！相信是他第一部掛頭牌做男主角的功夫片，從此略有名聲已。在外國已出了 Digital Remastered DVD (是英文對白，完全失真，故不買) ，在香港就不見發行港版， 連VCD 都未見過 。如果有版友見到煩請通知一聲，下次回港補購也。



[ 本帖最後由 tangkennis 於 2009-3-15 17:32 編輯 ]

另有一套叫《霍元甲》，袁和平導演。當年(八十年代初)他少有的一套功夫片，是不玩雜耍花招，回歸傳统全部硬橋硬馬，與後來大玩 Wi-Fu，可謂大相逕庭了。片末一場家仁哥決戰倉田保昭，不錯！ 有趣的是袁和平後來在新的一套 《霍元甲》- 李連杰做主角 – 之中又做武術動作指導，竊以為舊嗰套都係好睇一些– 可能又係懷舊情意結作崇了 ！

連外國亦有出過 DVD 呢 (不過是國語/英語對白，都係有抗拒，所以又冇買 ... )


亦同樣地不見發行港版 DVD (只有 VCD – 係 VHS 質素嗰種，買唔落手)。






[ 本帖最後由 tangkennis 於 2009-3-15 19:50 編輯 ]

唉，香港的影碟發行商將我們的文化或電影瑰寶 - 七、八十年代的功夫片當係草 ，係外國地方人哋就當係寶，叫 Kung Fu Cult Classics ！ 小弟相信如果以前的粵語長片都可以發行 DVD ，為何七、八十年代的功夫片不可以？觀眾層面或消費對像並不見會是很狹窄呢，真的是百思不得其解已 。

以前年輕識淺，但見那些打仔/打女在銀幕上出拳踢腿，以為都係食過夜粥，但係睇得多(又自己嘗試去學下)就發覺唔係呢回事！學過功夫而有相當造詣者，出拳起腳是帶有勁度的，很容易看得出；冇學過功夫(或功力淺) 的則憑著矯健靈活，出拳起腳只能是帶著架式，但都是軟弱乏勁 …


(註：一個人學過功夫與否，與他/她在銀幕上打得好唔好睇係無必然關係的。很多身手矯健靈活的人佢哋拍嘅武打片都好受歡迎，例子俯拾即是，不贅了。要探求武打明星的師承門派，只是小弟的一種個人喜好而已。)

小弟看家仁哥的演招，看得有點不對勁，招式無疑是凌厲流暢，「清脆玲瓏」，但似無勁度，心中狐疑起來，莫非小弟睇錯了 ... ... 很多很多年之後他接受訪問，道出他是做地盤三行出身，並未真正學過功夫 ... 噢 ... 好似「古龍小說」話齋，雖然是情理之中，但實在是太意料之外了…


Good Day !



[ 本帖最後由 tangkennis 於 2009-3-15 19:56 編輯 ]

引用:

原帖由 miniplayer 於 2009-3-16 17:11 發表
真係經典中既經典...諗番起好多野

miniplayer君,

咦，經典中的經典，未知是指那一套戲呢？

引用:

原帖由 comm 於 2009-3-16 20:38 發表

阿麗麗姐做玉女嗰陣時冇睇過佢做嘅戲吖，因為阿媽以前冇帶過我哋睇國語片囉！仲記得佢係佳視同白彪演出《白髮魔女傳》，佢飾演玉羅刹練霓裳，講廣東話唔係好正 (到而家都係咁)。到我自已識睇戲，阿麗麗姐都要漸漸轉型，由少婦演到做阿媽嘅角色了 … …  尤記得她在大台套《天龍八部》中飾演葉二娘，印像深刻呢…


在1986年的《霹靂十傑》中，她飾演苗翠花，喂，呢個扮相有冇可能生得出方世王(小侯飾) 咁大個仔吖 ！！




[ 本帖最後由 tangkennis 於 2009-3-19 19:41 編輯 ]

電影是夢工場，它的世界只是給人們逃避現實，而不是往它去找尋真實；故此我們大家都好明白演員的天職只是「扮嗰樣似嗰樣」！！從來都冇話要求佢哋係某方面的專家先至可以參演那方面的電影！！

