引用:

原帖由 36D 於 2010-12-3 16:47 發表


可能小弟老餅，想常年，小弟與D婆結婚，背起背囊两人共遊絲路去也，不知幾爽， ...

若然並非上等人家或商家應籌需要，實無必要如斯鋪張。  

至於黃小妹賴係新娘子之個人主張，我想未必。我有理由相信乃港女父母所為而矣！

小弟乃受害人之一，婚宴當然不會如此浮夸，但亦被迫擺十圍八圍於女家，男家被恩賜可另日擺，但亦要擺一圍。

我曾作出反對，但日後與女家關係不和亦由此起。

Albert兄與D兄你們着實幸運兼幸福矣，而D兄更可瀟灑往絲路渡蜜月，我想都冇想過呀！我只想早日儲夠首期買樓而矣！

可恨我多年積蓄，一朝清袋。佢哋有否想過，佢哋當晚嘅快樂乃建築於我痛苦之上，佢哋當晚所享用的，乃我之hard earned money呢？

引用:

原帖由 hkgalbert 於 2010-12-4 01:14 發表

古人有云：「小財唔出；大財唔入！」明未 ...

我明！我極之明！

不過若然佢俩老能夠睇長線，當時唔係殺雞取卵，攤長嚟食，亦冇傷害人民感情，我諗大家會好玩啲嘅。


啱吖，十圍酒就算在半島酒店擺都只不過區區廿多萬，就算200多萬我都勉強俾得起，不過係講响今日，而唔係當日赤貧時。

至於Albert兄用「有限只夠」購買樓、買車嚟形容老兄當時工資，那小弟着實找不到更低下嘅用詞去描述我當時未能買車、買樓之苦况矣。

我當然有聽過話「小財唔出、大財唔入」喇，但將愛情商業化，未免有點兒那個矣！

我認，我衰仔、我契弟、我抵死，冇錢學乜嘢人講愛情呢啲布什維爾小資產階級玩意呢！

引用:

原帖由 suewong 於 2010-12-4 17:18 發表

p.s. 結婚時飯票 arm arm 攞左荷蘭水蓋, ..

黃小妹，以妳今時今日嘅身份，我睇唔到邊個會咁冇有識死敢蝦妳矣！

引用:

原帖由 36D 於 2010-12-6 08:54 發表

大家睇下而家D後生，結婚搞大佢，係因為要互相攀比呀！可憐！

好叻唔叻，互相攀比學識及修養就話叻啫！

其實唔好乜都怪晒啲後生仔女，有其父母必有其子女，正一唔好大教壞細，佢哋都係有樣學樣啫。

祖家當年批鬥黑五類嘅對聯講得好，門两邊分別掛上：

「老子革命兒好漢」及「老子反動兒渾蛋」。門眉正中寫上: 「當然如此」。

好句，夠晒精景地描述父母對子女之深層次影响！

黃小妹响樓上話新人在台上少講感激父母養育之恩。若然如斯鋪張乃家長之鬼主意，我着實無法感激矣，愚忠愚孝，非我杯茶。

兼且子女被生出嚟，並非用作父母頭上光環，襟上勳章，以作炫耀之用。

佢哋之被生出嚟，係俾「真正」嘅父母愛錫、呵護，讓你享受、欣賞其成長，跟佢一起分享苦與樂。

其實小朋友要求並不高，只要你對待佢哋猶如你對待家中之寵物就已足夠了，no more no less。

你又曾幾何時有要求家中猫猫狗狗，雀鳥金魚，要乜嘢報答孝順，這樣那樣多多要求呢？


佢自少由你凑大，都可以唔聽你話、唔孝順，你都夠晒失敗矣。唔自我反醒，仲賴佢？


我打死都唔信，若然你一心一意好好教養愛護子女，at the end of the day,佢會反骨，no way!

