如果神係無所不知, 咁佢會知道邊個係忠心, 佢知亞伯拉罕一定會聽佢話, 佢亦都知道陳大文會唔信, 李志強會好虔誠, 張小明會唔聽話, 何麗娟會好屬靈.......... 咁佢又洗乜要試探呢個試探果個.  其實基督教有好多野都係唔合理.

乜野叫做"屬靈"? 點樣分高低? 作為一個教徒, 點樣分屬靈高, 屬靈低? 作為一個唔信耶敎既人, 點可以"屬靈"高還是低?

你話: "主要係想證明: 對神真正虔誠既人, 最終一定會得到神既照顧同安排"
- 聖經都有講, 日光照好人, 也照壞人, 即係人人平等, 無優待. 係咪虔誠教徒就唔洗失業, 唔洗失戀, 有病就一定得醫治? 以前聽到有d教徒講生癌, 但好番, 又攞黎宣傳, 但係又有幾多係生癌死左, 咁果d唔計? 其實都係無優待, 人人平等.
- 個故事證明黎做乜, 動機何在? 我諗都係比人睇啦, 但係信既人唔洗佢證明都會信, 唔信既人, 睇左佢做一百次都唔信, 根本係無用.
- 其實呢個故事, 係講緊信心同埋服從, 唔係咁功利, 你虔誠我就照顧你咁樣.