故此，以前那些西部槍戰片，我們大概不會認為尊榮、加利谷巴或奇連依士活是神槍手；在以前的宮幃劍擊片，我們大概亦不會認為愛路扶連或史超域格蘭加是西洋劍專家吧 ！！心儀偶像乃是非理性行為，偶像拍武俠動作片時，我哋咪當正佢係功夫巨星，就算揸住把劍係度撩下撩下都唔係問題！偶像拍愛情文藝片時，我哋咪當正佢係白馬王子/窈窕淑女囉 ！至於我們以前的粵語長片，更加是「偶像決定一切」的年代，無論在劇情、故事、佈景上都是有一點太脫離現實的電影世界！調寄「古龍小說」的常用句子，粵語長片畢竟就是「粵語長片」嘛，還能是什麼呢 ...？

(講番句公道說話 ，阿英才哥佢雖然持劍出招係好唔掂，但係跳躍翻滾是頗為靈巧，並不笨拙呵，睇下佢係《魔宮神掌》的演出就知小弟所言非虛了 ！)

[ 本帖最後由 tangkennis 於 2009-3-19 20:08 編輯 ]

那麼，後來為什麼出現了這「識功夫的人去拍功夫片」的需求呢？

以小弟愚見，理由好簡單亦只有一個 … 因為在我們香港人中間出現了一個李小龍，前無古人而後暫未見來者，他以凌厲的拳腳功夫震撼了全香港！！！！！！ 大家還記不記起當年《猛龍過江》上映時，嘉禾與煙草公司合拍了一個廣告，晚晚不停係大台播，片段係在羅馬鬥獸場，阿小龍哥連環踢出三腳，將阿羅禮士踢翻在地，譚炳文的旁白隨即播出 :

講打吖，梗係李小龍威喇！

此句話真可說涵蓋了我們對他的看法了 ！！ (之後嗰句係：講煙味，點都係雲絲頓好！如今兩者皆早已不存，不勝唏噓矣 … )





其它電影公司要搵一個威過小龍哥嘅，難矣哉！！唯一可行就是找一些學過真功夫的，一來可作電影廣告之宣傳，二來希望可以藉此可以拉近些少同阿小龍哥嘅距離吖嘛 ，觀乎此，什麼的洪拳、蔡李佛，空手道、跆拳道、合氣道、白鶴、白眉、形意拳、太極八卦、南北螳螂、大聖劈卦 … 門人紛紛從影，以真功夫去拍功夫片的潮流，便成浩浩蕩蕩已 ！


不過此種風尚也只是風行一時，不能持久，沒有了小龍哥的魅力，硬橋硬馬真功夫的電影只能是小眾趣味  ... ... 直至 78 年的《醉拳》，興起插科打諢式的諧趣功夫片，「阿邊個邊個」識幾下翻騰跳躍，打幾個凌空沒頭觔斗，就話係功夫巨星喎 ，自此以後還有什麼好講呢  …


嗱，今時今日，話有人打功夫叻過小龍哥，當然可以，「江山代有才人出」嘛，甚至你話打交會打贏佢，亦唔出奇，豈不聞「強中自有強中手」耶，但係由始至終打功夫最威嘅，都係李小龍，小弟斗膽講一句，至今仍無人可望其脊背也   ！！！！！！


胡扯一番，見笑、見笑 ！
晚安！




[ 本帖最後由 tangkennis 於 2009-3-19 20:17 編輯 ]

引用:

原帖由 wai1960 於 2009-3-20 04:49 發表
好久沒來，見到大家談得真的興高彩烈。
其實李小龍是帶出真功夫的人，但真正識功夫的，早在李小龍之前就有，但他們都無緣成為主角，就是那一班龍虎武師，替主角做替身，李小龍也有替身，據元華所說，他就是做過李小 ...