而事實，現今好多所謂父母，其養育子女跟feed寵物差不多，甚至乎更差呢！

引用:

原帖由 36D 於 2010-12-6 14:46 發表

而家D老豆老母，要同D一兩歲仔女全英文對白。D英文難聽之極，時式錯曬，仲大大聲，

為人父母者，想造就一個英語環境給小朋友，咁做法亦無可厚非，可以理解。

所謂教學相長，父母亦可由此自我完善，不失為學習英語方法之一。我們就以對鬼佬學中文之態度視之，講錯得啖笑，用鼓勵及欣賞心態好了。而學習外語法寶，不外乎多講、多聽、多閱、多寫而矣。

其實當今各學科，英語及電腦乃必修者。祖家有義和團餘孼、糞青話中文將會取代英語，成為國際語言。慳啲喇！作大冇藥醫！

揾江生嚟鬧醒吓佢哋至得: Too simple, sometimes naive!

引用:

原帖由 suewong 於 2010-12-6 17:38 發表
大環境 / 朋輩 / 社會, 都有影響…, 生兒後, 可以撒手不顧 / 不聞不問, 父母養育我成人, 已是對我有恩 ...

雖說兒女成長，社會、朋輩都有影響，但為人父母，責無旁貸，不可姓賴，此亦非藉口，用以成為洗脫疏於管交之嫌。

至於話生兒後，可以撒手不顧，不聞不問，那就不佩為人父母矣。因每個小朋友皆需要有父母去養育、教導、保護，而此職責無人可取代之。

而父母養育我成人，已是對我有恩之說法，有相榷之處。是否有錢掉低個小朋友俾個賓賓凑大，推說要揾食賺錢，其實男滾女勾，就叫養育之恩呢？那日後要報答養育之恩，要報答賓賓才對。

妳答我，第日四叔三個孫長大成人，要報答四叔個仔，抑或生佢哋個代母呢？

又若然有個強姦犯，強姦咗個一齊去wet嘅少女，生咗個仔後由保良局接收，再被一對夫婦收養，悉心養育，呢個小朋友長大後，是否要去報答個強姦犯同佢生母生育之恩呢？

套用劉華句嘢: 「今時今日，咁嘅養仔態度係唔夠�謘I」要講養育質素、愛心、耐心、同犧牲�謘I即係親子、關愛呀！明冇？

引用:

原帖由 老何 於 2010-12-14 10:31 發表

我倆情投意合, 不理雙方家長吵鬧, 一於旅行结婚, .........係咁先！...

好！有種！叻仔！吹呀！

引用:

原帖由 老何 於 2010-12-14 10:31 發表

我倆情投意合, 不理雙方家長吵鬧, 一於旅行结婚,係咁先！...

另外，更祝阿牛＋Bobo早日儲夠首期，好快上到車買樓！

擇善固執，無須理人閒言閒語。

記住，一個成功嘅人，多數係與眾不同，亦從來係孤獨嘅！

而千萬個失敗者將會自願咁俾你踩住上。

努力！加油！造反有理！

引用:

原帖由 老何 於 2010-12-15 10:56 發表

但身為家長, 明知陷年青人於債海, 還推之上路, 簡直可惡。 ...

我諗皆由於為人父母者，搞錯晒養兒育女嘅真正意義，一如我之前所述，只想子女成為其頭上光環、襟上勳章，用其為光宗耀祖之用。

惟往往恨鐵不成鋼，唯有用錢撘夠，致有此鋪張舉動而矣。哀哉！

引用:

原帖由 36D 於 2010-12-15 16:12 發表

其實結完婚，就耍揹數，又耍供樓，又要久唔久去下旅行，又耍供Iphone，幾時先出生天

真係百思不得其解，我哋40/50後曾經深受此吃人婚禮儀式所害，以為此乃最後一代受害者，居然仍會發生响下一代身上。

一如為人母者，慘受上一代重男輕女所害，居然再次加害自己女兒，是否有虐待狂，又或想揾替死鬼，要見他朝君體也相同才罷休呢？

何必要制造人民內部矛盾，傷害人民感情呢？佢哋係你親生子女嚟�謘I

引用:

原帖由 suewong 於 2010-12-15 18:38 發表

父母要負責任既係: 教唔到仔女正確價值觀; 豪華婚禮, 唔應該付錢 / 補助... ...

