無聊之間, 想搵下7,80年代筲箕灣舊貌, 比我搵到呢道, 看到大家嘅留言, 勾起不少含糊嘅回憶!!
ccooww師兄 : 梁寬副校緊記得la, 上堂最鍾意吹水ma, 經常離題萬丈又一堂!!仲有, 佢最鍾意送啲過期嘅讀者文摘去獎勵學生ga…haha..佢好似好耐都升唔正,唔知點解..."風雲際會自有期”,  你咁都記得!!?? 勁! 印象中佢唔惡, 數惡緊係"江雞" la, 仲有個 "航空母艦”, 唔知你知唔知邊個, 小弟比佢扭過耳仔, 印象特別深!!! 仲有元愛華, 余菲, 劉敏慈..凈係記得呢幾個miss....

哈!無神神入左呢個forum, 仲撞番啲校友, 真係有緣! 小弟無計錯應該係86年畢業ge. 所以我叫你ccooww兄, 仲有遼望台兄先啱!
記得啲老師名純粹因為比佢地教過, 同埋佢地幾nice, 印象所以深刻一點姐, 好記性就絕對唔講得, 如果各位朋友無提過南寧, 威利民, 蘭香園等等…我差啲唔記得哂喇 !! 可以將啲細節記得咁清楚, 你地記憶力先至驚人啊!

上梁副校堂真係唔錯, 零舍輕鬆, 總之守下規矩就唔會比佢炳 ga la..唔知有無記錯,好似佢講過係因為英文唔掂先升唔正, 但聽聞我畢業之後佢好似都坐番正wor, 真係如佢所願 "風雲際會自有期"! 哈哈! 呢句我都覺得好有型, 越來越鍾意, 要記住佢先!
"航空母艦"? 哈哈! 你睇番身形咪估到囉! 合照第一行左邊第二個, 有無印象呀?
都唔記得因乜解究比佢扭耳仔, 凈係記得痛果種感覺好深刻!
哈, 仲有個叫 "彭雞" ge, 左邊第四個呢, 又記唔記得呀? 佢教數學ge, 成日都係戴副茶色眼鏡, 永遠都睇唔清楚佢隻眼, 鬼咁神秘, 說話又帶點鄉音, 惡起上黎都唔少野ga!  以前啲老師體罰學生真係家常便飯, 記唔記得除左打手板, 仲有啲咩體罰方式呀? 我記得有: 無影櫈, 罰企扭耳仔, 混黑房… 諗番起都怕怕!!
以前實在太窮喇, 又無知, 乜野相都無影, 真係好想睇番以前筲箕灣嘅舊貌, 始終係自己出生地ma, 所以睇番各位朋友post上黎啲舊照, 真係好感動, 再有多啲就好喇!! ^^

Ccooww師兄: 你講得啱呀, 上著呢幾大惡女堂, 真係好鬼驚ga, 仲可能攪到自尊心受損, 對細路仔學習同成長真係唔係咁好ga!
唉!小弟細個時屋企窮過鬼, 父母又唔識字, 好遺憾係筲箕灣生活嗰段日子,乜野生活照都無影  唯一果張咪畢業相囉, 以加仲唔知涉左係邊度, 要搵搵, 我都好想好想睇番多啲果時筲箕灣及小學附近嘅景物呢!!!
我記得果時有間太平超市, 超市附近有間士多, 啲學生好鍾意係果度飲汽水, 無非都係為左抽蓋掩去換瑤瑤, 果時好輕玩瑤瑤, 瑤瑤大王周不時去士多附近表演, 小朋友有得睇表演又可以參加比賽攞獎品, 諗番起真係好懷念!!
瞭望台師兄: 好野wor !!  76年成績表都仲keep住, 不過, 我都好似有keep, 搵搵先..

Pceworld兄: 好期待你啲私人珍藏相呀!^^
Ccooww師兄:金牌瑤瑤咁高級, 小弟見過但好似未玩過, 仲有銀牌瑤瑤呢, 呢類勁瑤瑤真係飲汽水飲到嘔白泡都未必中到!
瞭望台師兄:嘩!勁!咁都記得幾錢一支! 唉! 我完全無哂印象…
想請教大家 , 金記大家應該知係邊度, 果時附近有間賣涼果小食嘅雜貨店, 我細個時好鍾意係果度買散裝朱肉鬆,我地叫個老闆做"貓王", 知唔知道間雜貨店叫咩名? 個老闆點解叫佢做"貓王"ge ??
仲有, 講起大檔湣野, 唔知大家有無幫襯過近金記果頭一檔由一個駝背伯伯做主持嘅大檔呢?

Ccooww師兄:
你所講o既嘅我都無乜印象, 我講緊果間金記茶餐廳以加仲未執, 仲幾旺tim, 但無做夜市, 系係筲箕灣道滙豐銀行對面左近, 超過30年ga la!!
啲餐嘅款式唔多,都無乜點變, 啲人好鍾意絲襪奶茶, 果對殘舊絲襪, 都唔知仲係唔係三十幾年前果對!! ^^