興高釆烈   ？何來有這種感覺 ！自開始寫這主題以來，除了開頭「新 X 坑三日香」稍為熱鬧了一陣子，之後氣氛是如常的淡靜，版友是一貫的「慎言內歛」，我亦耐不耐胡言一番 … 是有點「自己同自己講野」的感覺 ！(這當然只怪自己行文乏味，未能引起大家的共嗚喇 ！) 這主題通常在三數日之間都唔會出現很多新帖或回覆，大可隔一段時間先至來看一次也不妨！先謝捧場 ！


以前龍虎武師，又叫做識功夫或身手矯健的臨時演員(俗 D 講，係會識做反應的茄喱啡)。有一次大台節目(大搜查之類)，在片場中訪問了劉家良，問佢什麼是或如何先可以做龍虎武師，阿劉師傅就話，我而家兜心口打你一拳，你做個反應畀我睇，跟住一記拋搥打埋去，只見個主持個身向後恍了一下，嗰反應都做得算係咁，之後阿劉師傅隨便叫身邊一位「伙計」來示範一下，照樣打了一搥，嘩，嗰位武師真係做足反應，個身向後疾高成尺，非常逼真，真係好似畀劉師傅打到嘔電！





關於李小龍用替身拍戲一節，遲些再和你交換一下意見喇。

[ 本帖最後由 tangkennis 於 2009-3-22 21:35 編輯 ]

遊戲文字，疏於條理，亦無意盡括全部議題；故難免覆蓋不週，有所遺缺。其粗疏處難逃各位法眼，罪過、罪過 ！今就見新提出之幾點，再寫幾筆，聊博諸君一燦耳 ！！


(一)  以前的國術片，演員每多真材實料，並非浪得虛名！

首先，提起功夫技擊之電影，都要由關德興師傅的《黃飛鴻系列》講起，人盡皆知已！其中的主要演員是武術中人，版友亦已提及。關德興是白鶴派(亦稱俠家；亦有說是北少林)。石堅叔師承多門武藝：鷹爪翻子門、七星螳螂，保定快跤、查拳、十二譚腿、還有是北羅漢七省刀王孫玉峰的徒弟，所以阿堅叔舞雙刀是最有台型的，真的是技藝超群。


  


圖右的人是劉湛，「豬肉榮」林世榮棲居香港時，曾拜為師傅，授業學藝，習洪拳。在早期《黃飛鴻》電影中他在戲中做番佢師傅「豬肉榮」的角色，其子劉家良更無需多講，在《黃飛鴻》中儘做幫閒打手(和武指)。左為邵漢生，亦為洪拳高輩，如記憶無誤，曾為香港國術總會會長。






袁小田是京劇北派，任燕在早期《黃飛鴻》電影中是當然女主角，係任世官的家姐。阿達華哥當然係做梁寬，佢曾謙稱自己未學過功夫，據云是出自南螳螂 (這點與家仁哥有點同出一轍了 ) … 等等。





以《黃飛鴻系列》為代表的功夫技擊電影，雖人才輩出，但與眾多其它類型的電影如愛情、文藝、戲曲、驚險、奇情、武俠等等並列於當時，在六十年代並未有做成一種潮流呢。





[ 本帖最後由 tangkennis 於 2009-3-22 21:50 編輯 ]

(二) 李小龍掀起熱潮

如上文所簡述，自小龍哥之崛起，確然是帶出了一股功夫熱潮，不僅在電影業上做成一種風氣，更加形成了一種社會現像，身邊很多人都有走去學下功夫玩下健身，你話係咪！！


香港功夫電影，不單止遠銷歐美加澳紐，更遠及亞非拉諸小國！你係非洲某地，假如同人哋開口唱歌 “Love me tender， love me sweet … ”佢可能唔知你噏乜，因為佢可能唔識邊個係貓王 ！但係如果你擺番個標準李小龍 post，配合番幾下「咦 … 呵…」的吼叫聲， 佢就可能會遞起個手指公話 〝布魯士李〞


你話打功夫打到衝越地域界限，為各種族人民所認識，唯小龍哥一人矣 … 幾十年後，仍然都是嗰一句：


講打吖，梗係李小龍威喇！

晚安 ！

(photo from Wikipedia)

[ 本帖最後由 tangkennis 於 2009-3-22 22:16 編輯 ]

引用:

