以前我住橫頭磡邨26座..幼稚園讀26座天台紫陽學校..
小學讀18座地下樂善堂小學(上午)..

非常懷念幼時橫頭磡邨嘅生活和成長..

今晚睇番以前橫頭磡邨啲相..覺得自己真係好老..

有冇人喺第1座買貓玩?!

引用:

原帖由 林八八 於 2008-12-22 19:43 發表


第一座有貓賣咩！？
住我隔離幾間o個戶就養左兩隻貓好耐
我地自己都試過養過一段短時間黎治老鼠
搵對筷子敲隻碗叮叮聲，佢就自己識走出黎食飯。幾得意gar

漏咗啲嘢..係金絲貓

引用:

原帖由 發記大排檔 於 2008-12-22 23:54 發表


你係咪講"金絲貓"?
以前大排檔後面的士多仔"容記"有得賣!!
最記得既名只有"老篤"，"紅孩兒"!!

係呀..金絲貓

我仲走去獅子山公園捉添..穩啲孖葉黐埋一齊嗰啲

引用:

原帖由 lamlamchem 於 2008-12-23 01:16 發表
另外唔知大家有無養過
楊蟲，像米粒大的褐色甲蟲，火柴盒做籠，用蓮子餵，葯材鋪會收楊蟲屎做中葯。

有呀..喺樓梯級嗰度捉囉

引用:

原帖由 befefecc 於 2008-12-23 00:58 發表

我出小陣街都唔得,今日唔係去水磄山聽日就去馬仔坑捉魚仔
試過夜媽媽摸上水磄山捉和味龍,雖然係街童但唔會學壞

雖然我冇你出街玩咁密..不過都唔少得你幾多..
捉和味龍我就冇你咁上山捉..我係返學前經過啲燈柱下面執嘅..
放學後回家就玩幾粒鐘..我哋睇佢游水..然後放番落地下等佢起飛..
和味龍起飛前嘅特色係背面對翼會震..跟住最後嗰對腳成一字形後就起飛..
我哋一見佢一字腳嗰時就要準備撲番佢落地..玩到佢謝為止..

有冇朋友DIY自己蠟玻璃線放紙鳶..仲有(打飛陀)
我鐘意高莊同馬拉..多數都係喺16座保安買架..
經過樓梯級嗰個大粒墨都潛番一兩張抽獎..睇吓有冇運行..通常都係

[ 本帖最後由 吳講得 於 2008-12-23 17:20 編輯 ]

又到平安夜啦
祝各位朋友聖誕快樂..新年進步..一年好過一年

見到架電視機就諗起..超人..「吉田利用太空囊變成超人」
仲有..時光隧道~講東尼和彼得..前鋒突擊隊~講德軍和聯軍對戰..
聯邦密探~唔知有冇記錯..個主角入面叫伊斯堅隊長..無敵鐵探長..泰山..
另外有一套唔記得叫乜乜艷史~有標叔叔和豬仔..好多都唔記得晒

引用:

原帖由 東頭村四座149 於 2008-12-23 04:35 發表
細個果時覺得老媽和老豆是�峟茈@界的人,老媽是窮人.老豆是有錢人,老媽會買酒樓食剩那些�R腳回家,但都只是晚飯才有得吃,中午從來就沒有�R,豆腐花撈飯、五柳撈飯、菜甫花生撈飯、腐乳撈飯、最正都係豬油豉油撈飯..

我哋都有食..我哋仲落多兩隻雞蛋添..超正..諗起都

引用:

原帖由 lamlamchem 於 2008-12-23 21:37 發表


係咪16座上22座個檔大粒墨, 係個度潛野無好下場, 成張潛野紙無個中, 或是事先挑走會中獎的, 直投搵大笨.

係呀..大粒墨真係奸商嚟架..