黃小妹有學識即是有學識，此乃真知灼見，睇嘢 right to the root of the problem, 叻女！

引用:

原帖由 理魯竇 於 2010-12-16 00:16 發表
現時d婚禮越玩越浮誇，老野們要負大部份責任。 ...

Absolutely!

引用:

原帖由 LouisLee 於 2010-12-16 00:26 發表

家長要講排場, 威俾人睇吖嘛！！！

Louis兄言之有理，啲家長冇腦，用錯方法去show off。見自己一生都冇乜嘢叻，又怕人睇少，唯有充生晒，自卑引致自大，悲劇！

其實佢哋將啲仔女好似馬騮咁舞，形成三輸局面。  

一，破壞與子女關係。除非啲仔女俾佢哋教到咁低B，以為好好玩又另計。  

二，老本一晚清倉。除非獅子大個口，斬咗襯家一大筆。但咁好cheap啫，俾人睇少貪錢賣女，有失身份，市儈兼冇人格，日後見面仲俾人嘴喵喵，何必呢？

三，乞啲賓客憎。山長水遠，餓到咕咕聲成晚仲冇得食，被迫睇埋啲too simple, sometimes naive唧都唔笑嘅低級趣味笑話及核突遊戲。唔怪止得當晚咁多人走埋去問候佢娘親喇！

咁吖！咁有表演慾，又想凸出自己，不如加多幾錢肉緊，豁出去，實行當眾剝光猪，表演轟動全球，首演响婚禮嘅打真軍floor show, 又lap dance, 又鋼管舞咁。

最好仲有金瓶梅七十二式全新演譯，咁嗰500蚊人情就抵到爛，好過舊時去九龍城寨氹仔睇嗰啲俾人呼呼喝喝，有飛揸飛、冇飛揸定錢嘅真人show，起碼有茶有水，可以坐定定睇，咁大家又開心！  

引用:

原帖由 suewong 於 2010-12-16 20:53 發表


筆兄成日講到自己 點點點, 其實好有舊式中國人既風骨, ...

所以啲人成日話，竹門對竹門、木門對木門�謚捸I

就係費事邊個貪邊個，多多是非！

引用:

原帖由 suewong 於 2010-12-16 21:52 發表


有舊同事話, 頂唔順我睇世情咁通透...

我情願能夠睇得透好過睇唔透矣！  

起碼唔使俾人當Lu Lu 吖！

引用:

原帖由 理魯竇 於 2010-12-17 23:19 發表

我就太率直，同佢講好似娶老婆的錢都未還俾你喎，佢的錢係唔係全部你俾架？老友聽罷非常無癮。 ...

你老友咁充法，家陣咁風光，不知會否前半生使埋後半生嘅錢呢？

我哋識為將來打算，冇佢咁豪，因我哋會level一生財富及享受，以致用今日嚟睇，會俾佢呢亭人比下來，顯得寒酸，但勝在長食長有。

除非佢真係大把錢，否則我担心佢計錯數。若然佢個仔at the end of the day，只識玩潮卅音樂，咁就晚年臨老唔得過世矣！兼且個仔的確使大咗，自己養自己都掹掹緊，何來餘錢飬番你呢？要怪就怪你自己教到佢咁唔長進，識使唔識揾罷了！

香港好多老人家就係咁，晚年喊苦喊忽，搞到要食綜援，又賴仔女唔飬番佢，原來自己責無旁貸。

我都係鍾意早作籌謀，為自己晚年活得有尊嚴與否之權，穩操自己手上，好過到時靠人施捨。