原帖由 wai1960 於 2009-3-23 10:44 發表


因為很久沒來，看到多了很多帖，自然用這個形容而已。
其實這張帖還可以不斷更新，也有人回應．實在很難得，證明你這個帖有番咁上下地位。

哦！ 在此經濟低迷時還能公私兩忙，沒有時間上網，都是一件好事 ！

溢美之詞不敢當。論起內容之詳實、珍貴和能勾起回憶的，比起其它版友的貼子來說，本主題都係要靠邊站呢！全憑各位支持捧場 ！！

小弟相信關德興師傅的《黃飛鴻系列》電影，是懷舊影迷萬眾期待它會再次發行DVD 影碟的！好可惜還未見過任何影蹤和聽過任何消息 … 現只憑著點點記憶再懷緬一下了。

此圖正中坐者乃導演胡鵬。亦見黃飛鴻遺孀莫桂蘭女仕(在關德興師傅之後者)和其第十公子黃漢熙(在其母之後者)在其中。大家認為在佛山黃飛鴻紀念館中經過「鑑證」的黃飛鴻真像照片是否和黃漢熙「太過相像」呢 …





[ 本帖最後由 tangkennis 於 2009-3-24 17:59 編輯 ]

話說關德興師傅以四十五歲之齡在戰後49年首拍黃飛鴻電影 ，一拍多年。





據關師傅生前憶述，佢總共拍咗 99 部黄飛鴻，根據這數字推算，計有粵語長片(黑白) 85部，國語片(彩色)一部《黄飛鴻少林拳》- 嘉禾出品，同大台拍了電視劇集 13部，合共影視作品共九九之數。呢個紀錄都算係前無古人，後無來者喇啩 ！！






不幸關德興師傅仙遊之前幾年，有記者訪問他，說想不想拍多一部黄飛鴻電影，以滿一百之數吖？關師傅答曰(大意是)：「好想！不過年紀大冇人再搵我拍戲喇 … 人生幾何會儘如人意有完滿之數吖，就由得佢喇，九九之數也不是很好嗎，長長久久吖嘛 ！」 …


(註：小弟記得除了關師傅本人提及此九九之數外，報章上亦曾刋載法國巴黎電影博物館藏有全部九十九部影視作品的菲林作存案。但近年在網上和書籍上所列出的名單，卻少了十部之多。日後如找到更新資料，再行在此補充。)








[ 本帖最後由 tangkennis 於 2009-3-24 17:55 編輯 ]

六十年代中起，他由美登台做大戲後，返港亦接續演出拍了十多部黄飛鴻電影，這些小弟都可以在電視台的《粵語長片》時段看到，其中有

黃飛鴻威震五羊城
黃飛鴻醒獅獨霸梅花樁
黃飛鴻醉打八金剛
黃飛鴻肉搏黑霸王
黃飛鴻拳王爭霸
黃飛鴻巧奪鯊魚青
黃飛鴻神威伏三煞
黃飛鴻虎鶴鬥五狼
黃飛鴻浴血琉璜谷

這全為王風導演、司徒安編劇的幾部。 (司徒安係《如來神掌》的編劇，是勁料 ！)，關德興、石堅暨袁家班(少田)、劉家班(家良) 等等武師，再次原班人馬落力演出！！小弟以為是整個系列中最好看的 ！！

係電視機睇以上幾套戲都係好耐之前的事了，細節己經吾記得，但仍然記得有幾個要點。嗱，男主角要係結局時獨力輪番上陣對付頂級高手，吾算係創新，係武俠小說早已有之，如張無忌係光明頂獨力對抗六大派掌門/高手就係啦，但係在電影上(包括中外)有冇人係黄飛鴻電影之前採用過呢 ？？小弟才疏學淺，未敢妄言，但就記憶所及係冇 ！！黄飛鴻電影肯定創風氣之先，就算後來小龍哥的《死亡遊戲》都要向佢學習吖 ！


個人最喜愛《醉打八金剛》及「《拳王爭霸》，皆因其將「個人輪流單挑各門各派高手」呢個主題發揮等極之好，前者大戰各門國術流派，且有禪宗味道  ，後者挑戰中外各門各派，發揚武德精神 ，為以後模仿者樹立楷模 ！！！！！！有老外功夫電影學者說王羽的《獨臂拳王大戰血滴子》是史上第一部 Kung Fu Tournament Movie … 小弟心想：「唉，此言差矣，未嘗看過黃飛鴻電影，不足論哉！！」






[ 本帖最後由 tangkennis 於 2009-3-24 18:05 編輯 ]