呃錢概肥良

肥良到今時今日呢個境界，係咪應該退休呢？
對漫畫o既熱情冇晒，一日到黑就掛住打golf。
故事九唔搭八兼老土，食老本、犯駁，令人越睇越火。
跌書時，佢從來唔檢討自己o既問題，只係不斷賴d 助理唔掂影響佢o既水準。

其實佢有冇諗過，家陣武神o既水平不斷下跌，令到讀者對佢失望、絕望，最後cut書，原因絕對唔係o係d 助理度，而係佢自己冇心機去寫，家陣o既武神莫講話帶驚喜俾讀者，睇完之後，就算連少少o既滿足感都俾唔到我。
肥良家陣只係跟緊佢偶像o既舊路行，只不過佢青出於藍，遲起步而好快就追上對手，本書o既水準跌得俾風雲、黑豹、龍虎門還要快。
而家睇武神，就好似早年睇風雲一樣（風雲我cut左幾年），感覺就好似見到一個年華老去o既美人，但係佢又接受唔到自己已老o既事實，仲要濃妝艷抹咁出o黎示人，美感欠奉，只覺嘔心。
係咪一個人搵到錢之後，就會失去鬥心？失去拼勁？換回來o既就只係一d緬懷過去o既虛榮，同埋一堆推缷責任o既藉口呢？