引用:

原帖由 tonychankamtong 於 2009-12-12 17:42 發表
希望三位前輩 R.I.P. !

Tang兄:
你仍未開始你那個 #1218 的介紹? 想必很多版友已急不及待.

就係要等阿 tiutiu111 兄來剪彩吖嘛 ，呢位姐姐要佢講先至夠傳神架 ！

引用:

原帖由 suewong 於 2009-12-12 17:52 發表


我諗版友對 #1219 興趣 大 d...

當然、當然，淨係睇阿 khadafy 兄的「豔星」帖嘅點擊率持續高企就知喇 ！

一於傾住先 ！

今年度之壓軸戲，任白《帝女花》也 ！

任姐今年辭世二十週年，著實令人懷念。

最近小弟不自量力 ，又去學人閱覽一些有關明末清初的書本，當中關鍵性的人物當然非常多，其中一個就係明朝末代皇帝明思宗朱由檢，我哋習慣叫崇禎皇帝吖嘛；小弟一見到這個名字，腦海中自然就會想起靚次伯 ！！尤其是他對著身邊的馬少英和白鳳仙，大唱 "含淚對梓橦，揮淚對袁妃" 啊  ！ ！

睇大戲當然係欣賞曲藝喇，相信絕對唔會去探求什麼歷史真像的！故此，以下的全屬遊戲文字，但求趣味也 ！

原來小弟一向固存的"崇禎-靚次伯"形象是錯了！崇禎朱由檢十七歲登基，十七年後被大順永昌帝李自成趕下台都是得三十四歲咋！





史書記載崇禎樣貌比起真實年嵗蒼老，但斷估都吾會老到似五十幾歲啩 (以1959年做《帝女花》計)，若然用1976年的雛鳳版，則個樣仲要似有七十幾歲添！！




小弟記得《倩女幽魂》系列有一集有黃耀明做明思宗喎  ，吾知有冇記錯呢，咁黃耀明嘅年紀就似乎幾啱做崇禎啦 ！




[ 本帖最後由 tangkennis 於 2009-12-14 19:24 編輯 ]

另外一個主要人物就是清朝入主第一個皇帝清世祖順冶，又係靚次伯啊 ！！ (註: 在這套任白戲寶電影中，沒有順冶帝這角色，但在粵劇中和雛鳳版電影就有 ... )

一個人同時分飾兩個截然不同兼且對立的角色，演的夠勁，編的唐滌生仲犀利 ！
一個亡國之君，唱出悲涼處境,
一個開國之君，唱出精明果斷,
功力稍遜都做吾惦啊  ！！

實際上順冶六歲登大寶，這個"藝術形像"同現實呢次就相去有點兒遠了 ！


15 -12 - 2009
補正:謝版友 suewong 之指正。靚次伯在雛鳳版電影《帝女花》中並沒有演出順冶帝這角色，而是攝政王多爾袞，入關建清時他乃 32 歲之壯年，相比起六歲與五十四歲，三十二與七十一都唔係話「相差很遠」了 ！！




[ 本帖最後由 tangkennis 於 2009-12-15 14:05 編輯 ]

引用:

原帖由 suewong 於 2009-12-14 20:51 發表


今次, 沖倒龍王廟, tang 師兄, 仲唔被我捉到你. 好有成功感丫...

係龍劍笙既 version, 佢唔係順冶, 係多爾袞.

tang 師兄, 有冇任白既李後主 d 資料, 多多益善.

唔該丫...

謝小師妹之更正 。上帖已作補正了 。

愚兄只識看電影，對粵劇或粵劇電影並沒有什麼認識。小師妹要去粵劇討論版問吓其它版友或本版之前輩高賢至先得喇。不久以前其電影版權曾作「妥協」而安排了一次紀念公開放映的，是嗎？… 不是嗎 ？




[ 本帖最後由 tangkennis 於 2009-12-15 14:14 編輯 ]

我知悉這套電影僅憑一次越洋電台訪問 … 此間雪梨中文電台曾有一次訪問了在香港的《潤程》老闆 (《潤程》是影碟發行商，它出品了很多粵語片影碟，大家都知了)，言談間說起了這套任白最後一部電影作品《李後主》，為何從來未曾重映過或發行影碟，本來片主當然係任白喇，但在制作期間出現嚴重超支，於是乎影片曾經向銀行做按謁作借貸應急，不只一次，有次按、三按… N按 ！聽講澳門聞人何賢先生最後出手「力挽狂瀾」，影片終告完成而得以上映。但這影片曾經作多番按謁，要厘定版權誰屬有技術上的大困難，以致不能簡單解決。亦希望有其它版友可以補充一吓資料！

引用:

原帖由 suewong 於 2009-12-15 15:03 發表


多謝師兄告知...

原來師妹一向冤枉了白女士. 曾聽聞白女士覺得《李後主》是垃圾片, 故禁止重映.

師妹覺得此片制作認真 / 嚴謹, 粵語片絕無僅有. 而且編曲融合了西方歌劇, 係粵曲的創舉.

