引用:

原帖由 ploi 於 2008-7-18 17:05 發表



冇錯...之前睇個網站有個顛佬列晒d人物同招式.....
曾經花費幾頁紙去介紹有兩至三套武功所有招式既蜀國四傻(記唔記得邊個呢~~)
最後結果係四人中有三人o係咁多期只出一招至兩招...就拿便當了....

咁又見得 ...

佢有冇研究埋「霹靂狂龍」係咪邪門武功？
事關之前介紹雷神出場時，話佢師父d乜春武功係旁門左道o既邪門武學，所以最後一招絕招只能使出兩次三次，咁計落，「霹靂狂龍」只可以出一野，咪係旁到唔旁，邪到唔邪囉！

引用:

原帖由 天下無敵老祖宗 於 2008-11-13 12:14 發表
係喇, 今期的確無咩特別, 主要交代番戒仔被密宗活佛捉走左, 普陀法王將會搵勇哥要人, 睇黎佢地都會黎一場比試.

另外華九公到左龍虎門, 睇個樣似乎會對韋哥不利.  

放心啦，到左下期，編劇大人們早就忘記今期最後一格講乜，然後就話華九公教韋陀自毀丹田練九霄頂級。
而華九公黎幫韋陀，應該係邪神命令，邪神想要一個夠資格o既對手，幫佢將功力谷上一間or再上，就好似佢同張三豐玩cyber sex果陣咁，被張三豐迫上一間。

引用:

原帖由 neeker 於 2008-11-7 15:48 發表
龍虎門班友都有 matrix﹐仲同王重阳打左一餐添﹐只因篇幅所限﹐冇講到。

絕對唔出奇，上期邪神都同張三豐黎左一場cyber sex

引用:

原帖由 喜歡足球 於 2008-11-21 16:04 發表


我認為不會,兩種武功毫無相關,如果搵武功高的人,助自己提升,大把人在,單是老邪已比韋陀強得多吧!

邪神真係可能食左飯,冇屎柯,搵點細危而已!

覺得韋陀會上多一級,同邪神平手,跟住兩人生死大戰幾期,最後韋仔 ...

我認為火雲邪神係自覺苦練多年都無寸進，想製造一個同自己咁上下level o既強敵o黎場生死戰，等自己o係死亡威脅下可以將功力迫上一級。
至於佢點解唔搵功力同佢差不多o既無敵開拖？可能佢係輸過俾無敵，所以心理有陰影，怕升唔到level之餘仲會俾無敵打死。

引用:

原帖由 不平凡人 於 2008-11-29 02:30 發表

原來做廣告既,...失敬失敬.....
我岩岩就比人裁左出黎...(之前係做出入口公司既呀4....今日last day..)...
冇計...歐美冇乜人買mp3.,..唉~~~~h:" />
睇黎要cut緊d漫畫先得..
e+我一星期..剩係買 ...

下？咁大鑊！家陣點？有著落未？

引用:

原帖由 休谷客 於 2008-12-4 15:11 發表
今期今期韋陀大發神威，打到老魔一頭破血流，勁！　

邪神果然係利用韋陀，把易筋經推上頂峰！　　

今次我估中喎，呵！

引用:

原帖由 不平凡人 於 2008-12-3 00:52 發表
1) 借幾廿萬比我...仲要係唔駛還o個隻...
2) 介紹份工比我...人工就.....嘿嘿...
3) 介紹幾條女比我識...仲要係x完冇手尾...
4) 用原價同我買哂我屋企d漫畫連副產品(應該夠我比首期..)
5) 講下一期6合彩開咩no比我知....要6個連特別號碼.....

紅色果項有意見，應該要d 女可以幫你搵埋錢嘛

引用:

原帖由 不平凡人 於 2008-12-4 21:48 發表
我不嬲都多like駛女人錢............
話時話,.好耐冇見你上我forum...去左邊???

屋企上唔到網，家陣極少online，慘情

引用:

原帖由 金屬狂人-Ⅱ 於 2008-12-4 21:08 發表

我有少少保留,邪神利用韋陀...
但話唔埋係韋陀亦利用邪神將九霄九章推上頂峰...
要戰後餘生就睇吓邊個最快推上功力頂峰

對住第二個就或者有咁o既可能，但邪神有老黃神功護體，win硬

引用:

原帖由 sammy20072007 於 2009-1-12 12:11 發表
今期銅猩真係勁，勁就勁在佢之前無咁勁個���鰿x東之後學埋連醉魔、王小龍都唔識�鴾Ⅷ做晷レ茤�顯大躍進，噓！佢�麊穛{直情係超越一般龍虎群英，事關佢本身已經同龍虎門班友仔零捨唔同，龍虎門班友成班靚仔到好似台日 ...

