我居然可以響櫃桶度搵到張以前既學童月票，唔知有冇人用過？每個月六蚊，每日可以搭四次，搭巴士時，要俾巴士佬打窿。（星期日同公眾假期唔用得)

引用:

原帖由 dw194711 於 2010-1-20 12:08 發表


成四十年前既嘢都可以保留到，好難得。我係60s初開始用九巴月票，最記得係要去近東樂戲院的九巴辦事處買。有時D巴士佬打漏左窿或者懶得打，就可以搭多次。

係呀，個度係好似叫水渠道。
順便講一下以前既巴士售票員，佢地可能見係細路仔又得意，成日同你傾偈，有時俾個打窿機你自己打，D打窿機好意，每個都有唔同既圖案，有竹D有星星。有D係個圓圈。不過好多時巴士因為人多，到左目的地都售票員都未曾迫到埋黎，所以有好多都冇打窿，但咁又可以搭多次。

搵開又搵到一張九巴半價證，張半價證係月票之後既產物，好似本護照咁大個。

引用:

原帖由 suewong 於 2010-1-20 16:04 發表


請問九巴半價證係幾時停用o家? 點解我印象中, 12 歲以後, 學童 / 我 都要比全費既 (地鐵就有減免)?

正確時間唔記得，但應該係十分短命之產物，最多係三幾年就停用了。

引用:

原帖由 rqrj 於 2010-1-22 13:51 發表
印像中售票員係車中間有個位,
以前由車尾上車,
未買飛就企車尾,
買咗飛就企車頭。

呢個設計係70年代中期既事了，係一個售票員管晒成架車，控制住賣票人流，應係三間黃線巴士時候實行既，較早前(60-70年代初)那段時間，係分大細車，大車樓下兩個售票員，一前一後，而樓上就一個售票，(大車3C，1，1A等)，細車(7號，3號等)。再早一些時候，仲有一個守閘員，負責拉閘。

引用:

原帖由 suewong 於 2010-1-22 16:50 發表


D 人會唔會守規矩o家 ? 而家東鐵都好多人逃票o家o窩 ?

個陣時好少呢D事發生，最多發生時係最初好多人唔知有呢個規矩，時日一過，大家習慣左就好少再有呢類事件發生，唔似而家D人咁架！

引用:

原帖由 suewong 於 2010-1-22 20:05 發表


考起 ?!

而家 d 人 富貴 d o家o窩. 起碼冇人捱餓...

但以前D人老實好多架，冇而家D人咁古惑，你睇下，廉記調查員（人工都唔少啦）買支紅酒都要捽走條barcode，自己廉條平價barcode落去，呢個已經唔係有冇錢既問題，係人既心態同普世道德價值觀問題。