引用:

原帖由 林八八 於 2008-12-23 22:46 發表


你描寫得真係好精細詳盡wor， 和味龍起飛真係咁，
你觀察咁細緻入微，大個左之後有無成為生物學家

唔好笑我啦.. 其實我想做醫生或工程師咋

引用:

原帖由 林八八 於 2008-12-23 23:02 發表


放紙鳶就少d，亞媽唔俾玩，話唔小心好易啄到人隻眼
玻璃線會界到人條頸wor。
打飛陀就試得多，當時聖博德隔離有個泥地球場，
好多人會o係o個度放紙鳶，紙鳶線好多時會經過13座上空
我P4前在13座天台慈孝小學 ...

你阿媽同我阿媽嘅口吻咁似嘅..都係話啄眼..界頸..
不過我冇聽佢話..照放

[quote]原帖由 lamlamchem 於 2008-12-24 20:06 發表
吉田超人--- 鹹蛋超人始祖;
時光隧道 --- 淨記得個會轉嘅黑白波板糖圈;
前鋒突擊隊 --- 可能是 "鼠縱隊";
聯邦密探 --- FBI, 全中;
無敵鐵探長 --- 艾朗西;
泰山 --- 最難忘是芝達;
不是艷史 -- 是艷妮傳, 講個會飛的修女;
豬仔與小寶, 難忘標叔叔與法蘭先生, 不過那兩位童星已先後身亡, 一個0拍丸0拍大咗, 另一個好似遇意外...可惜可惜 [quote]



艷妮傳女主角係唔係佢呀?!
不過我講嗰套應該叫爸爸艷史
應該仲有前鋒突擊隊..
還有神偷諜影..合家歡..侵略者..盲人追兇..
神探俏嬌娃..青蜂俠..小露寶..神行太保..
花王俱樂部..
摔角有君子馬蘭奴..熊抱柯利王..印度之虎戴加星..迷暈鎖里雲..

唔知記唔記得有套叫喼士頓大特寫..好似係簡而清做主持..內容係介紹電影..

以上有錯..希望更正..

有冇朋友以前喺屋企聽人哎..

有整鄭堅

木棉花賣

收買爛銅爛鐵爛手錶

磨較剪剷刀

齋滷味..

引用:

原帖由 東頭村四座149 於 26-12-2008 12:08 AM 發表
豆瓜...有豆瓜賣.....
我年代賣豆腐花個亞叔係咁叫,唔知你地有無聽過?
仲有客家婆賣砵仔糕同茶果,
仲有上門幫人電髮

豆腐花當然有啦..當時我哋仲笑佢講豆腐花講到好似「就瓜」
記得...缽仔糕
上門電髮就唔記得囉

引用:

原帖由 東頭村四座149 於 26-12-2008 12:19 AM 發表
午餐邊有咁豐富,生日才有一隻蛋加�R,唔係生日���孎怍f都無蛋食.

我唔係午餐呀..係晚餐嚟架

[quote]原帖由 舊足跡 於 29-12-2008 11:14 PM 發表
係咪"有整洋遮(傘)"呢?? 以前d遮係木柄多，枝架都好"實淨"，布料又厚又大把，
修理就係換過其中已損壞既"骨"枝，或縫補布面，
個人就係背住成袋"架生"上樓叫"整洋遮"！
以當時黎講遮都幾貴，唔係都唔會有梁蘇記「純正鋼骨•永久包修」，厘個金漆招牌口號！
講開梁蘇記順便講佢係1966新蒲崗彩虹道24號地下，開左第八間分店，
以大眾化回鄉客為主，我都曾去買過遮架！

仲有點止整洋遮，其實可以維修得到既，當時都有人做，
比如話換暖水壼膽，仲有最環保既...............收"箕"水..

木棉花即係木棉樹或英雄樹果實裡頭既棉絮，早排咪飄到成街都係呀！
而春天所開既橙紅色花，曬乾就係你飲既五花茶其中之一花啦！
木棉花同油甘葉都係用黎做枕頭，不過亦有人買黎做棉襖同埋棉被！ [quote]


係呀..我講「有整鄭堅」嗰個就係上門修理洋遮..佢個樣好似好惡咁..

收餿水..我哋嗰度都有..佢一兩日揸架貨車嚟水房嗰度收架..
佢仲徒手揀啲骨聽啲街坊講佢收餿水係要嚟餵豬..