歌影若不能留 ...

好說、好說 ，大家互相研究交流一吓喇   ！

靚次伯除了在粵劇界聲名顯赫之外 …





在葡萄酒界都係響噹噹架 ！！你話請人飲酒叫《靚次伯》，都夠哂睇頭啊   ！
(喂老何兄，下次聚首，有冇《靚次伯》飲架 ... )

帝女花的故事，都庶乎人盡皆知吧 ，未睇過套戲都聽過隻《香夭》啦 … 落花滿天蔽月光， 借一杯附薦鳳台上 … 調寄廣東小曲《妝台秋思》… 長平公主與周世顯，真盪然迥腸矣 ！

《明史．公主傳》有關長平公主的記載只有寥寥數行，現轉貼如下：

長平公主，年十六，帝選周顯尚主。將婚，以寇警暫停。城陷，帝入壽寧宮，主牽帝衣哭。帝曰：「汝何故生我家！」以劍揮斫之，斷左臂；又斫昭仁公主於昭仁殿。越五日，長平主復甦。大清順治二年上書言：「九死臣妾，跼蹐高天，願緇空王，稍申罔極。」詔不許，命顯復尚故主，土田邸第金錢車馬錫予有加。主涕泣。踰年病卒。賜葬廣寧門外。

唐滌生據此創出粵劇瑰寶《帝女花》，真天才也 ！





當然不少傳記小說家據此亦創出或引出獨臂神尼一角，包括我們梁、金兩位大師，其中細節亦令人神往 ！

[ 本帖最後由 tangkennis 於 2009-12-15 19:51 編輯 ]

引用:

原帖由 suewong 於 2009-12-15 22:54 發表


曾看過一些文章, 說 "任白唐" 的組合, 起初因歌詞深奧, 曲高和寡, 票房不理想...

後來把一些耳熟能詳的廣東小曲填上歌詞, 票房才改善...

"任白唐" 對理想的堅持, 實值得學習.

據「玉面拳王」韋基舜著《吾土吾情》，當年唐滌生撰此曲時，有高福永(港澳富商高可寧之子)等人曾從旁潤色曲詞呢。

小師妹有冇買呢本剛出版的書+DVD 啊，都唔平 ！

《長天落彩霞—任劍輝的劇藝世界》(書二冊+2DVD)
黃兆漢教授主編
三聯書店(香港)有限公司出版





有關靚次伯的書都有一本，試撞吓搵唔搵到先 。

《武生王靚次伯 千斤力萬縷情》



[ 本帖最後由 tangkennis 於 2009-12-16 14:49 編輯 ]

引用:

原帖由 老何 於 2009-12-16 21:53 發表


喂老何兄，下次聚首，有冇《靚次伯》飲架 ...


理性消費, 不如咁LA    冇衫「當」！

冇衫「當」 ... 唔明喎 ！

武當王（Chateau Mouton） 我就知，都唔錯架 ！！



[ 本帖最後由 tangkennis 於 2009-12-17 17:24 編輯 ]

引用:

原帖由 dirtyoldman 於 2009-12-18 13:13 發表
靚次伯毛澤東均已離世，可選擇仍然在世的《李鵬》

嘩，無番咁上下家底點飲《李鵬》啊  ，揾阿老何兄包酒水就掂囉 ！不如粗粗哋飲吓《碼頭老鼠》算喇  ！





唔知前輩吳英先生點樣翻譯呢支酒名呢，好難講出口 ！



[ 本帖最後由 tangkennis 於 2009-12-18 18:30 編輯 ]

引用:

原帖由 老何 於 2009-12-17 20:06 發表
冇衫「當」..............讀作「檔」。

講古仔..............牛奶公司未收購惠康前, 惠康是中環名辦館, 位於舊恆生總行。
她其中一業務是供應來港船隻的船上伙食。香港這港口, 匯集萬國商船,船員
亦來自全球各地 ...

原來竟有這一段前因後果，謝告之 。

前輩吳英先生果然有先見之明，直到今時今日在資深酒友口中吾人仍只能聽到一模一樣的評語：「澳洲酒，飲得過喇！」無錢去品嘗過Penfolds Grange ，淨係試過 「窮人的 Grange 」389，等我帶支番里畀老何先兄你鑑辨一下，含一、兩啖試吓酒對身體無礙嘅 ！

1. 樹盟（Oath Under the Twins Tree）

2 . 辭殿（Departure）

3. 香劫（Princess' Sufferings）



[ 本帖最後由 tangkennis 於 2009-12-20 17:17 編輯 ]

4. 庵遇（Reunionat the Nunnery）








[ 本帖最後由 tangkennis 於 2009-12-20 17:18 編輯 ]

5. 上表（Negotiating with the Qing Emperor）

原電影似無上表一段。咁 ... 貼吓好逑姐嘅相先 ！





[ 本帖最後由 tangkennis 於 2009-12-20 17:23 編輯 ]

6. 香夭（The Fragrant Death）







[ 本帖最後由 tangkennis 於 2009-12-20 17:24 編輯 ]