The Press Room @ 108 Hollywood Road


....今年新春前後，市面上年貨店子售賣各式油器好像少見了，阿標沒有外遊，留在香港竟然也吃得相當清淡，健康得很！

直至今晚，才被一眾饞人聳擁，帶著跑到荷里活道早前剛開始營業，即被某圈子人仕擁成紅火店的 Press Room 嘗新，結果打破了今個新年以來的規律，吃了頓不太健康的才捧腹而回！

Press Room 此店阿標祇是第一次去，評價感受作不得準，但也可見到有心人仕，在香港可以如何引入美式食店經營之道！

幫襯此店，等位時段，或有心早到一點時，不可不順便到同主鄰店 food shop 看看或試試，店內最特色的是閣仔有恆溫恆濕控制的 cheese room，樓下有精美小食美酒可自行挑選配搭，阿標一行懶洋洋地等位時，挑了點 cheese 試試，更忍不住淺酌半杯，Press Room 桌子準備好時已陶陶然飽了三分！

Food Shop 跟主店都可擇日各多走一轉，嘗試清楚它們強調的，所謂輕鬆好客氣氛下提供精選材料簡單美食是否屬實！

Press Room 是紐約派，店內設計裝飾營運氣氛與食物，都是模彷當前紐約的流行方式，暫時香港少見同類者， 阿標於此店所知祇表面這麼多，有去過的朋友請再補充一下！

[ 本帖最後由 billchan 於 2007-2-25 22:44 編輯 ]

一言驚醒，我都覺得日夜氣氛一定好唔同，要試埋個 lunch 添！....是麥奀記之外的選擇！

引用:

原帖由 利記 於 2007-2-26 10:26 發表
多謝 Bill兄又提供一個好地方

.....你�隅恭h對面停車場有位泊，好方便，晚上我見有人就咁泊係門口！

引用:

原帖由 何去何從 於 2007-3-1 12:50 發表

....哩排想舒服d，6點去鏞記食early dinner多呢

.

.....避開繁雜時段人潮，主宰自已生活空間節奏，羡煞朝九晚八上班人！

我不是中環人，遙看中環半山一帶食店多多，平日衹見每間都似有各自性格特色，每間都可試應試！但到有日真要在中環找食時，總是看遍千店皆不是，怕失望，怕浪費時間，結果往往又前去去慣果三兩間！

麥奀我近日也少去了，可能雲吞麵是屬於夏天的，天寒的時候太多選擇了！你的身軀味蕾在低�鄐U，通常會提醒你去吃另外一些美食！

引用:

原帖由 利記 於 2007-3-1 15:38 發表

我地都係生活係貧窮線之下
我直頭唔敢係�鶧洐像�

   唐唐財爺昨日己經嘔番好多出黎俾你去食啦！

引用:

原帖由 利記 於 2007-3-2 10:04 發表

跟據佢份野咁講
你係唔會收到任何錢
只係下年比少��

....唐少做得揸數人，有哂心計好古惑架！講就簡單，表面上話寄支票銀碼瑣碎又花行政費，但背後下次才退錢對佢有利既野多多，阿標又黎爆嚮口：

》遲退稅政府賺息就人人知啦！

》今年政府賬面盈餘五百多億已比人鬧左，市民下張稅單賬面細左，政府帳面入數少啲，財爺出年比人鬧盈餘多，被要求分錢的壓力大減！

》市民將退稅投入再消費，有短期刺激經濟效應，而家財爺以市民遲成年才收退款的成本，替自已明年的經濟政績買保險，損市民利己！

.......要繼續講仲有好多.....總之俾佢算過度過，搵哂著數唔出聲你都無符！

引用:

原帖由 何去何從 於 2007-3-2 09:54 發表

你誤會啦，我都唔係中環人黎架 ...
係自由無目標人....
weekday 我比一般人更夜收工，同所有美味餐廳無緣
only sat & sun 先可以好好 enjoy 一個 dinner
所以我今日就會開始諗定聽晚食乜架喇 ...

......我睇左你 d friend 咁既講笑口吻，都估到你係「自由無目標人....  weekday 我比一般人更夜收工 」，閒閒適適打打點點家事就是返工，咁計到上床訓覺才算收工，實係比我地呢 d 朝九晚八打工仔 更夜收工喇！明白明白！     所以我話過羡慕你能「主宰自已生活空間節奏」，唔使做上班奴隸嘛   羡慕死阿標呀！

...不過經常諗定下次食乜美味餐廳，就真係我地既共同要務  ...美食經驗，係人生一定要追求既野，阿標第二樣可以隨便 d，食呢樣野就上心賣力得很！

...祝你已經諗到聽晚食乜野，到時又食到好野正野！

引用:

原帖由 何去何從 於 2007-3-4 15:04 發表

......輕鬆少少，自由少少，懶少少，過得好少少....
生活上，好好對待自己.....
美味既一餐好重要.....美食經驗一定要追求......

你以上講的完全係阿標認同既生活態度與追求，雖然有時想做而做唔到，或者做到卻做得唔夠多......