佢咬人果下真係超正，仲要話佢已經咬死過好多人，呢d 至係打爛仔交o既風範嘛！邊似得班正牌爛仔，打親交都掌風腿風，完全冇話真正埋牙o既

引用:

原帖由 桃花居士 於 2009-2-27 09:32 發表
洪東：主力以招式纏著邪神
小龍：配合洪東遊鬥邪神
黑龍：金鐘罩擋邪神攻擊
玉兒：著低胸裝擾亂邪神
小虎：執死雞

除埋衫跳table dance效果應該會好d

引用:

原帖由 不平凡人 於 2009-3-9 21:31 發表

可能佢用d神奇brabra呢.....實際只係得b cup :p
不過好奇怪...邪神要抽水..點解唔用龍爪手揸玉兒隻奶..而要一掌壓落去玉兒中間條溝位呢????就算係壓中間位..都唔應該係上面..而係壓落佢下面..感愛下玉兒d毛 ...

明知自己堂妹都抽得落手，老黃上身咩？

「手查」波「手查」死人，不愧係港漫至尊，經典之作！

引用:

原帖由 阿左 於 2009-4-5 23:10 發表
閻羅勁十八層只係高過藍級少少,班友仔又有可能唔記得喇...

佢地補鑊話閻羅勁要凶狠先會發揮最大威力,不過獅王心經+五陽都輸,會唔會過分左d呀...

閻羅勁十八層係接近白級，老妖打玄難果期有提過

引用:

原帖由 冰河 於 2009-4-10 00:53 發表
今期個招名迴轉壽屍，睇到我O哂咀……

同感，一睇到即時心諗「老編，你玩野乎？」

引用:

原帖由 不平凡人 於 2009-4-11 03:40 發表
今期風雷傳話強姦興會跟龍虎門喎...
仲講之前優化...開頭好左..後尾一般...e+衰哂....
佢講d野好岩...但係比佢跟.....好可能又玩到爆左地球...

冇野下話？強姦興編新龍？即係叫我CUT書？我家陣個個星期都第一時間奉獻14大元架，顧下我感受好喎！
堅決反對李中興呢個文盲插手新著龍虎門

引用:

原帖由 a1771550 於 2009-4-13 10:50 發表

Keynnger兄, 除左風雷傳俾興記編得過哂火位, 其實佢以前編既街霸都幾好睇, "皇者令"."霸者令"既構想到依家仍然深入腦海. 如果唔係佢編街霸出色, 單靠主筆深既美式畫風係無法吸引我去追呢本漫畫.

不過佳兄既顧慮 ...

街霸本身冇漫畫歷史背景（或者有我都唔知）所以任佢天馬行空，點吹都得，但係龍虎門唔同，硬要加入佢果D「機甲蟑螂」、「思覺失調攻擊」，無論如何我都接受唔到。
況且當年街霸佢唔係編，係「抄」！佢從來都冇自己原創O既O野，乜都係抄返O黎，O係日本漫畫東抄抄西抄抄，就湊成一個故事呃錢。a1771550兄你所提及O既「皇者令」，正係出於肥良手筆，早於《我若為皇》內出現，強姦興個賤精只係由「皇」生「霸」，作多一個霸者令O黎掩人耳目，憑佢D水平？乞兒令都作唔出啦！

喜歡《龍虎門》O既朋友請入O黎簽名支持
http://forum.timway.com/f/thread-254695-1-1.html

引用:

原帖由 金拿督 於 2009-4-20 22:49 發表
今期﹐老虎仔打住西門家代表o既旗號踩上陳家話要參賽﹐主要目的當然就係想打探老虎下落。不過﹐除非小虎認西門家主做契爺﹐或者係契哥﹐唔係真係名不正﹐言不順。另外﹐新著呢次改由小虎出征都算係一個突破﹐希望陳十 ...

舊著時都係小虎做西門家代表，四大世家之戰係認虎符唔認人，所以邊個人都好，只要拎住代表該世家O既虎符，就可以出戰爭盟主

引用:

原帖由 天下無敵老祖宗 於 2009-4-23 19:01 發表
無敵響韓國果邊忙到七彩，分身不暇，真係唔明佢點樣可以傳功俾小虎？

容易啦，話風雷教左佢分身術咪得囉

引用:

原帖由 亞佳佳 於 2009-5-13 15:06 發表


九陰共有幾多章?

