[原創] 以前看奧運

tangkennis

元老用戶組

Rank: 6 Rank: 6

帖子: 1079
積分: 6243
金錢: 2224
註冊時間: 2008-6-7

1^# 大中小發表於 2008-8-14 18:30 顯示全部帖子

[隱藏廣告]

88年漢城奧運，最記得跳水王子盧根尼斯失手「撼崩個頭」，撞到個跳台 … 但係一眾裁判仍仍仍仍仍仍仍仍仍仍然 … 畀高分過佢，令到當時阿帥哥熊倪飲恨得第二，好明顯阿熊倪哥跳得好過佢呵！！公然偏幫，可恨也！！唉，一個弱國或被孤立的國家就會被人蝦！呢個世界毫無疑問是講實力的！無論現時中國是怎麼樣，亦希望將來變得和平、富強和興盛，我們中國人最終是不可欺的！

我記得雷禮義(讀阿〝女〞Sir！！) 兼精好多瓣數，羽毛球旁述一定搵佢！排球和藍球都係！！

2000 年雪梨奧運，小弟當時無力在故地謀生，已棲居南陲，蝸居異鄉了，亦正適逢其會也。當時所有傳媒包括電台電視報章雜誌，都係那一句 Aussie Aussie Aussie Oi Oi Oi！！全市都感受到。個陣時小弟同好多袋鼠國人民都冇買飛入場睇比賽，睇電視多

！唯一例外就係走去睇一些唔駛畀錢的比賽… 沿著馬路邊睇馬拉松賽跑

！記得當時頭三位都係黑人跑手，長跑都係黑人叻 D，無計！

在這裏轉播奧運由七號電視臺獨家播影，同有關機構簽了三十多年約，有排攬住做。在香港是沒有獨家轉播這回事吧！在這裏電視臺一向只集中播游水、划艇、netball 等項目，袋鼠國冇份參加的就好少或乾脆唔播！！全世界都一樣係咁架喇！！

[ 本帖最後由 tangkennis 於 2008-8-14 18:36 編輯 ]

相關搜索目錄: 雜誌

TOP

tangkennis

元老用戶組

Rank: 6 Rank: 6

帖子: 1079
積分: 6243
金錢: 2224
註冊時間: 2008-6-7

2^# 大中小發表於 2008-8-15 22:22 顯示全部帖子

[隱藏廣告]

講起【動物奧運會】，小弟都想下當年先

！！

我記得當年我帶住舍妹兩個人搭巴士(好似係 13 號 )，一齊去新蒲崗「迫」麗宮睇架！！貪佢二輪飛夠平吖嘛

！！套戲講乜而家都冇乜印像了，不過仍然好記得個首插曲Love’s not for me，動聽的曲調配以悅耳的風琴聲，非常之好聽… 此後小弟雖然並未刻意再去找這隻歌來聽，但多年以來，如有機會去逛唱片舖，我都耐不耐留意一下有冇這隻歌的再一次「重現江湖」… (註：這當然是指 CD，小弟未曾 (正確點說是冇本事) 經過黑膠唱片的「洗禮」，對後者並無情意結呵

！！) …

終於有一次給我遇上了，是在一隻雜錦碟上，當時二話不說，當即買下！返回屋企後聽了很多次，覺得很開心呢…

...

[ 本帖最後由 tangkennis 於 2008-8-16 20:27 編輯 ]

TOP

tangkennis

元老用戶組

Rank: 6 Rank: 6

帖子: 1079
積分: 6243
金錢: 2224
註冊時間: 2008-6-7

3^# 大中小發表於 2008-8-16 20:40 顯示全部帖子

[隱藏廣告]

講起歌曼妮芝當年高低槓(如無記錯)勇奪十分滿分，小弟又再想下當年！

那時在大台旁述的是韋基舜，當時我們的「玉面拳王」韋公子即時提出異議，不下一次在旁白中說她「出蠱惑」，當時他自說自話，無人敢或肯答嘴

！不知各版友有否記得？

他的論斷亦並非無的放矢，且亦聽小弟道來 (這個 … 冇需担櫈仔

... 因為都唔係乜野堅料！)

他說，通常運動員落地一刻，一定會稍為停留在原位一至兩秒之間，以作平衡或作非常平穩之勢以示人，繼之高舉雙手示意裁判動作已經完成。然後再轉身九十度高舉雙手或揚手或揮手，表示答謝觀眾。若然大家有機會再觀看一下當年阿妮芝妹得滿分之片段，她甫一著地，不作任何停留，瞬即轉身九十度高舉雙手接受歡呼！！韋公子即刻話佢係醒目女，識得落地後迅速轉身，卸去不平穩之落勢，出蠱惑勇奪滿分

！！(這麼多年來以小弟觀察所得，只有我們中國體操隊的運動員真正落地時是紋風不動的，亦無需要出蠱惑！！)

嗱，這個解釋的唯一缺點是，連普通人亦可看出破碇的「揸流攤」，為何那些專業評判看不出來，還要畀滿分呢

？？是否一眾裁判存心成為「做王者」，要制造歷史成就滿分紀錄 … ？這又令我想起「跳水王子盧根尼斯」事件簿！阿尼斯哥那次是最後一次參加奧運跳水比賽，前兩屆已連奪金牌，若果今次再奪金，將會是史上第一個三連冠的跳水冠軍了(雖不能說絕後，但想想江山代有才人出，在現今運動競爭之激烈境況下，十二年中都沒有一個人能夠超越現冠軍，真的是幾稀矣… )。雖然他失手，但一眾裁判存心(或下意識) 要制造歷史，給他「無限同情」，終於成就了一個紀錄 … 胡言一番，見笑了！

[ 本帖最後由 tangkennis 於 2008-8-17 20:05 編輯 ]

相關搜索目錄: 運動

TOP

‹‹ 上一主題 | 下一主題 ››