尋晚一次好笑經歷

小弟尋晚駕車時遇到一條茂利，想同大家分享一下

話說小弟尋晚由大埔去上水，停於太和對出上high way燈位前o既快線，隔離線有架大benz，轉燈後大家開車，佢架車快我小小，我諗住佢會俾油cut我線，都預左收慢俾佢過，點知佢就o係同我幾乎平排o既情況下扭細軚，慢慢咁壓過我度，我要俾佢過，就要急煞，但係後面有車跟，盞炒，所以就響安向佢示意，點知條友即刻扭到部車舞龍咁款返過自己線，我望一望過去，見佢一手拎住部電話，原來條友掛住講電話，望都唔望就cut 線，妖！當時佢就向住我爆粗，我都費事理佢，繼續前行，佢就o係我後面入左我條線，仲猛咁響安呠我，呢個時候我就滾滾地，舉起隻中指問候番佢。
條友一路跟住我尾，去到一個彎心時，竟然想過我，當時我架車o係路中心，佢根本就唔夠位過，仲想監硬o黎，o係果一刻，我就知道條友係唔識查車o既。
跟住去到大路，我cut出去粉嶺、上水線，我都預左佢實會閘我車，點知條友俾油，衝到o係我車前面三、四個車位距離，然後就o係兩條行車線中間扭屎忽花，然後返番過去康樂園線走左去，果一刻，我就知道原來條友係低能o既。

遇到呢d低能仔，我只覺得好好笑，冇技術、冇禮貌，又要自以為好醒，以為手車好勁，駕駛態度差劣，某情度上，呢d 人造成o既車禍可能唔會比醉駕少。