我北上工作應該少師傅接近一半時間，大約十年左右。

上唻果刻我已經同自己講，要響呢個地方生存，不單要百分百融入，甚至要比大陸人更大陸。當中期間會有走歪既時候，亦有價值錯亂既一刻，反復調整，至今到左一個頗平衡既狀態，完全融入大陸文化。

大江南北，內地人一般認不出我是什麼地方人，更有很多同胞錯認我是大陸人。從北京大孖沙、到龍華部隊軍官；從清華老教授，到邵陽黑社會小頭目；從成都女企業家到安徽妓女；我都會相互尊重，不亢不卑地誠心交往，了解對方價值同文化。

大陸人有hunger，進步快，要響同一塊土壤上同佢地競爭，必須融入。

但有一點自己一直會保留，就係一套文明社會o既價值標準。

引用:

原帖由 KMY89 於 2010-1-10 18:18 發表


這次 Kmy 不同意你說你已百份百融入啦 ...

你的生活習慣呢？

Hairstyle, 衣著品味？

睇CCTV or 外語台？

有病，敢不敢打大陸吊針呢？

最主要既係價值觀；

...

睇下你點define mainlander，其實個scope好闊。

好似響深圳既海歸，呢班80後（變左潮語）衣著、談吐、嗜好都好international，有好多都任職國際機構，講野中英夾雜。呢班人我時有聯絡，並無隔閡，融洽非常。

民企老闆又係另一種style，衣著著重牌子，經常take d 北大、清華管理課，日間衣冠楚楚，話題國家大事，環球經濟；夜晚個個禽獸，會因為自己地產項目開盤而“開處”。我幾年前響每月飛北京去北大上幾日堂，為期一年，亦非常融入。

至於同國內較低—下層打交道，酒文化是重要一環，尤其白酒，我車上則長備幾支茅台奉陪。

國內電影、劇集我都有睇。張藝謀、馮小剛大部份既戲我都有睇；連姜文《太陽照常升起》、婁燁《蘇州河》、仲有D新晉導演既戲如《小裁縫》、《瘋狂的石頭》等，其實拍得唔錯。劇集方面，大陸更是強項，《走向共和》、《康》、《雍》、《乾》、《漢武大帝》之類就重睇過幾次。CCTV我有睇，其實制作水準幾高，湖南衛視、鳳凰衛視就睇得比較多。

我U有副修電影，當年中國電影當cult film 睇。但到陳凱歌既《黃土地》（張藝謀係攝影）、張藝謀既《紅高粱》開始，中國電影開始被留意，依家更將發展成華語區既主流電影。

引用:

原帖由 KMY89 於 2010-1-11 12:43 發表


這些工作還要指指點點？

不是喜好，但不會影響 performance.

我office一定按自己意思裝修，日日對住喎！

感冒成個禮拜無好轉，老二要逼我今晚去醫院打點滴！

打完變左100%大陸人了。

引用:

原帖由 simonkok 於 2010-1-11 18:15 發表


唔係大陸睇醫生。。係因為好多大陸醫”拖症”。。。搵多Ｄ錢。。。

大陸醫生最大問題係濫藥，開一大堆唔需要既藥賺錢，而且濫用抗生素，拖症都慳返，一次過賺晒你。