阿標今晚從 8：00 pm 起， 乖乖的對著電視，至一刻前才在 TVB 明珠台上看畢 整個 【第 81 屆 奧斯卡 電影金像獎 頒獎禮】，嘻嘻，自已都要讚自己專心神心！

點解咁神心呢？因為年中已經少大明星大製作，若果連呢類大型年度性節目都唔睇，真係枉為 影視迷！

   睇完才知肚餓，在找點水果吃之前，趁記憶猶新，快快寫下幾點個人感受先！


＊ 今屆的頒獎嘉賓和題名候選人中，一個華裔黃面孔點綴下都無，一反過去幾屆的中國熱，嘻嘻，是晚荷里活變了印度之夜，又掃獎，又唱又跳，相信孟買甚至全印度今日變了國慶日！

＊ 結尾出字幕時，畫面唔跟以前咁重播得獎人的�姨� highlights，改為逼全世界看荷里活 2009 年將會發行的電影製作和宣傳片段！  嘩，大會大概是用此換取電影公司贊助製作費，開源開到呢樣野都用埋，美國的經濟和影視市場唔通真係差成咁！

＊ 阿標睇呢類頒獎禮一向只求娛樂，嘻嘻，今次竟有一個 眼濕濕位 ，嘻，不是紀念 2008 死人榜果段，果段其實好曳，掛住影唱歌，攪到 d 死人照片在 wide shot 內的懸掛電視機內零零碎碎出現，我地想看也看不清楚，整段毫無感染力，失敗！
  其實，阿標的喊位在五位前最佳女主角 頒發今屆最佳女主角時出現。    這節真不愧是荷里活專業的表演，每位女頒獎嘉賓的說話內容一流，well scripted，有針對性，deliver 時演技精湛，感情澎湃，候選人又配合地在 30 秒內邊聽邊眼紅，攪到鐵石心腸的阿標，都無情情唧左兩滴男兒淚來贈慶，唉 ~~~  
忘了說，以上要讚的嘉賓不包括 Nicole Kidman ，她大小姐的一段說得有神無氣，無心無力，給大大比下來，大概是仍忿忿不平於自己的野心之作“Australia” 在票房和口碑上的全球災難性失敗吧！



   本來仲有 d 其它觀察和感想，不過而家要食野，唔寫咁多啦 ~~~

引用:

原帖由 billchan 於 2009-2-23 16:45 發表
...     期待 仍未看的 本屆 奧斯卡最佳電影「一百萬零一夜」！

阿標在頒獎禮轉播中，看到一場男女少年主角在彩色繽紛的流動人群身影掩映中，一高一低地 互相對望的短短片段，好似幾有氣氛咁，嘻嘻，又早 d 去睇睇先，免得被稍後漫天蓋地而來的 影評 影響觀影樂趣！

香港會在 2009年2月26日星期四上映，阿標剛剛中午時已到戲院預售處購了第一日的票子，一於先睹為快！

引用:

原帖由 super720a 於 2009-2-24 18:14 發表


傳聞亞視拖欠CBS 節目版權費，現時所有由衛星 feed 去亞視作為與美國同步的CBS 節目都已經停止....
包括：Late Show w/ David Letterman
60 Minutes
CBS Evening News

   哦~~ 拖欠版權費，可能冇晒營運費啦，睇�嚚畦芚u期內有冇生水注入……

    呢排 明珠台 又多返 d 劇集睇！

引用:

原帖由 super720a 於 2009-3-8 14:00 發表

對新劇 FRINGE 有何評價
套劇同 Lost 有D關係，storyboard 又係講D超自然野，D評論話佢俾 Lost 易捉摸好多
原來美國那邊 Season 1結局尚未播出

   TVB 將這套 Fringe 的中文名命為【F檔案】，亦說得過去！  因為此劇集的題材和主角人物亦隱然呼應著上世紀同類型經典劇【X 檔案】！

阿標數月前剛在明珠台重溫了【X 檔案】首季，記憶尤新，兩劇相較之下，【F檔案】勝在製作規模與節奏，卻輸了一眾主角們的神采和吸引力！  

嘻嘻，女主角欠艷光，男主角甫出即死，當然，這死是假局，遲�鴷眺|再現！ 另一對天才父子男主角亮相了四集仍是不討好，天才老父終日獃獃呆呆，高智兒子未見高明，且看以後在劇中有更佳表現否！

題材和處理基本上仍是荷里活劇集公式，每集有一靈異主題，另外有一條有關驚世陰謀的副線在貫穿著，每集逐少逐少透露，嘻嘻，都是我們看慣了的套路！

引用:

原帖由 靚豆仔 於 2009-3-15 00:18 發表

琴晚發現有套劇集睇

   邊一套呀？

引用:

原帖由 靚豆仔 於 2009-3-25 21:03 發表

一定唔係近期既劇集
係舊既

    好多舊劇集喎！  就算「大冬瓜」都係舊倉底貨！

引用:

原帖由 HJ2127_ATR1 於 2009-3-27 12:36 發表
怪唔知得，唔係咁好睇。　 　好在今晚停播。　

  【大冬瓜】係早兩年 TVB 繼【十兄弟】推出後緊接著的製作，阿標只看了首集的片頭和頭幾分鐘！

主題曲不起耳，又不夠輕快跳脫，片頭設計毫無神采，溫溫吞吞，睇完毫無印象！  阿標看了的片段是主角闖入山洞遇仙的一段，叫做是有特技的高潮戲，但拍來悶悶慢慢、簡簡陋陋的，對白白痴當有趣！   於是立即唔睇！


  阿標原本都想捧�鼣鶠A叫做向當年粵語片名導演 吳回 的經典同名粵語神話電影【十兄弟】和【大冬瓜】致敬，但今作如此水平，罷了罷了！

    當年粵語電影的神話片種中，較好看的還有桃源影業公司的數套【夜光杯】系列，它帶起了新人如賀蘭和藍天等，但更值稱道的，是使天才童星 馮寶寶 一舉攻下全港男女老幼大小影迷的心，自此紅遍影壇，綻發異彩！  


    睇下電視台創作組諸君，幾時會諗起【夜光杯】這個題材，打打把它改編為電視劇的主意！

引用:

原帖由 靚豆仔 於 2009-3-29 21:58 發表

......  除左新聞之外，只有一個節目我會「坐」係度睇  

    呢個你會坐係度睇既節目，我諗我估到係邊一個，係星期日晚果一個，嘻嘻，係咪？


   除左「坐」係度睇之外，仲有邊 d 節目你會係「企」係度睇、「��」係度睇、「爬」係度睇.... �謘H

引用:

原帖由 billchan 於 2008-9-23 16:54 發表
    昨晚在美國，第 60 屆艾美獎 揭曉了，人以戲而名！ 好的戲劇，演出的主角自然容易得大獎！   


    唧唧，醜樣果個 Glenn Close 格蓮高絲，�咫F「最佳劇集女主角」獎！  

另外，劇中飾演自殺的隱蔽基律師 Zeljko Ivanek 也�咫F「最佳劇集男配角」獎！   

  澳洲靚女 Rose Byrne  演技仍青嫩，今次無運行！


唔知幾時有第二輯睇呢！

   【 Damages 】卒之有 第二輯 睇�苤I

AXN 亞洲頻道 （有線 22 台）由 4 月 6 日 起逢星期一午夜 12:00 播映，共 13 集！ NowTV 及 香港寬頻 的播映時間我唔知！

   此劇戲味甚足，阿標推薦！    可惜未有看第一輯的電視觀眾可能會跟不上劇情！

    阿標鍾意睇電視！