總之努力向這方向堅持，堅持以自己認同的方式過自已的生活，向自己有交待就是了.....  

有人說，吃到愜意的一餐，主要是吃對了伴，多於吃對了食物！你昨晚兩者兼備，恭喜恭喜，真人生樂事！

..在你提起之前，也不知究竟是因人還是因事，阿標近月來對鐵板燒有點提不起勁......

鐵板燒 是那種久不久就會令你有點懷念，但想起來又有點令你暗暗猶疑的食制！阿標通常訂了位後，會開始不期然擔心它的過程是否流於公式化，對最後那碗例牌牛脂炒的蔥花蛋炒飯亦有點抗拒，總覺得它帶來的衹是反高潮！當我吃兩小口炒飯就放下碗時，心下的感覺不但是恐防浪費食品對在座同吃者不禮貌，也像因而會對那個整晚舞弄刀法興致勃勃向你推銷店�堻趙聾�肉海鮮的大廚不敬！

話說回來，三個月前，阿標與友人還不是一樣被肚內饞蟲驅使，臨時意圖覓得鐵板燒的桌子，試電多店不遂後，最後終能在玩具大王蔡先生銅鑼灣的專門店覓得，但一頓精品和牛海鮮貝類等等公式化地吃下來，最後又被那碗炒飯壞了整頓的印象和胃口，唉，所以我有時寧願選擇的和食是魚生天婦羅及炸揚煮物等，而不是鐵板蟯！

不過，你提到的鐵板酒煮大蜆吸引得緊，嘻嘻，阿標而家又矛盾地蠢蠢欲動！��

引用:

原帖由 何去何從 於 2007-3-5 13:08 發表
其實不應係你the press room 帖子講其他餐廳，好似"踩場"咁
但見你對鐵板清酒煮大蜆都有興趣，咁我就放肆下啦
鐵板真係正如你所講，只會好久唔久先會想起，而且亦未必提得起勁去食添
食完後，總係，有點膩，又有點不自然，又有點講唔出既感覺
和牛，唔係我最愛，我愛美牛多，貪其味濃，有肉汁，有口感，貪食多兩粒都唔會有罪疚感
不過食得多steak既，不如試試鐵板，帶點新意，能提高食慾呀!!!

鐵板酒煮蜆係全晚最精彩，我覺得
有幾精彩，都係你快d 去親身感受下啦，hehe!!!
enjoy 呀!!

....興之所至，鍾意講乜就講乜，不拘泥於一題一物，正正是我地提過既經鬆自由懶懶地生活態度，好得很！  阿標早幾日不就在「恭喜利記榮任版主」題內離哂題講左成版 web phone！

   英雄所見略同，跟均勻地佈滿脂肪的和牛比較，我亦是喜歡美牛的肉味與質感多一點，牛柳除外！牛柳太細膩溫純精緻了，沒性格沒勁！

精彩的鐵板酒煮大蜆，好，等我找時間去食下先，回頭又出下報告！

引用:

原帖由 色即是空 於 2007-3-5 14:27 發表


和牛好...美國牛好...澳洲和牛又好...最好食當然係炭燒

....炭燒最能食到原質原味，正！�磪t外，阿標也喜歡在天寒地凍時，光顧日本的韓式燒烤店，以小炭爐銅線網燒烤的吃法，叫碟厚切一級靚牛肉，以備長碳明火烤之，肉香四溢，油脂在火炙下滋滋作響，乘熱啖之，真教阿標不願南面稱王！

引用:

原帖由 細摩 於 2007-3-6 14:28 發表
真係非常羨慕 bill兄同小千...

有時唔係時間問題, 係人事公事令自己不能開懷好好與朋友或情人食餐好...

唯有離盟香港這個是非地, 這個透不過氣彈丸之地.

如果要說吃得滋味, 覺得要整個人放鬆, 三五知己一起吃, 無煩擾之事, 才可吃出味道來. 加上酒及笑聲作伴菜... 美味食物+美好回憶就此產生. ...

  細摩兄講的真是至理，三五知已齊齊放鬆以美酒及笑聲享受美味食物，人生樂事也！阿標也是從事分秒必爭緊張工作的，不過年前也隨俗地學人話自已要嘗試看破放下自在，境由心生，於是某日起好像真的可以比較輕視生命中一些從前重視東西，多放些時間心力於新舊朋友個人玩樂佳餚美食等從前總推說花不起時間的東西上！從那時起，人生樂事美好回憶也真像多起來，連以前也曾有的認為衹有離開香港這個彈丸是非地才能透氣的毛病也似乎治好了！

  細摩兄是明白人，不必羨慕阿標與小千等，但卻無防也試試將令自己不能開懷的人事公事輕視一些，反正這些眼前的所謂人事公事，快者朝夕之間，慢者三五七載，必湮沒於無有，不值得我地浪費眼前風景，美食良朋！

阿標冒昧言之，細摩兄不防姑且聽之！

...說起來，今晚天涼似秋，阿標坐言起行，又與三數良朋到鬍鬚安處盡興一窩！    明天醉醒才是重新投入搏殺的一天，嘻嘻！