老黃有心玩小龍OR文盲興接手玩龍珠的話，分分鐘過千章

睇左今期信箱，個讀者話小龍唔應該練九陰真經，話九陰真經係至陰至柔武學，應該由女性練至o岩，睇黎真係有好多人對九陰真經有所誤解。
其實九陰真經係出自射鵰英雄傳，講述黃裳受皇命，編集全國道家經書，於編書過程中，黃裳從道家學說中領悟出一身武功。
其後黃裳又受命討伐來自波斯的一個教派（明教？），打傷打死對方不少高手，之後被糾黨復仇，黃裳身受重傷，而家人更被對方殺盡。
黃裳決意報仇，但自己實力不足，心知要創出破盡對方所有高手武功的武學才有報仇把握！但對方糾集了的高手，幾乎每家每派的都有，當黃裳成功創出這絕世武學，已是數十年之後，他的仇人差不多已死光死淨。
復仇不成，黃裳亦不願自己一身武學失傳，於是便將之寫成《九陰真經》。
所以射鵰中說到「九陰真經博大精深，是集天下武學之長」，九陰真經更可以破盡天下武學，絕不是部分人所認為的「至陰至柔」，應是全面而剛柔、陰陽並濟的武學。
至於倚天屠龍記中，各高手覺得周芷若的內力至陰至邪，該因為她所學的是速成之法，加上女性之軀以及復仇並充滿邪惡之心影響所致。

又記得之前有師兄話九陰、降龍同是出自易經，亦係不對，事關九陰係出自道家學說，雖然亦有陰陽之說，但並唔同易經，易經係專研八卦、陰陽生克等，亦有人用於占卦方面，但係道則包羅更多，於道家而言，道即萬物之源，天地之始，道德經有云：有物渾成，先天地生，吾不知其名，字之曰道。

引用:

原帖由 a1771550 於 2009-6-6 00:00 發表
Ken兄對九陰真經既來歷講得好岩, 但其陰柔屬性則連老金自己也肯定的, 倚天第一集有講, "九陽神功" 創始人是因為看過 "九陰真經" 後, 認為九陰太偏陰柔, "極陰會成災" (something like that), 於是自己就創出 "九陽神 ...

倚天有咁講？又係所謂修訂版本？我開始懷疑老金近年有老人癡呆，不斷推翻自己以前所寫o既經典，搞到我地呢群睇佢d著作大o既人完全適應唔到。
降龍掌就確係源自易經，老金於射雕、天龍都有提過，不過龍虎門入面所講o既就可以不理，事關佢班編劇對呢d抄返o黎o既武功根本就全無認識，o係一知半解之下亂九咁up，乜叉武功都只係話練到幾層就有幾勁，對武學內容完全冇註釋，當然佢地亦冇咁o既能力去為呢d武學解畫啦！

引用:

原帖由 金拿督 於 2009-6-10 23:05 發表


應該唔係﹐要整爆只麼鈦金球濕碎啦﹐小龍只需要過少少功力俾玉兒﹐一招劍芒就可以搞掂只雷射球。舊時月聖使練功幾尺鋼板都射穿﹐家陣有小龍九陰坐陣﹐要篤穿只尺幾長波仔決冇問題。另外﹐我唸救命一招應該係話保 ...

應該係幾條友齊齊大聲嗌救命

今期玩舞王大賽，全期都係o係Disco入面搞野。
老黃唔知係咪慳皮，求檸其搵間四面有鏡o既排舞室加盞DISCO燈就扮Q晒真DISCO，間排舞室d鏡仲鋪唔到頂添，呃錢咩！
1. 話說小龍同玉兒組情侶檔參加舞王大賽，媚娘本來打算去幫個哎o也仔打氣，點知一去到就聽到人家播Y.M.C.A.，佢老人家果夥不老的心即時躍動，痴起條筋就落場跳老舞，誰知年紀大就真係會機器壞，首歌仲係intro，佢老人家就腰骨打鼓，要人扶埋一邊吸氧，羞家！
2. 蘭花夫人見媚娘失威，心涼之下當然想話出去搶番d鋒頭，況且Y.M.C.A.係自己做女果陣o既飲歌，於是就un下un下咁跳住出舞池，誰知個駐場DJ羅剎女忽然轉首慢歌，蘭花夫人收唔切掣，即時爆血管身亡！臨死前仲大叫一聲TILLERSTAR，個人咁火爆，早年佢應該有份搞學運。
3. 羅剎女見兩位中女都落場，自己冇理由輸蝕架，於是就不守婦道…sorry，係唔安份至o岩。佢播落首歌就唔理個DJ台，走入舞池跳舞。誰知個學師仔陳傲雲唔生性，伸手埋唱盤度亂七咁捽 ，羅剎女即時跟唔到bit，羞愧之下血壓上升，又瓜九埋。
4. 作為舞王候選人，小龍見到三個對手相繼墮馬，心想自己隻盃都應該十拿九穩，不過所謂驕兵必敗，就算贏硬都唔可以放軟手腳，於是就準備出絕招，睇個起手式，似係會跳part霹靂舞o黎娛賓，不過世事往往出人意表，佢會唔會爆冷跳隻慢四，俾d驚喜大家呢？
唔使估估下，今個星期擺明拖橋兼吊癮，下個星期就睇小龍佢跳乜春老舞啦！