各位，你好，我在22座大的。

Show 下 Quli 先~~~
1. 住左22座 20年
2. 看左兩小無猜 8 次--- 本應看完第七次已經唔再看，但最後麗宮大大招牌話最後今次播兩小無猜，0n 車車又去看埋送別最後一次。我隔離屋就勁喇，佢前後看左14次。不過最近又想看，終於給我找到隻VCD，原來我家姐以前買左隻正版，哈哈哈。
3.最喜歡在23座安園冰室飲佢奶茶，長大後上班，每天必飲完才搭車。搬走後，有時星期六會特意開車去飲，最后一次飲就是佢光榮結業最後一天，佢班友有我這老顧客，最後一天都還仲要收我錢。   ， 老闆娘其實有兩架的士，唔駛做都掂。上面看到說他們投了KLN City 法院Canteen 做，唔否現在仍是呢？ 等我回味下他們的靚奶茶。

[ 本帖最後由 ECSC 於 2008-10-25 16:55 編輯 ]

上文有朋友講東頭村23座的安園冰室已去左九龍城法院飯堂開檔，
今日專誠開車去看下，可惜，原來個飯堂無開左幾個月了。

東頭村記憶之一:
(這下面講的並非最懷念，大把其他，慢慢寫)

我入住22座是5歲半，好肯定的，因為我入讀幾個月21座頂樓的幼稚園，行樓梯行死我，，我好記得，
如何入住22座這些靚樓，我都記得，慢慢講歷史罷。

先講一樣:
我記得去21座李記士多，店面是商店，前面賣野，可以付錢買多士食，但店後面是要付斗零看電視。
成班細路排排坐看電視，幾十個細路看卡通。
我當時都覺得佢地咁樣做生意會發達，唔知佢地今日如何？
我當日得幾歲唔記得了，但都覺得佢地會賺大錢(當日)，我當日得幾歲都好懂事
我付錢去看電視時約十歲罷，好似是麗的呼聲。


2008今日話:
只要在東頭村1966年當日有個地鋪，佢地應該生活無大麻煩，可憐只是我老豆上一輩和大家的上一輩，
搵份工都難。

其他慢慢講。

[ 本帖最後由 ECSC 於 2008-10-27 19:41 編輯 ]

當然有去過，我哥和我好辛苦有零用錢買左架雙星模型船，佢我大家要自己砌，弄好都幾日，第一次去摩士放，就有管理員竟然話這裡不能放船的，話充公我地的船。
真係給佢取走左，好大架，唔便宜的，可憐我地細路仔唔敢講任何野，連爸媽都唔敢講。

現在回想當然是管理員簡直是強搶喇，我地是十歲八歲乜都唔識，回家仲驚爸媽鬧點解無左架船。
講都唔敢講。

當日真係做官的人，夠膽收貪污又發，大到小都貪，連個公園管理員都騙/搶我地細路的船。

加入這版後，好想找翻自己兒時的東頭村照片，床下底的確收埋一些。
昨天好辛苦拿翻成個紙皮箱出來，發覺都唔得幾張有東頭村環境的。

振興可以賭外圍狗的？那是16定17座。
22座無茶樓的，21座好似叫英記？

當日持刀打劫橫行，我得十歲大都遇上了，晚上六時和鄰家同樣大的小孩坐升降機(即是lift喇)
架lift只停九樓和13樓，在九樓給三個賊人持刀打劫，成lift有成十幾人爆滿的呀，仲有個是拿著石油氣樽送上門。
賊仔要錢要手錶，竟然那些成人個個俾，無人反抗，我和鄰居傻仔兩個，on居居都在袋中拿出幾蚊給賊仔他們。

跟著賊仔看著架lift關門才走，架lift繼續上翻十三樓，受害者各散東西。
我就唔抵得喇，回家就打999，警察來我家調查，又帶我坐警車回黃大仙差館看慣犯照片認人，認唔到，反而我提醒回去振興酒樓看下會不會打劫完就去賭外圍狗，咁幾個便衣，真係聽我提議，一齊坐私家車去振興看，嘩，晚上星期六罷，坐滿人賭狗，可惜無我找的賊。
果日對我來說極刺激，可惜當時無寫日記。不過我今日都還記得。

