引用:

原帖由 118018 於 2008-12-3 17:13 發表
你呢個問題好得意   雖然我咁大個仔未交個稅~ 但都知道唔交唔得~
不過真係唔知政府收埋咁多錢做乜~  唔好話交稅~  攪d乜証乜牌都已經要收手續費~ 過河濕腳~   不過我最唔妥~ 係考車牌~  因為最近肥左老~ 又要 ...

又咁講, 政府每做一樣野都一樣要俾錢, 就算開個會又好, 辦公室好多都係租地方既, 仲有果d修路呀之類既野, 唔收錢既去邊度搵錢做野呢? 你要申請d乜證物証, 考試各樣, 都一樣要請人幫你做野, 無錢, 又點請人呢? 政府除左高官之外都仲有請好多人日日返工做緊你地既申請既, 仲有各樣而家好多人認為應份得到既資助, 樣樣都係錢黎, 唔好好似而家d人咁, 係又嘈政府唔係又嘈政府, 乜都話政府唔o岩啦!

引用:

原帖由 118018 於 2008-12-4 14:31 發表
你咁講即係覺得政府制道好完善~~?  可能因為我窮拉~ 我憤嫉世拉~~所以我咪唔鍾意政府囉~~我又得唔到你講果d所謂既"應份得到既資助"~  同埋最緊要果樣~
我話我唔妥o者~  又冇話過佢唔岩~  就算政府岩哂~ 我都係唔 ...

做人就唔好咁偏激, 無一個制度可以話係絕對完善既, 但唔代表咁就等如佢一無可取, 我都有車牌, 而我亦都唔係一次pass既, 但係我無試過早左去到俾人鬧wo, 有時既野, 你想人點對你, 你要點對人先, 唔好咩都賴晒政府有問題, 至於佢收錢呢樣野, 我真係覺得無咩問題wo, 要有人做幫你做野, 就要俾錢架啦, 你而家既講法就好似你老世請你做野但就唔肯出糧仲覺得呢個想法無問題咁!

至於我講果d所謂"應份既資助", 我諗好多人都有申請, 例如讀書既有書簿津貼, 學費資助, 再唔係有獎學金, 除此之外仲有低息貸款, 做野既有cef, 今年仲有電費資助, 你搵唔到工既又有綜援, 可以申請公屋, 呢d野全部都係錢黎架, 你有本事賺到咁既人工, 先至要交稅, 我唔係講風涼話, 但係如果我人工真係需要交稅既話, 我搵得咁既人工我唔會介意去交!

另外, 每一個團體都會有害群之馬, 但唔應該因為一少部份咁樣既人, 就話晒所有果個團體既人都有問題, 仲有就係, 而家好多香港人習慣左總之政府做咩都鬧, 就好似曼谷包機事件咁, 佢包機又鬧唔包機又鬧, 好多根本係為左鬧而鬧, 而有一部份人投票果時亦都係諗住總之政府入面一定要有反對聲音, 唔理政府所講既政策係咩都好, 總之政府講既就反左先, 我覺得呢個想法好幼稚, 亦都絕對唔係為香港人爭取福利所應該做既野, 而而家有某d政黨好得人心既原因係佢識得問政府拎錢, 但係反對政府增加收入, 諗深一層, 咁樣對政府又好, 對香港都好, 都絕對唔係一件好事!

引用:

原帖由 118018 於 2008-12-4 17:48 發表
所以我咪話你岩~ 話政府岩囉~  我由頭到尾都係話"我唔鐘意o者"~ 有乜話偏激唔偏激丫~~   即係你鐘意食榴槤~  我唔鐘意咁解o者~~  再講落去都冇乜結果~~
反而我覺得你先係偏激囉~
人最岩係覺得自己岩~  人最錯係 ...

唉, 你鍾意點講咪點講囉, 但係我唔覺得任何野會有絕對好或者唔好, 政府都係一樣, 同埋, 只係睇唔過眼而家既人係又鬧唔係又鬧, 咩都賴係政府問題, 自己好似咩責任都無咁!

引用:

原帖由 ChickenFloss 於 2008-12-9 12:05 發表
你咩問題啊？

唔知呢, 可能佢俾人扣完分仲停埋account, 唔忿氣所以開過個account入黎鬧掛!