原來聯合興既老四,被稱呼為"冷陳"!!

講開單邊,我又回憶一下先!!
19座既朋友,有冇人幫趁好似係3-5樓近20座既單邊有士多仔,我記得成日去買冰木瓜,淨雪糕筒,仲有蛋殼大菜糕!!

引用:

原帖由 nihoima 於 2010-1-4 22:33 發表
單邊樓梯 - 踢波(紅白間條膠波)、公仔紙、射波子、捉依因.....
1221442

我就諗起踢西瓜波經常"磨姜",仲有膠波飛街!!

你識唔樓下士多"梁波"!!

lamlamchem 師兄講既係20座落球場樓梯與石油氣鋪中間的斜坡一舊石.

行呢條街,好似只得7B,12B兩架!!

見到呢張相,諗起第4座落第3座樓梯第一鋪綠屋仔既碗仔翅,粉仔,薄餐,好好味,正是當時細路仔既美食!!

引用:

原帖由 ifox 於 2010-5-7 10:57 發表


比o的貼士大家，
車身有呢個 logo

有中華巴士LOGO,而又關橫頭磡既, 我估 103!!

你好,我住8座地下,向第9座!!

歡迎!!

這裡是橫頭磡街坊聚腳地,當然是橫頭磡8座啦!!
8 座地下是由學校後期改為住宅,我大約1980年左右,開始搬到去住!!

[ 本帖最後由 發記大排檔 於 2010-5-11 12:07 編輯 ]

細路仔,在大排檔同街邊玩大,唔多覺道友打躉聚集(可能細路時唔識分邊d係道友),反而上到樂富中心,就發現多道友喜歡在大排檔打躉.
最記得是,譚記經常有道友打躉,有一晚幾個道友坐埋一齊食飯,突然間嘈交,之後打起上來,例牌係推跌d碗碗碟碟,之後走了.我覺得係為了食免費飯囉,幾日後見同一班道友又攬頭攬頸,完全冇事發生過咁!!
係大排檔咁多年,都睇了唔少打交場面!!

亞"停不了的愛"大大,我由第一日到來這地方留言,都是跟大家一樣,講返在橫頭磡既生活回憶,並沒有講過自己熟晒成條村!!
至於我細路時,唔識分邊d係道友係事實,無需要向其他人查問.

住慣住熟,一定唔覺雜!!
好似我有一個住秀茂坪上村同學話橫頭磡雜!!

佢地都知道吸毒,一世都戒唔到!!以過來人叫你咪掂!!
但在大排檔,我見過一個成功戒到.
話說當時隔離鋪有人新接手(係江湖中人),做埋下午幾餸飯,佢都有搵d靚幫手,
有日我在自己鋪頭睇檔幫手,媽媽同其中一個傾計(我媽媽睇住佢大),同佢講呢家咪好囉,有份正正當當既工做,言談中,驅使戒毒原因是,他家人全部移民晒,就因為他曾經吸毒犯事,入獄並留案底,走不了只留下他一人在香港!!

[ 本帖最後由 發記大排檔 於 2010-6-24 17:59 編輯 ]

好勁,師兄成日搵到d正野!!
右下角位置係潮州餅鋪,應該是鐡表皮屋?
這張相應該是沙地變了街市之後影.

請問後面是那幾座,諗來諗去都諗唔到,可否告知!!

謝謝!!

引用:

原帖由 舊足跡 於 2010-12-13 12:48 發表


豉油麵的制作就難得多, 真材實料,謝謝!!

( 大家有無印象豉油麵的副料是否還有魷魚? )

譚記同第8座既豉油麵副料同樣是:魚旦,豬皮,魷魚,韮菜.
唉,講起又想食!!

引用:

原帖由 大口仔媽咪 於 2010-12-14 03:18 發表

啱嘞！問你實知喇！其實第一座綠屋仔嗰檔豬皮、魷魚麵，
係咪即係第八座嗰檔豉油麵呀！  
如果係呢！譚記事頭婆依家應該就住喺宏逸樓。

唔一樣呢!!譚記婆好好人,好好傾,大家在熟食中心開檔時,我放學放工返到鋪頭冇飯食,好多時都幫趁譚記!!(不過唔係豉油麵,係姜旦炒飯!!)
第八座豉油麵,唔係綠屋仔,係地下民居(80年頭改左為住宅,因為住19座時,我住個邊中間樓梯由07~12都因為改toilet而搬落走).
豉油麵地址是8座地下7號室,事頭婆大約5~60歲,個樣好惡(細路仔時覺得),事頭婆有兩個仔,不過好慘,一個是聾啞(同事頭婆好似樣),一個是智障問題(花名叫亞痴),但他什麼都識,曾經上過報紙話他是可以自己懂得坐巴士去目的地的智障學生!!

[ 本帖最後由 發記大排檔 於 2010-12-14 23:51 編輯 ]

位置好似係喇沙利道東寶庭道.
斜玻上面的石欄,係九龍仔公園.

引用:

原帖由 jycy 於 2011-3-6 20:17 發表

第九座同第八座之間,嗰位公公係度淥麵,婆婆就汁頭汁尾,好羨慕啊!

第九座同第八座之間中間好似最小有3檔麵檔,住家豉油麵,綠屋仔既連記雲吞麵(光頭肥叔叔),車仔麵,你指邊檔?

因為在大排檔買粉果做早餐,會在第一座巴士站上車返學,上車又係住上層車頭坐單丁位!!