引用:

原帖由 無神論狂徒 於 2011-3-7 17:09 發表
最近很累∼∼
真啲很累∼
有時真係想去巴西一類國家生活，寧搵少啲都唔想面對呢種精神煎熬∼
好惡頂∼

我呢一、兩年都有咁嘅心態，累﹗(唔算係灰)
好想退下來，生活休閒d寫意d，但都只係諗下，終歸都要去面對現實，最多都係盡量放下假，去下短期旅遊。
想到去巴西生活？係米有咩情意結？

引用:

原帖由 無神論狂徒 於 2011-3-8 00:08 發表
冇乜情意結，只係最近研究巴西的文化，知道佢哋生活指數唔高，但生活質素高∼
佢地工作時間短，壓力細，香港就勁大壓力，搵多多都補唔返∼
我想放假都冇囉∼有個女跟身，好難掉低佢去玩∼有假放都係陪佢∼

最近去過一趟柬埔寨，生活質素唔高，仲可以講係貧苦生活添﹗但佢地臉上好多都帶著笑容，叫個帶街帶去郵局寄明信片，佢話郵局工作人員一日做五個鐘，聽到羡慕不已。

唔考慮下同埋個女去旅行？ 又或者搵親人幫看管，短暫一、兩天行開下，總算可以叫做舒緩輕鬆下。

引用:

原帖由 無神論狂徒 於 2011-3-8 10:42 發表


好想搵少啲，想個精神生活好啲，但係生活迫人，唔努力去面對壓力，在香港好難生活∼自己要食飯，屋企人要生活，家庭要經營下去∼就算自己想搵少啲，家庭崗位唔容許我咁做∼
同個女去旅行，佢 ...

搵少D唔代表份工嘅工作量或壓力就會輕D，有朋友形容自己轉咗工就好似由一個地獄跳去另一個煉獄。

我曾經因工作上嘅壓力，身體出過毛病，幸好現已不藥而癒。儘管有時被壓得透不過氣，有時會情緒化一點，但都會警剔自己把心情盡量放輕鬆一點。

既然改變不了現實，就唯有去改變自己心境，把事情包裝起來，讓它看起來感覺舒服一點。例如，能有一份工作，有收入，可以養活家人，不愁兩餐，總比搵朝唔得晏好；又或者工作繁重辛苦，都因為自己有能力有交帶，才得以重任。哈哈﹗其實做人有時都需要有點阿Q精神。

反過來說，有時壓力除了來自外來的壓力，也有來自自身的壓力，就如你放不下女兒給親人照顧，怕隨時有事情發生，無形中都給了自己壓力，從好的一面看，你是個有責任心的人。