木棉花依家都有啲老人家執嚟晒乾..

引用:

原帖由 roverchan620 於 1-1-2009 01:19 AM 發表
26座有士多嗎? 我記得26座樓下係五邑幼稚園啊, 你講的應該係25座中間的士多叫做文記, 文記隔離叫做耀盛士多, 再隔離就係茶樓, 名字忘記了, 我係住係25座的.

耀盛隔離係藥房..三更半夜拍門都賣畀你..
藥房隔離係新興茶樓..轉彎單邊係膠袋加工舖頭..向住馬會診所嗰邊有打鐵舖頭..
輝記冰室.. 有成號..係賣麵粉油糧..轉番向26座嗰邊有個檔口仔係跛佬嚟架..賣生果..
跟住係舖頭有香星商店>>酒舖>>米舖>>雜貨店[好似叫同發隆]>>商店>>龍珠商店..出面擺兩部波子機..入面係畀錢睇電視>>
打鐵舖>>理髮店...

第 26 座   地下：五邑幼稚園..天保民學校[唐氏綜合症]學生..  
基督教學童修車工場..

天台係紫陽學校..後期改咗住戶

引用:

原帖由 CB2138 於 1-1-2009 08:18 PM 發表

天寶酒樓由細食到大,我成日係天寶隔離既錦泰隆米鋪玩架!!
聽媽媽講,第二座清拆後,天寶老闆同錦泰隆老闆一齊係鳳德村沙田坳道開鋪,不過已經冇做很多年 ...

天寶茶樓應該後期搬咗去21座舊忠興茶樓地址..

[quote]原帖由 Anti-air-gunner 於 1-1-2009 09:50 PM 發表
我同意 CB2138 的說法，應該是第 2 座向北那一邊，而非第 8 座。
理由如下：
1. 首先，從圖中人物的衣著，此圖應攝於六十年代初橫頭磡初建成之時。
記憶中那時候第 8 座地下是學校，沒有店舖。
2. 第 8 座旁沒錯是波地，但那波地高出第 8 座地面，較此圖中的高許多。
3. 圖中的「波地」有許多地盤施工木板，換言之，那裡是另一座興建中的大廈，並非波地。
4. 若然此圖係第 8 座，那麼遠處的大廈便應是第 19 座，但你可以看到，圖中遠近兩座大廈並不對齊，
這在橫頭磡來說很少見。（從地圖上可見，第 8 座與第 19 座係處於同一軸線，互相對齊。）
5. 符合不對齊規則的，只有從第 2 座遠望第 23 座，或從第 1 座遠望第 24 座。

當初我看此圖時，已懷疑是第 1 座或第 2 座，因為只有這兩處才符合上述特徵。
既然 CB2138 認識那裡的店舖，故此我相信他的說法是正確的。
圖中的大廈是第 2 座，搭了木板的地盤，是興建中的第 12 座，
遠處的大廈是第 23 座。
==========================================================================================================


我都認同呢幅相係第2座向北





從呢幅相片睇..1,2座同12,13座的而且確係不平衡嘅
但係我唔認同你所講12座係興建中
上圖嗰啲一條條柱可能係街市攞電啲柱..
亦可能影上面嗰張相片角度問題啱啱影唔到12座..

如有錯誤..懇請更正

引用:

原帖由 miceho 於 2-1-2009 12:15 PM 發表
第 14 座 地下商舖- 隸生冰室
第 14 座 天台-康樂小學

細路仔嗰時經常去14座單邊向13座嗰度攞膠花番屋企穿架..

引用:

原帖由 ogkwah 於 2-1-2009 03:01 PM 發表
我都是讀18座地下樂善堂小學(上午校)..
最記得冬天返學時, 係好大風

由其向北嗰啲課室仲大風呀..閂晒啲百葉窗都仲有北風吹入..好凍..

引用:

原帖由 lamlamchem 於 2-1-2009 03:11 PM 發表

哦, 唔怪得我記得21座都有間天寶, 仲以為老人痴呆0忝!!

你邊有老人痴呆症吖..你仲帶咗好多回憶畀我哋..thx