我當時約十一歲炸。我和鄰居給打劫兩元罷，但我都會去報999，可憐好多大人，交錢交手錶，又根本唔報案。
果個送石油氣的工人，好大隻的，竟然又唔反抗，掉個石油氣樽落賊度，都可以做好多野。我得十歲，根本唔可以做乜。但我可以過後報案和提議去邊拉人。


後註:應是林園，不是振興

[ 本帖最後由 ECSC 於 2008-11-14 12:16 編輯 ]

引用:

原帖由 kentli 於 2008-11-14 00:55 發表


賭外圍狗的是19座林園

你對的，我記錯了，是林園~~~~~~~
我亞公都好喜歡去賭下的

引用:

原帖由 wsk88 於 2008-11-16 08:30 發表
我見到張相,第一個感覺就係19座轉向20座21座之間嘅位置
但係景物有啲唔同,我唔咁肯定張相係唔係東頭村

我找到個 blog，人地寫這張相是1964年東頭村東隆道
我幾肯定影相的人，即抬泥工人位置是站在21座影的
左手邊的樓是20座
http://hk.myblog.yahoo.com/jw!.q_TRyqFGRsWs4hGFtRgcA--/article?mid=86

21座的地下比22座地下高好多，因為斜路來的，所以20座又比21座地下高少少，圖中可看到要上幾級樓梯。

轉一下話題，
有日我睡醒，竟然看到22座樓下空地，停左架爛直升機，我地這些細路當然入去玩喇。
架直升機當然無乜儀器或乜，但已經非常好玩。
那時應該是1969年左右。
唔知點解有架爛直升機停在溥仁小學旁，玩左好耐，又唔知點解架機又給人搬走。

我今日都覺得是迷團，大家知點解嗎？

架直升機唔係天跌落黎的，是有人搬來的，機器和大車葉已拆走，得個壳，錶板和座位等。
我地成班細路日日走入去玩，相信都無野好拆，
玩左兩星期罷，又給人搬走了。

當日是放在22座向南方向，溥仁小學右邊(向南方向說)，那時無樹木的空地。

你們還記得每年中秋節，七層大樓就在走廊圍欄，點上一大排蠟燭，大家鬥多，點知風一吹，各人又忙於點翻著？？我住在22座，無得玩，只能看21座和第一座互相鬥快的情況。

引用:

原帖由 yesterdaywth 於 2008-11-21 08:37 發表


ECSC

你有幾遍文章沒有了,是嗎?

我自己刪去的，日後整理好才寫過。

不如講下東頭村花絮，可能大家會有共同興趣。估下是邊個？

------ 東頭村的靚女之一  -----

23座安園冰室旁邊有間照相店，大家要影學生半身相，一定會去，這照相店名稱我唔記得喇，老闆是個好粗壯和一點肥的男人罷，兩公婆開的，兩個都好好人的，收費也合理。(是否叫名仕照相店？？？？？)
講靚女，點解要講影相店佢地？因為佢地將一張女學生兩吋大的照片，放在玻璃櫃內裡給你看，問你是否影這兩吋大的學生或護照相。而相片中的女學生就靚囉，我一世都記得，這女孩住在我22座的，真人兩姐妹都極靚，但當時我覺得佢家姐仲靚，可能是年紀跟我差不遠罷。
相片是細妹的，年紀比我少一點。

這小女孩是邊個乜？ 長大後成為明星，經常見報。
先不多說，大家猜下罷，大家猜一猜是誰？

[ 本帖最後由 ECSC 於 2008-11-28 17:44 編輯 ]

引用:

原帖由 東頭村四座149 於 2008-11-29 01:33 發表
江欣燕-江欣慈

我說的不是這位，江姓的我完全不認識，是否往在東頭村更不知，抱歉。
我說那兩姐妹，應該只是妹妹做了明星，其姐姐沒有做明星，但我覺得姐姐更靚。

開估，我講是邱淑貞
佢未搬走前某DJ 經常用架紅色跑車送佢回22座。

引用:

原帖由 beautifulcats 於 2008-12-1 12:54 發表



無錯，就係名仕照相!     各位好，我是1970-1982住23座9樓的，溥仁畢業

你好呀，我都是溥仁畢業的，但應該比你早得一點罷。

[ 本帖最後由 ECSC 於 2008-12-2 22:41 編輯 ]